அமெரிக்காவின் டென்னசியில் சிறையில் இருக்கும் காதலனை பார்க்க சென்ற காதலி கொடுத்த முத்தத்தால் காதலன் மரணம் அடைந்தார். இந்த சம்பவம் பெரும் பரபரப்பை ஏற்படுத்தியுள்ளது.

போதையில் முத்தம்

விஷயம் என்னவென்றால், காதலி முத்தம் மூலம் கொடுத்த போதைப் பொருட்களை, காதலன் அதிகளவில் விழுங்கியதே மரணத்திற்கு காரணம் எனத் தெரியவந்துள்ளது.

சிறை தண்டனை

போதைப்பொருள் வழக்கில் ஜோசுவா பிரவுன் என்பவருக்கு 2029 வரை 11 ஆண்டுகள் சிறை தண்டனை விதிக்கப்பட்டது. அவர் சிறையில் அடைக்கப்பட்டிருந்தார். போதை பொருள் பயன்படுத்தும் பழக்கத்தால் அவர் சிறையில் போதைபொருள் கிடைக்காமல் தவித்தார்.

இதுதொடர்பாக தன்னை பார்க்கவந்த காதலி ரேச்சல் டொலார்ட்டிடம் கூறினார். எனவே தன் கணவனுக்கு உதவ நினைத்த ரேச்சல், அதற்காகத் திட்டமிட்டார். அடுத்த முறை காதலனை பார்க்க சென்றபோது தன் காதலனுக்கு நீண்ட நேரம் முத்தம் கொடுத்தார். இதில் ஜோசுவா பிரவுன் சுருண்டு விழுந்து மரணமடைந்தார்.

விசாரணையில் தகவல்

ஜோசுவாவின் மரணம் குறித்து நடத்தப்பட்ட விசாரணையில், அதிகளவிலான போதைப் பொருட்களை விழுங்கியதே மரணத்திற்கு காரணம் எனத் தெரியவந்துள்ளது.

அதாவது, போதைப்பொருள் கிடைக்காமல் சிறையில் தவித்த காதலைனை பார்க்க சென்ற காதலி வாயில் போதைப்பொருள் வைத்திருந்தார். முத்தமிடும் சாக்கில் அவர் வாயில் இருந்து போதை மருந்துகளை காதலன் வாயில் போட திட்டம் தீட்டி இருந்தார்.

ஆனால் போதைப்பொருள் கிடைத்த மகிழ்ச்சியில் காதலன் 14 கிராம் போதைப்பொருளை மொத்தமாக விழுங்கினார். அதுவே விஷமாகி அவரது உயருக்கு உலை வைத்துவிட்டது. அவரது வயிற்றில் போதைப்பொருள் இருப்பது கண்டுபிடிக்கப்பட்டதன் அடிப்படையில், ரேச்சல் டொலார்ட்டை போலீசார் கைது செய்தனர்.

மேலும் படிக்க...

விடாது துரத்தும் காகங்கள்- தலையில் கொத்துவதால் அலறும் பெண்மணி!

கத்திரிக்காயை பச்சையாக கடித்துக் காண்பித்த பெண் எம்.பி!