Krishi Jagran Tamil
Menu Close Menu

சாகுபடி பரப்பு அதிகரிக்க நிதி ஒதுக்கீடு: அனைத்து மாவட்டங்களிலும் விரைவில் அறிமுகம்

Wednesday, 12 February 2020 11:59 AM , by: Anitha Jegadeesan
Nursery Plants are waiting to distribute

தமிழகத்தில் தோட்டக்கலை பயிர்களின் சாகுபடியை உயர்த்த மத்திய, மாநில அரசுகள் திட்டமிட்டுள்ளன. இவ்வாண்டிற்கான மத்திய பட்ஜெட்டில் வேளாண் துறைக்கு முக்கியத்துவம் அளிக்கப்பட்டு அதற்காக ரூ.1.60 லட்சம் கோடி நிதி ஒதுக்கீடு செய்யப்பட்டுள்ளது. இதன் காரணமாக தோட்டக்கலை பயிர்கள் சாகுபடியை உயர்த்துவதற்கும், விவசாயிகளின் வருமானத்தை இரண்டு மடங்கு அதிகரிப்பதற்கும் தோட்டக்கலை துறையினர் ஆலோசனை நடத்தினர்.

மாநிலம் முழுவதும் உள்ள ஒவ்வொரு வருவாய் கிராமத்திலும் பழங்கள் சாகுபடி பரப்பை அதிகரிக்க திட்டமிட்டுள்ளனர். விவசாயிகளின் வருமானத்தை இரட்டிப்பாக்கும் நோக்கில் பழ மரங்களை சாகுபடி செய்து  ஊடுபயிராகவும், குறுகியகால பயிராகிய காய்கறிகளை சாகுபடி செய்வதற்கு அறிவுறுத்தப்பட உள்ளனர். இதன் மூலம் நிரந்தர வருவாய் கிடைக்கும் என்கிறார்கள்.

Fruits cultivation

பழங்கள் சாகுபடி பரப்பை அதிகரிப்பதன் மூலம் அத்துடன் தொடர்புடைய பழங்களை பதப்படுத்துதல், மதிப்பு கூட்டுதல் போன்ற தொழில்களில் ஈடுபடலாம். விரைவில் கெட்டு போகும் பழங்களை பதப்படுத்துதல் மற்றும் மதிப்பு கூட்டுதல் மூலம் இழப்பீடுகளை குறைத்து கூடுதல் வருவாய் பெற இயலும். இதற்காக, மத்திய அரசின் தேசிய தோட்டக்கலை இயக்கம் வாயிலாக தேவையான நிதி உதவிகளை பெறுவதற்கு மாநில தோட்டக்கலை துறையினர் முயற்சித்து வருகின்றனர்.

தமிழகத்தில் பழங்கள் மற்றும் காய்கறி சாகுபடியினை உயர்த்துவதன் மூலம்  தன்னிறைவு அடைய முடியம். இத்திட்டம் சென்னையை தவிர்த்து, பிற மாவட்டங்களில் அரசு தோட்டக்கலைப் பண்ணை வாயிலாக விரைவில் செயல்பாட்டிற்கு வரவுள்ளது. அந்தந்த மாவட்டங்களின் மண் வளம்,  தட்ப வெப்பத்திற்கு ஏற்ப முக்கியத்துவம் அளிக்கப்படும் என தெரிவிக்கப் பட்டுள்ளது.

Horticulture Fruit Crops Scheme Horticulture Fruit Crops in Tamilnadu National Horticulture Board Tamilnadu Horticulture Department Horticulture schemes in tamilnadu

Share your comments


Krishi Jagran Tamil Magazine Subscription Online Subscription

Latest Stories

  1. கோடையிலும் புத்துணர்ச்சி தரும் இயற்கையின் அதிசயம்: சர்வரோக நிவாரணி
  2. கட்டுப்படுத்தும் வழிமுறைகள் குறித்து, வேளாண் அறிவியல் நிலைய விஞ்ஞானிகள் விளக்கம்
  3. மலைத் தோட்டங்களில் ஸ்பிரிங்ளர் மூலம் தண்ணீர் பாய்ச்சும் விவசாயிகள்
  4. கடன் அட்டை பெற விண்ணப்பிக்கலாம்: தோட்டக்கலைத் துறையினா் தகவல்
  5. தேசிய ஊரக வேலை உறுதியளிப்பு திட்டத்தின் கீழ் அசோலா தொட்டி அமைக்க விண்ணப்பிக்கலாம்
  6. உழவர் கடன் அட்டை பெற விரும்பும் விவசாயிகள் தெரிந்துக் கொள்ள வேண்டிய முக்கிய தகவல்கள்
  7. தோட்டக்கலை தொழில் மேம்பாட்டு மையம் சார்பில், பசுமை குடில் கருத்தரங்கம்
  8. விரைவில் சன்ன ரக நெல் அறிமுகம்: வேளாண்மை அறிவியல் நிலையம் தகவல்
  9. கோடைக்கு முன்பே பெரும்பாலான ஏரி, குளங்கள் வற்றி விடும் அபாயம்
  10. குறைந்து வரும் உளுந்து, பயறு சாகுபடி பரப்பு: வேளாண் வல்லுநர்கள் ஆலோசனை

CopyRight - 2020 Krishi Jagran Media Group. All Rights Reserved.