பயிர்களின் ஊட்டச்சத்து மருந்தான பழக்கரைசல்! தயாரிப்பது எப்படி?

அனைத்து வகை பயிர்களுக்கும், சிறந்த ஊட்டச்சத்து மருந்தாக செயல்படும், பழக்கரைலைத் தயாரிப்பது எப்படி என்பது குறித்து பார்ப்போம்.

தேவையான பொருட்கள் (Ingradients)

அமிலத்தன்மை அற்றப் பழங்களான

பப்பாளி                             - 2 கிலோ

நெல்லி                               - 2 கிலோ              

கொய்யா                           - 2 கிலோ

வாழை                               - 2 கிலோ

பனம்                                  - 2 கிலோ

நாட்டுமாட்டுக் கோமியம்      - 1லிட்டர்

செய்முறை  (Method)

• பழங்களை சுமார் 15 லிட்டர் கொள்ளவு கொண்ட பாத்திரத்தில் போட்டு, இறுக்கமாக மூடிவிடவும். இரண்டு நாள் கழித்து கோமியத்தை ஊற்றி நன்கு கலக்கி விடவும்.

• இந்த கலவையை தினமும் தவறாமல் கலக்கிவிடவும்.

• 30 நாட்கள் கழித்து பார்த்தால் பழக்கரைசல் தயாராகியிருக்கும்.

அளவு (Quantity)

இந்தக் கரைசலை 1:10 என்ற விகிதத்தில் தண்ணீருடன் கலந்து பயிர்களுக்கு தெளிக்கலாம்.
இதனை ஜீவாமிர்தத்திற்கு மாற்றாகவும் பயன்படுத்தலாம்.

பயன்கள் (Benefits)

• அவ்வாறு பயன்படுத்தும் இந்த கரைசல், பயிர்களுக்கு நல்ல ஊட்டச்சத்து மருந்தாக செயல்பட்டு, மகசூலை அதிகரிக்க உதவும்.

• இது ஒரு வளர்ச்சி ஊக்கியாக செயல்பட்டு, பயிர்களில் நோய் எதிர்ப்பு சக்தி மற்றும் வளர்ச்சியை அதிகரிக்கும்

• தழைச்சத்தை கொடுத்து, பயிர் வளர்ச்சி சீராக வைக்கும்.

• மண்ணில் நுண்ணுயிர்களின் எண்ணிக்கையை அதிகரித்து பூக்கும் தன்மையையும் உயர்த்தும்.

• தரமான காய்கறிகள் கிடைக்கும்

• பயிர்களுக்கு ஒவ்வாத மனத்தை ஏற்பத்தி பூச்சிகளை விரட்டும்

• விவசாயிக்கு செலவையும் குறைக்கும்

மேலும் படிக்க....

PMMSY : கால்நடை வளர்ப்போருக்காக e-Gopala App- அனைத்து தகவலும் உங்கள் கையில்!!

100 சதவீத மானியத்தில் அசில் ரக கோழி வளர்ப்பு- பெண்களுக்கு வாய்ப்பு!