ஆதரவற்ற பெண்களுக்கு திருமண நிதியுதவியாக, ரூ.50,000மும், 8 கிராம் தங்கமும் வழங்கும் புதியத் திட்டத்தைத் தமிழக அரசு செயல்படுத்தியுள்ளது. திருமணத்துக்கு 40 நாட்களுக்கு முன்பு இத்திட்டத்தில் விண்ணப்பிக்க வேண்டும்

பெண்களின் நலனுக்காக பல்வேறு திட்டங்களைத் தமிழக அரசு செயல்படுத்தி வருகிறது. அதில் மிக முக்கியமான ஒரு திட்டம்தான் அன்னை தெரசா நினைவு திருமண உதவித் திட்டம். பெற்றோர்களால் கைவிடப்பட்ட அல்லது பெற்றோர்களை இழந்து பொருளாதார ரீதியாக மிகவும் பின்தங்கியுள்ள ஏழைப் பெண்களுக்கு திருமணம் செய்து வைக்க உதவுவதற்காக தமிழக அரசு இத்திட்டத்தைச் செயல்படுத்தி வருகிறது.

8 கிராம் தங்கம்

இத்திட்டத்தின் கீழ் பெண்களின் திருமணத்துக்கு நிதி உதவியுடன் தாலிக்கு 8 கிராம் தங்கமும் வழங்கப்படுகிறது.

ரூ.25,000

இத்திட்டத்தின் கீழ், 10ஆவது படித்த அல்லது படிப்பறிவில்லாத மணப் பெண்களுக்கு திருமண உதவித் தொகையாக ரூ.25,000 மற்றும் 8 கிராம் தங்கம் வழங்கப்படுகிறது.

ரூ.50,000

அதேபோல, 12ஆவது மற்றும் பட்டப் படிப்பு அல்லது டிப்ளமோ படித்த பெண்களுக்கு ரூ.50,000 உதவித் தொகையும் 8 கிராம் தங்கம் வழங்கப்படுகிறது.

தகுதி

மணமகள் 18 வயதைப் பூர்த்தி செய்திருக்க வேண்டும். அதேபோல மணமகனுக்கு 21 வயது நிரம்பியிருக்க வேண்டும். அப்போதுதான் இத்திட்டத்தின் கீழ் பயன்பெற முடியும்.

40 நாட்களுக்கு முன்பு

திருமணத்துக்கு 40 நாட்களுக்கு முன்பு இத்திட்டத்தில் விண்ணப்பிக்க வேண்டும். ஆதார் கார்டு, 10ஆவது - 12ஆவது - பட்டப் படிப்பு மதிப்பெண் சான்றிதழ், டிரான்ஸ்ஃபர் சான்றிதழ், திருமண அழைப்பிதழ் நகல், விண்ணப்பதாரரின் பாஸ்போர்ட் சைஸ் போட்டோ, ஆதரவற்றவர் என்பதற்கான சான்று அல்லது பெற்றோரின் இறப்புச் சான்றிதழ் ஆகியவை தேவைப்படும். இந்த ஆவணங்களை வைத்து விண்ணப்பித்துப் பயன்பெறலாம்.

மேலும் படிக்க...

சந்தையில் விற்பனையாகும் செக்கச்சிவப்பான போலி செர்ரி!

தொழில் முனைவராக மாற ஆசையா? சிறப்பு பயிற்சி!