தங்கம் விலையில் தொடரும் அதிகரிப்பு, அதனை நடுத்தரவாசிகளுக்கு எட்டாக்கனியாகவே மாற்றிவிடுகிறது. அந்த வகையில் ஒரு கிராம் தங்கம் விலை நீண்ட நாட்களுக்குப் பிறகு மீண்டும் ரூ.5 ஆயிரத்தைத் தாண்டிருப்பது, இல்லத்தரசிகளை அதிர்ச்சி அடையச் செய்துள்ளது.
தனிப்பட்ட கவுரவம்
தங்க நகை அணிவதை ஆடம்பரமாகவும், கவுரவமாகவும் கருதுவதால், அதன் விலை எவ்வளவு ஏறினாலும் மவுசு மட்டும் குறைவது இல்லை. சர்வதேச பங்குச்சந்தை நிலவரத்துக்கு ஏற்ப தங்கம் விலையில் ஏற்றம்-இறக்கம் காணப்படுகிறது.
தொடரும் அதிகரிப்பு
குறிப்பாக ரஷியா- உக்ரைன் இடையே போர் தொடர்வதால், பங்குச்சந்தை முதலீட்டாளர்களின் கவனம் முழுவதும் தங்கத்தின் பக்கமே இருக்கிறது. இதன் காரணமான முன் எப்போதும் இல்லாத வகையில், தங்கத்தின் விலையில் மாற்றம் நிலவி வருகிறது.
அதிரடி சரிவு
கடந்த சில நாட்களாகவே ரூ.4 ஆயிரத்திற்கும் கீழ் இருந்த ஆபரணத் தங்கத்தின் விலை, டிசம்பர் மாதத்தின் தொடக்கத்தில் இருந்தே உச்சத்தை எட்டியுள்ளது. அதாவது ஒரு கிராம் தங்கம் ரூ.5 ஆயிரத்தைத் தாண்டிய நிலையில், நேற்று ரூ.5045க்கு விற்பனையானது. ஒரு சவரன் தங்கம் ரூ.40,360க்கு விற்கப்பட்டது.
திருமண சீசன் துவங்குவதற்கு முன்பே, ஏற்பட்டு விலைஉயர்வு நிலையில், திருமணம் வைத்திருப்பவர்களுக்குக் கலக்கத்தை ஏற்படுத்தியுள்ளது.
இது ஒருபுறம் இருக்க, புத்தாண்டில் தங்கத்தை வாங்கிச் சேமிக்க விரும்பும் இல்லத்தரசிகளுக்கு இந்த விலைஉயர்வு அதிர்ச்சியை ஏற்படுத்தியுள்ளது.
மேலும் படிக்க....
Share your comments