கிசான் கிரெடிட் கார்டு திட்டத்தின் கீழ் விவசாயிகளுக்கு குறைந்த வட்டில் அதிக கடனுதவி வழங்க மத்திய அரசு திட்டமிட்டுள்ளது. விவசாயிகளின் வருமானத்தை ,இரட்டிப்பாக உயர்த்துவதற்காக மத்திய அரசு தொடர்ந்து முயற்சி செய்து வருகிறது. இதற்காக பல திட்டங்களை அரசு செயல்படுத்தி வருவதால், விவசாயிகள் பெரும் பயன் பெற்று வருகின்றனர். பிரதான் மந்திரி கிசான் சம்மன் நிதி என்ற திட்டம் அதில் மிக மிக முக்கியமான ஒரு திட்டமாகும்.
பிஎம் கிசான்
பிஎம் கிசான் திட்டத்தின் கீழ் விவசாயிகளுக்கு மூன்று தவணையாக ரூ.2000 நிதியுதவி வழங்கப்பட்டு வருகிறது. அதாவது ஒரு ஆண்டுக்கு மொத்தம் 6000 ரூபாய் வழங்கப்படுகிறது. இத்திட்டத்தின் கீழ் இதுவரையில் 12 தவணைகள் வழங்கப்பட்டுவிட்டன. 13ஆவது தவணைக்காக விவசாயிகள் காத்திருக்கின்றனர்.
நிதியமைச்சர்
இதற்கிடையில், விவசாயிகளின் பொருளாதார நலனுக்காக ஒரு பெரிய விஷயத்தை மத்திய நிதியமைச்சர் நிர்மலா சீதாராமன் தற்போது கூறியுள்ளார். கிராம மக்களின் வருமானத்தை அதிகரிக்க, கிசான் கிரெடிட் கார்டு (KCC) வைத்திருப்பவர்களுக்கு எளிதாகக் கடன் வழங்க வேண்டும் என்று பொதுத்துறை வங்கிகளுக்கு நிதியமைச்சர் நிர்மலா சீதாராமன் வேண்டுகோள் விடுத்துள்ளார். இதன் மூலம் விவசாயிகளுக்கு அதிகக் கடன்கள் கிடைக்கும் எனவும், அவர்களது வருமானம் அதிகரிக்கும் எனவும் எதிர்பார்க்கப்படுகிறது.
கிசான் கிரெடிட் கார்டு
விவசாயிகளின் அவசர தேவைக்காகக் கடன் பெறவும், விவசாயம் செய்ய உதவியாகவும் கிசான் கிரெடிட் கார்டு என்ற அட்டௌ வங்கிகள் தரப்பில் வழங்கப்படுகிறது. கிசான் கிரெடிட் கார்டு மூலம் உத்தரவாதமில்லா கடன்கள் குறைந்த வட்டியில் வழங்கப்படுகின்றன. கிசான் கிரெடிட் கார்டுகளுக்கான செயல்முறை கட்டணங்கள் உள்ளிட்ட பல்வேறு கூடுதல் கட்டணங்களை மத்திய அரசு ரத்து செய்துள்ளது.
குறைந்த வட்டியில்
இந்த கிசான் கிரெடிட் கார்டு குறைந்த வட்டியில் விவசாயக் கடன் வழங்குவதற்காக விவசாயிகளுக்கு வழங்கப்படுகிறது. விவசாயிகளுக்கு இதன் மூலம் 4 சதவீத வட்டிக்கு கடன் கொடுக்கப்படுகிறது. இத்திட்டத்தின் கீழ் 2 சதவீத வட்டிக்குக் கூட கடன் வாங்கலாம்.
எப்படி விண்ணப்பிப்பது?
இணையதளத்தில் கிசான் கார்டுக்கான விண்ணப்பப் படிவத்தைப் பதிவிறக்கம் செய்து அதைப் பூர்த்தி செய்த பின்னர் வங்கியில் சமர்ப்பிக்க வேண்டும். உங்களுக்கு விருப்பமான வங்கியைத் தேர்ந்தெடுத்து அந்த வங்கியில் விண்ணப்பிக்கலாம்.
ஆவணங்கள்
கிசான் கிரெடிட் கார்டு வாங்குவதற்கு நில ஆவணங்கள் மற்றும் பயிர் விவரங்களைச் சமர்ப்பித்து விண்ணப்பப் படிவத்தில் பூர்த்தி செய்ய வேண்டும். இதுபோக நில ஆவணத்தின் நகலையும் சமர்ப்பிக்க வேண்டும். ஆதார் அட்டை, பான் கார்டு, 100 நாள் வேலைத் திட்டத்துக்கான அட்டை, வாக்காளர் அடையாள அட்டை போன்ற ஏதேனும் ஒரு ஆவணத்துடன் சேர்த்து, நில ஆவணங்கள், பாஸ்போர்ட் சைஸ் போட்டோ போன்ற ஆவணங்கள் தேவை.
மேலும் படிக்க...
ஆதார் அட்டைதாரர்களுக்கு ரூ.4.78 லட்சம்- விபரம் உள்ளே!
ஜெயலலிதா மரணம்: விசாரிக்கிறதா சிபிஐ?- சிக்குகிறார்கள் அவர்கள்!