தென்மேற்குப் பருவமழை மற்றும் வெப்பச்சலனம் காரணமாக, தமிழகத்தில் நீலகிரி, கோயமுத்தூர், உள்ளிட்ட 4 மாவட்டங்களில், கனமழைக்கு வாய்ப்பு உள்ளதாக சென்னை வானிலை மையம் எச்சரிக்கை விடுத்துள்ளது.
இதுகுறித்து வானிலை மையம் வெளியிட்டுள்ள செய்திக்குறிப்பில் தெரிவிக்கப் பட்டிருப்பதாவது:
06.08.21
கனமழை (Heavy Rain)
தென்மேற்குப் பருவக்காற்று காரணமாக, நீலகிரி, கோவை, தேனி திண்டுக்கல் மாவட்டங்களில் ஓரிரு பகுதிகளில் கனமழை பெய்யக்கூடும்.
மிதமான மழை (Moderate rain)
ஏனைய தொடர்ச்சி மலையை ஒட்டிய மாவட்டங்கள், கடலோர மாவட்டங்கள் மற்றும் அதனை ஒட்டிய உள் மாவட்டங்கள் மற்றும் புதுவை, காரைக்கால் பகுதிகளில் ஓரிரு இடங்களில் இடி மின்னலுடன் கூடிய மிதமான மழை பெய்யக்கூடும்.
07.08.21 மற்றும் 08.08.21
கனமழை (Heavy Rain)
நீலகிரி, கோயமுத்தூர், தேனி, திண்டுக்கல், சேலம் மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.
மிதமான மழை (Moderate rain)
ஏனைய தொடர்ச்சி மலையை ஒட்டிய திருப்பூர், தென்காசி மாவட்டங்கள் மற்றும் உள் மாவட்டங்களில் ஓரிரு இடங்களில் இடி மின்னலுடன் கூடிய மிதமான மழை பெய்யக்கூடும்.
இதேபோல் கடலோர மாவட்டங்கள் மற்றும் புதுவை, காரைக்கால் பகுதிகளில் ஒருசில இடங்களில் இடி மின்னலுடன் கூடிய இலேசானது முதல் மிதமான மழையும் பெய்யக்கூடும்.
சென்னை (Chennai)
-
சென்னையைப் பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும்.
-
நகரின் ஒருசில இடங்களில் இடி மின்னலுடன் கூடிய இலேசானது முதல் மிதமான மழை பெய்யக்கூடும்.
வெப்பநிலை (Temperature)
வெப்பநிலை அதிகபட்சமாக 36 டிகிரி செல்சியஸையும், குறைந்தபட்சமாக 27 டிகிரி செல்சியஸையும் ஒட்டியே இருக்கும்.
மழை பதிவு (Rainfall)
கடந்த 24 மணி நேரத்தில் அதிகபட்சமாக கோவை மாவட்டம் சின்னக்கல்லாறு மற்றும் வால்பாறையில் தலா 5 சென்டிமீட்டர் மழை பதிவாகி உள்ளது.
மீனவர்களுக்கான எச்சரிக்கை (Warning for fishermen)
வங்கக்கடல் பகுதிகள்
06.08.21 மற்றும் 07.08.21
-
தென் மேற்கு வங்கக்கடல் மற்றும் தென்கிழக்கு இலங்கைப் பகுதிகளில் பலத்தக் காற்று மணிக்கு 35 முதல் 45 கிலோ மீட்டர் வேகத்தில் வீசக்கூடும்.
-
எனவே மீனவர்கள் இப்பகுதிகளுக்கு எச்சரிக்கையுடன் செல்லுமாறு அறிவுறுத்தப்படுகிறார்கள்.
அரபிக்கடல் பகுதிகள் (Areas of the Arabian Sea)
06.08.21 முதல் 10.08.21வரை (From 06.08.21 to 10.08.21)
தென் மேற்கு, வடக்கு மற்றும் மத்திய மேற்கு அரபிப் கடல் பகுதிகளில் பலத்தக் காற்று மணிக்கு 50 முதல் 60 கிலோ மீட்டர் வேகத்திலும், இடையிடையே 70 கிலோமீட்டர் வேகத்திலும் வீசக்கூடும்.எனவே மீனவர்கள் இந்த பகுதிகளுக்குச் செல்ல வேண்டாம் என அறிவுறுத்தப்படுகிறார்கள்.
இவ்வாறு அதில் தெரிவிக்கப்பட்டுள்ளது
மேலும் படிக்க...
நவீன இயந்திரங்கள் வரமா? சாபமா? அழிவின் விளிம்பில் உழவு மாடுகள்!
வாடகைக்கு நெல் அறுவடை இயந்திரம் வனியோகம் - விவசாயிகள் பயன்பெற அழைப்பு!!