ஈரோட்டில் 11 லட்சத்து 37 ஆயிரத்துக்கு தேங்காய் ஏலம் போனதால், தென்னை விவசாயிகள் மகிழ்ச்சி அடைந்துள்ளனர். வழக்கத்திற்கு மாறாக அதிகளவில் தேங்காய்கள் விற்பனை செய்யப்பட்டது.
ஈரோடு மற்றும் அதனைச் சுற்றியுள்ள பகுதிகளில் விளையும் தேங்காய்கள், அவல்பூந்துறை ஒழுங்குமுறை விற்பனைக் கூடத்திற்கு கொண்டு வரப்பட்டு, ஏலம் விடப்படுவது வழக்கம்.
293 மூட்டைகள்
அதன்படி,அவல்பூந்துறை ஒழுங்குமுறை விற்பனைக் கூடத்தில் தேங்காய் பருப்பு ஏலம் நடைபெற்றது. இந்த ஏலத்தில் மொத்தம் 293 மூட்டைகள் விற்பனைக்கு கொண்டு வரப்பட்டன. இதில் முதல் தரம் ஒரு கிலோ குறைந்தபட்ச விலையாக 82 ரூபாய் 77 காசுக்கும், அதிகபட்ச விலையாக 84 ரூபாய் 67 காசுக்கும், சராசரி விலையாக 84 ரூபாய் 55 காசுக்கும் ஏலம் போனது.
ரூ.11 லட்சம்
அதேபோல, இரண்டாம் தரம் குறைந்தபட்ச விலையாக 65 ரூபாய் 92 காசுக்கும், அதிகபட்ச விலையாக 78 ரூபாய் 69 காசுக்கும், சராசரி விலையாக 76 ரூபாய் 65 காசுக்கு ஏலம் போனது. மொத்தமாக 14,278 கிலோ எடையுள்ள தேங்காய் பருப்பு 11 லட்சத்து 37 ஆயிரத்து 957 ரூபாய்க்கு விற்பனை நடைபெற்றதாக விற்பனைக் கூடத்தின் கண்காணிப்பாளர் தெரிவித்தார்.
லாபம் தந்த ஏலம்
இதேபோல், ஈரோடு மாவட்டம் கொடுமுடி ஒழுங்குமுறை விற்பனைக் கூடத்தில் தேங்காய் பருப்பு ஏலம் நடைபெற்றது. இந்த ஏலத்தில் தேங்காய் பருப்பு 724 மூட்டைகள் விற்பனைக்கு கொண்டு வரப்பட்டன. இதில் முதல் தரம் ஒரு கிலோ குறைந்தபட்ச விலையாக 82 ரூபாய் 49 காசுக்கும், அதிகபட்ச விலையாக 87 ரூபாய் 20 காசுக்கும், சராசரி விலையாக 85 ரூபாய் 60 காசுக்கும் விற்பனை செய்யப்பட்டது. இதே விற்பனைக் கூடத்தில் நடைபெற்ற தேங்காய் ஏலத்தில் மொத்தம் 21,822 தேங்காய்கள் 1 லட்சத்து 78 ஆயிரத்து 191 ரூபாய்க்கு விற்பனையானது குறிப்பிடத்தக்கது.
மேலும் படிக்க...