1. Blogs

அடுத்த மாதம் முதல் தடைபட்ட கோமாரி தடுப்பூசி முகாம் நடக்க ஏற்பாடு

Anitha Jegadeesan
Anitha Jegadeesan
Vaccination Camp for Livestock

தேசிய விலங்குகள் நோய்த் தடுப்புத் திட்டத்தின் கீழ், ஒவ்வொரு ஆண்டும் மார்ச் மற்றும் செப்டம்பர் மாதங்களில், இரு கட்டங்களாக கோமாரி தடுப்பூசி முகாம் நடைபெற்று வருகிறது. தமிழகத்தில் மட்டும் 1.4 கோடிக்கு மேல் கால்நடைகள் உள்ளன. இந்தாண்டிற்கான தடுப்பூசி முகாம் பிப்ரவரி 28ம் தேதி முதல் மார்ச் 19ம் தேதி வரை அறிவித்திருந்தது. கொரோன நோய் பரவல், ஊரடங்கு மற்றும் சமூக இடைவெளி போன்ற காரணங்களினால் மார்ச் மாதத்திற்கான கோமாரி தடுப்பூசி முகாம் முழுமையாக நடைபெறவில்லை. எனவே இதுவரை கோமாரி தடுப்பூசி போடப்படாத கால்நடைகளுக்கு, வரும் ஜூன் மாதம் முதல் போடப்படும் என கால்நடை துறை அதிகாரிகள் தெரிவித்துள்ளனர்.

கால்நடைகளை தாக்கும் கோமாரி நோய்

பொதுவாக கால்நடைகளை தாக்கும் மிக முக்கியமான நோய்களில் கோமாரி நோயும் ஒன்றாகும். வைரஸ் கிருமிகளால் உண்டாகும் இந்நோயானது கால் மற்றும் வாய் காணை போன்றவற்றை தாக்கும். இதனால் வாயிலும், நாக்கிலும் கொப்புளங்கள் ஏற்படுவதுடன், எச்சிலானது கம்பி போன்று வழிந்து கொண்டே இருக்கும். காலின் குளம்புப் பகுதியில் புண்கள் தோன்றி கால் முழுவதும் வீக்கம் காணப்படும். இதனால் பால் குறைதல், சினை பிடிப்பதில் சிரமம், கருச்சிதைவு போன்றவை ஏற்படும். இதனால் கறவையாளர்கள் பெரும் பொருளாதார இழப்பை சந்திக்க நேரிடும்.  எனவே அரசு  கால்நடைகளுக்கு கட்டாயம் கோமாரி தடுப்பூசி  போடும்படி  பரிந்துரைத்துள்ளது.

கால்நடைகளை பாதுகாக்கவும், விவசாயிகள்  நஷ்டம் அடையாமல் இருக்கவும்  இந்த சிறப்பு முகாமை பண்ணையாளர்கள், கால்நடை விவசாயிகள் என அனைவரும் பயன்படுத்திக் கொள்ள வேண்டும் என  கால்நடை பராமரிப்புத்துறை கேட்டுக் கொண்டது.  இது குறித்து கால்நடை துறை அதிகாரிகள் கூறுகையில்,  இம்மாத இறுதியில் நான்காம் கட்ட ஊரடங்கு நிறைவடைவதை அடுத்து தடுப்பூசி போடப்படாத, மீதமுள்ள கால்நடைகளுக்கு, கோமாரி தடுப்பூசி போடப்படும் என்று தெரிவித்தார்.

https://tamil.krishijagran.com/animal-husbandry/vaccination-schedule-for-cattle-know-the-annual-basis-vaccines-to-keep-your-herd-healthy/

English Summary: Vaccination Camp For Cattle Announced By Tamilnadu Animal Welfare Department

Like this article?

Hey! I am Anitha Jegadeesan. Did you liked this article and have suggestions to improve this article? Mail me your suggestions and feedback.

Share your comments

Latest feeds

More News

CopyRight - 2025 Krishi Jagran Media Group. All Rights Reserved.