தீபாவளிப் பண்டிகையை உற்சாகத்துடன் கொண்டாட ஏதுவாக மாநில அரசுகள் போனஸ் உள்ளிட்ட அறிவிப்புகளை அறிவித்து வருகின்றன.
அந்த வரிசையில், பே மேட்ரிக்ஸ் லெவல் - 12 மற்றும் அதற்கும் குறைவான சம்பளம் பெறும் மாநில ஊழியர்களுக்கு போனஸ் பணம் வழங்கப்படும் என ராஜஸ்தான் மாநில அரசு அறிவித்துள்ளது.
6 லட்சம் பேர்
மாநில அரசு ஊழியர்களுக்கு தீபாவளி போனஸை ராஜஸ்தான் அரசுஅறிவித்துள்ளது. ராஜஸ்தான் முதல்வர் அசோக் கெலாட்டின் இந்த முடிவால் மாநிலத்தைச் சேர்ந்த சுமார் 6 லட்சம் ஊழியர்கள் பயனடைவார்கள்.
யாருக்கு கிடைக்கும்?
ராஜஸ்தான் சிவில் சர்வீசஸ் விதிகள், 2017ன் படி, பே மேட்ரிக்ஸ் லெவல் - 12 மற்றும் அதற்கும் குறைவான சம்பளம் பெறும் மாநில ஊழியர்களுக்கு இந்த போனஸ் பணம் வழங்கப்படும்.பஞ்சாயத்து சமிதி, ஜில்லா பரிஷத் ஊழியர்கள் மற்றும் பணிப் பொறுப்பு ஊழியர்களுக்கு இந்த போனஸ் தொகை வழங்கப்படும்.
அதிகபட்சம்
2021-22 ஆம் ஆண்டிற்கான அதிகபட்ச சலுகைகள் ரூ.7000 மற்றும் 31 நாட்கள் மாதத்தின் அடிப்படையில் தீபாவளி போனஸ் கணக்கிடப்படும் என்பதை அரசு ஊழியர்கள் கவனிக்க வேண்டும்.அரசின் அறிவிப்பின்படி, ஒவ்வொரு பணியாளருக்கும் அதிகபட்ச போனஸ் பணமாக ரூ.6774 கிடைக்கும். மேலும், 75% பணம் ரொக்கமாகவும், 25% ஜிபிஎஃப் கணக்கில் டெபாசிட் செய்யப்படும் எனக் கூறப்படுகிறது.
கடந்த ஆண்டு தீபாவளி போனஸில் போனஸ் பணத்தில் 50 சதவீதம் ரொக்கமாகவும், 50 சதவீதம் பணம் ஊழியர்களின் ஜிபிஎப் கணக்கில் டெபாசிட் செய்யப்பட்டது குறிப்பிடத்தக்கது.
மேலும் படிக்க...