Krishi Jagran Tamil
Menu Close Menu

இலக்காகிய மீன்களில் காணப்படும் பொதுவான அறிகுறிகள் மற்றும் காரணிகள்

Friday, 06 September 2019 03:45 PM
Diseased fish

மீன்கள் இயற்கையாகவே அதிக நோய் எதிர்ப்பு சக்தி கொண்டவை. மீன்களின் வெளிப்பகுதி முழுவதும் உள்ள வழவழப்புத்தன்மை, நோய்க்கிருமிகளை உடலுக்குள் நுழையாதவாறு ஓர் தடுப்பு சுவராக அமைத்திருப்பது மட்டுமல்லாமல், நோய் காரணிகளை எதிர்க்கும் சக்தியையும் கொண்டுள்ளது. ஒட்டுண்ணிகள் மீன்களின் உடம்பில் நுழையும்போது, அவற்றை காப்புறையிட்டு மூடிவிடுதலும், செயலிழக்கச் செய்து விடுதலும் மீன்கள் இயற்கையாகப் பெற்றிருக்கும் பாதுகாப்பு வழிகளில் ஒன்றாகும்.

இவ்வாறு இயற்கையான சில நோய் எதிர்ப்பு மற்றும் தற்காப்புத் தன்மைகளை பெற்றுள்ள மீன்களை குளத்தில் இருப்புச் செய்து வளர்க்கும் போதில் அவற்றுக்கு அதிகமாக இடப்படும் உரம் மற்றும் கழிவுகள், மீதமான செயற்கை உணவுகள், மீன்களின் கழிவுகள் அனைத்தும் அதிகரிக்கும் போது நீரின் தரம் குறைகிறது. இத்தகைய சூழலில் மீன்களுக்கு ஒரு வகையான அழுத்தம் (Stress) ஏற்பட்டு பாக்டீரியா வைரஸ் மற்றும் பூஞ்சாணங்களால் ஏற்படும் நோய்களுக்கும், ஒட்டுண்ணிகளின் தாக்குதலுக்கும் இலக்காகின்றன.

parasite attack

நீரின் தரம் பாதிப்பது மட்டுமன்றி, அவைகளை அடிக்கடி பிடித்து கையாள்வது, உயிர்வளி (பிராணவாயு) குறைவு, மீன்களின் உடலில் வழவழப்புத்தன்மை, கடுமையான வெப்ப நிலைமாற்றம், நோய் எதிர்ப்பு அணுக்களின் உற்பத்தி நின்று விடுதல் போன்ற காரணங்களாலும் மீன்களுக்கு நோய்கள் ஏற்படுகின்றன. இச்சூழலில் முறையான தடுப்பு மற்றும் சிகிச்சை முறைகளை மேற்கொள்ளாவிடில் நோய்கள் மற்றும் ஒட்டுண்ணிகளின் தாக்குதல் மற்ற மீன்களுக்கும் பரவி, பெருமளவில் பாதிப்பை ஏற்படுத்தி விடும்.

பாதிப்பின் அறிகுறிகள்

Fully Affected Fish

* இயல்பு நிறம் மாறி மீன்கள் சாம்பல் அல்லது நீல நிறமாக காணப்படும்.

* துடுப்புகள் சிதைந்து அரிக்கப்பட்டிருக்கும், அவற்றில் மடிப்புகளும் காணப்படும்.

* குளத்தின் அடியிலோ அல்லது ஓரங்களிலோ அடிக்கடி உராயும், நீரின் மேற்பரப்பில் வந்து நீரை வாலால் அடித்து விட்டுச் செல்லும்.

* உடலின் வெளிப்பாகத்தில் பரவலாக ‘வியர்வைத் துளிகள்’ போல் இரத்தம் வெளிப்படும்.

* சதைப்பகுதிகளில் பருக்கள், காயங்கள் அல்லது புண்கள் காணப்படும்.

* மீனின் கழிவு நூல் போல ‘திப்பி திப்பியாக’ வெளிப்படும்.

* செவுள்களில் இரத்தம் உறைந்து, கருப்புக்கோடுகள் போல காணப்படும்.

* செவுள்கள் தங்கள் செந்நிறத்தை இழந்து, வெளுத்துக் விடும்.

* மீன்கள் சுவாசிக்க சிரமப்படும், இதன் அறிகுறியாக செவுள் மூடிகளை வேகமாக அசைத்துக் கொண்டே இருக்கும். 

*  உடலின் வெளிப்பாகங்களில் வீக்கம் காணப்படும்.

* வழக்கத்திற்கு மாறாக சரியாக உணவு உண்ணாதிருக்கும்.

இந்த அடையாளங்களில் ஏதேனும் ஒன்று தென்பட்டாலும் அதர்க்கான நோயை கண்டறிந்து தக்க சிகிச்சை மூலம் குணப்படுத்தவேண்டும்.

K.Sakthipriya
Krishi Jagran

Diseased Fishes Common Symptoms fishes disease and parasite attack
English Summary: Do you about Diseased Fishes: Here are some Common Symptoms of Diseased Fishes

Share your comments


Krishi Jagran Tamil Magazine Subscription Online Subscription


Latest Stories

  1. வெங்காயம் விலை உச்சத்தை தொட்டது ; 100 ரூபாய்க்கு விற்பனை!!
  2. மீன் வளத்தைப் பெருக்க ரூ.40ஆயிரம் வரை மானியம்- மீன்வளத்துறை அறிவிப்பு
  3. குறித்த காலத்தில் மல்லிகைக்கு கவாத்து செய்தால் குளிர்காலத்தில் அதிக மகசூல்!
  4. ரூ.5000 வேண்டுமா? ரொம்ப சிம்பிள் - உங்கள் ஆதார் எண்ணை வங்கிக் கணக்குடன் இணைத்திடுங்கள் போதும்!
  5. FSSAI Job Offer: துணை மேலாளர், உதவி மேலாளர் உள்ளிட்ட பணிகளுக்கு ஆட்கள் தேவை - முழு விவரம் உள்ளே!!
  6. குமரி மாவட்டத்தில் கும்பப்பூ சாகுபடிக்கு நாற்றங்கால்: ரூபாய் 1200 மானியம்!
  7. அடுத்த 2 நாட்களுக்கு வடதமிழகத்தில் மழைக்கு வாய்ப்பு! - சென்னை வானிலை மையம் தகவல்!
  8. உணவின் தரத்தை ஆராய நடமாடும் சோதனை கூடம்! உணவு பாதுகாப்பு துறை மதுரைக்கு வழங்கல்
  9. புதிய வேளாண் சட்டங்களுக்கு எதிர்ப்பு ; டிசம்பர் 1 கோட்டையை நோக்கி பிரச்சார பயணம்!!
  10. விதை பெருக்கு திட்டம் : நெல் விதை உற்பத்தி செய்யும் விவசாயிகளுக்கு 75% கொள்முதல் விலை - வேளாண் துறை

CopyRight - 2020 Krishi Jagran Media Group. All Rights Reserved.