திருப்பூர் மாவட்டத்தில் சூரிய மின் வேலி (Sunlight electric fence) அமைக்க மானியம் வழங்கப்பட உள்ளதால், விருப்பமுள்ள விவசாயிகளிடமிருந்து விண்ணப்பங்கள் வரவேற்கப்படுகின்றன.
இது குறித்து மாவட்ட ஆட்சியர் க.விஜயகார்த்திகேயன் வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:
-
தமிழகத்தில் வேளாண்மைப் பொறியியல் துறை மூலமாக 2020-21ம் ஆண்டில் சூரிய சக்தியால் இயங்கும் சூரிய ஒளி மின்வேலியினை (Sunlight electric fence) ரூ.3 கோடி மானியத்துடன் தேசிய வேளாண் அபிவிருத்தித் திட்டத்தின் கீழ் மாவட்டத்தில் செயல்படுத்த இலக்கு நிர்ணயிக்கப்பட்டுள்ளது.
-
இத்திட்டத்தில் விண்ணப்பிக்க ஒரு விவசாயிக்கு அதிகபட்சம் 2 ஹெக்டேர் பரப்பு அல்லது 565 மீட்டருக்கு சூரிய மின் வேலி அமைக்க மானியம் வழங்கப்படும்.
-
சூரிய மின்வேலி அமைப்ப தற்கான செலவுத் தொகையில் 50 சதவீதம் மானியமாக வழங்கப் படும்.
-
இதில், 5 வரிசைகள் கொண்ட சூரிய மின்வேலி அமைக்க ஒரு மீட்டருக்கு ரூ.249 வீதமும், 7 வரிசைக்கு ரூ.299 வீதமும், 10 வரிசைக்கு ரூ.349 வீதமும் விவசாயிகள் தங்கள் பகுதிக்கு ஏற்றவாறு தேர்வு செய்து கொள்ளலாம்.
-
இத்திட்டத்தில் பயன்பெற விருப்பமுள்ள விவசாயிகள் திருப்பூர் தென்னம்பாளையத்தில் உள்ள வேளாண்மைப் பொறியியல் துறை உதவி செயற்பொறியாளர் அலுவலகத்தை 94864-42437 என்ற செல்போன் எண் மூலம் தொடர்பு கொள்ளலாம்.
-
தாராபுரம் டிஎஸ்பி அலுவலகம் எதிரில் உள்ள உதவி செயற்பொறியாளர் அலுவலகத்தை 99427-03222 என்ற செல்போன் எண்ணிலும், உடுமலை, யசோதா ராமலிங்கம் லேஅவுட் பகுதியில் உள்ள உதவி செயற்பொறியாளர் அலுவலகத்தை 98655-63400 என்ற செல்போன் எண்ணிலும் தொடர்பு கொள்ளலாம்.
இவ்வாறு அதில் தெரிவிக்கப்பட்டுள்ளது.
மேலும் படிக்க...
மகசூலை 20% அதிகரிக்கும் திரவ உயிர் உரங்கள்!
மண்ணில்லா விவசாயத்திற்கான ஏரோபோநிக்ஸ்- 25% மானியம் தருகிறது அரசு!
அறுவடை பரிசோதனைக்கு, தற்காலிக பணியாளர்கள் நியமனம்- விருப்பமுள்ளவர்கள் விண்ணப்பிக்கலாம்!