tissue culture technique its help to increase turmeric crop cultivation

தாவர நோய்கள் மற்றும் பூச்சித் தாக்குதல்கள் உலகெங்கிலும் பயிர் உற்பத்தியில் தொடர்ந்து அழிவை ஏற்படுத்தி வரும் நிலையில், இந்தியாவில் மஞ்சள் பயிரில் நோய் தாக்குதலை கட்டுப்படுத்தும் முயற்சி வெற்றியடைந்துள்ளது.

இந்தியாவிலுள்ள நிஜாமாபாத் மாவட்டத்தில் விவசாயிகள் பயிரிடும் முக்கியப் பயிர்களில் ஒன்றாக மஞ்சள் இன்றளவிலும் உள்ளது. ஆனால் நோய்கள் மற்றும் பூச்சிகளின் அச்சுறுத்தல் காரணமாக, மாநிலத்தின் வடமேற்குப் பகுதியில் பயிரிட்டுள்ள மஞ்சள் விவசாயத்தில், விவசாயிகளால் லாபம் ஈட்ட முடியவில்லை.

மஞ்சள் விவசாயத்தை மீண்டும் அதன் உச்சக்கட்ட நிலைக்குக் கொண்டு வர, தெலுங்கானா பல்கலைக்கழகத்தின் உயிரி தொழில்நுட்பத் துறையின் ஆசிரியர் ஒருவர் இந்தப் பிரச்சினைக்கு ஒரு புதிய தீர்வைக் கண்டுபிடித்துள்ளார்.

திசு வளர்ப்பைப் பயன்படுத்தி மஞ்சள் சாகுபடி மேற்கொண்டமைக்காக முனைவர் பட்டம் பெற்றவர் டாக்டர் பிரசன்னா. தெலுங்கானா பல்கலைக்கழகத்தில் உள்ள உயிரி தொழில்நுட்பத் துறையின் உதவிப் பேராசிரியரான டாக்டர் கிரண்மயி கசுலாவின் மேற்பார்வையின் கீழ் மரபணு மாற்றத்தைப் பயன்படுத்தி நோய் எதிர்ப்புத் திறன் கொண்ட மஞ்சளை உருவாக்க டாக்டர் பிரசன்னா தனது ஆராய்ச்சியை மேற்கொண்டார்.

அவர் தனது ஆராய்ச்சியை 2017-18-இல் தொடங்கி 2021-22-இல் முடித்தார். தெலுங்கானா மாநிலம் மற்றும் மகாராஷ்டிராவில் மஞ்சள் பயிர் சாகுபடி செய்யப்பட்டுள்ள வயல்களினை பார்வையிட்டு, விவசாயிகள் எதிர்கொள்ளும் பிரச்சனைகளை அறிந்து கொண்டார்.

டாக்டர் பிரசன்னாவின் கூற்றுப்படி, நிஜாமாபாத் மற்றும் அதைச் சுற்றியுள்ள மாவட்டங்களில் உள்ள விவசாயிகள் மஞ்சளின் காட்டு வடிவங்களை பயிரிடுகின்றனர். இதில் ஏற்படும் நோய்கள், முக்கியமாக வேர்த்தண்டுக்கிழங்கு அழுகல் (தும்ப தெகுல்லு) காரணமாக அவர்கள் எதிர்பார்த்த பலன்களைப் பெறவில்லை. அதிக மழை பெய்யும் போதெல்லாம், மஞ்சள் விளைச்சலும் குறைகிறது.

கைக்கொடுத்த திசு வளர்ப்பு நுட்பம்:

மேற்குறிப்பிட்ட சிக்கலைத் தீர்க்க டாக்டர் பிரசன்னா திசு வளர்ப்பு நுட்பத்தைப் பயன்படுத்தி ஒற்றை வேர்த்தண்டு மொட்டுகளிலிருந்து தளிர்களின் எண்ணிக்கையை அதிகரித்தார்.

திசு வளர்ப்பில் இருந்து தாவரங்கள் பகலில் 16 மணி நேரமும், இரவில் எட்டு மணி நேரமும் குளிர்ந்த வெப்பநிலையில் ஆய்வகங்களில் பல தளிர்கள் முளைப்பதற்கு ஊட்டச்சத்துக்களை எளிதாக்குகின்றன.

ஒரு வேர்த்தண்டு மொட்டிலிருந்து வெறும் 32-35 தளிர்கள் பெறுவதன் மூலம் ஆய்வில் குறிப்பிடத்தக்க வெற்றியை கண்டார். அதே எண்ணிக்கையிலான தளிர்களை உற்பத்தி செய்ய குறைந்தபட்சம் அரை கிலோகிராம் முதல் அதிகபட்சமாக 1 கிலோகிராம் வேர்த்தண்டுக்கிழங்கு தேவைப்படும் என்பது குறிப்பிடத்தக்கது.

தாவரங்கள் ஆரம்பத்தில் ஆய்வகத்தில் பயிரிடப்பட்டன, மேலும் வயலுக்கு இடமாற்றம் செய்யும் போது, அவற்றில் சுமார் 65 முதல் 70 சதவீதம் வரை உயிர் பிழைத்தது. இருப்பினும், நிஜாமாபாத்தில் உள்ள எஸ்.எல்.என் உயிரியல் விஞ்ஞானி டாக்டர் சாய்கிருஷ்ணா தல்லா வழங்கிய டிரைக்கோடெர்மா உயிர் உரத்தை (ட்ரைக்கோ இந்தூர்) பயன்படுத்தியபோது விளைவுகள் இன்னும் சிறப்பாக இருந்தன. இந்த உயிர் உரத்தைப் பயன்படுத்துவதன் மூலம், அனைத்து தாவரங்களும் உயிர் பிழைத்தன, தளிர் மற்றும் வேர் நீளம் இரண்டிலும் குறிப்பிடத்தக்க வளர்ச்சியை வெளிப்படுத்துகின்றன.

அவர்களின் ஆராய்ச்சியின் விளைவாக மகசூலில் இந்த கணிசமான முன்னேற்றம் காணப்பட்டது, இது ஒரு புகழ்பெற்ற பத்திரிகையில் வெளியிடப்பட்டது. திசு வளர்ப்பு மூலம் விவசாயிகள் சாகுபடி செலவு மற்றும் மஞ்சளில் காணப்படும் அனைத்து வகையான நோய்களையும் சமாளித்து நல்ல மகசூல் பெறலாம் என்கிறார் டாக்டர் பிரசன்னா.

pic courtesy: krishi jagran 

மேலும் காண்க:

நிலத்தை உழவு செய்யும் விநோதமான டிராக்டர்- டீசல், மின்சாரம் எதுவும் வேண்டாம்!