பொதுவாக முட்டை (கோழி முட்டை ) என்பது, உடல் ஆரோக்கியத்திற்கு அத்தனைச் சத்துக்களையும் அளிக்கும் பொக்கிஷமாகவேப் பார்க்கப்படுகிறது. மருத்துவர்களின் அறிவுரையும் இதுதான். இதனைக் கருத்தில் கொண்டை, நோய்க்கு ஆளானவர்கள்கூட முட்டையைச் சாப்பிடுமாறு அறிவுறுத்தப்படுகிறார்கள்.

ஆனால் அதிக முட்டைகளை சாப்பிடுவது எதிர்மறையான விளைவுகளை ஏற்படுத்தும்.புரதத்தின் வளமான ஆதாரமாக இருப்பதால், அதை அதிக அளவில் உட்கொள்வது சில பிரச்சனைகளுக்கு வழிவகுக்கலாம்.

நீரிழிவு நோய் (Diabetics)

ஒரு பெரிய முட்டையில் சுமார் 200 மில்லிகிராம் கொலஸ்ட்ரால் உள்ளது.
நீரிழிவு நோயாளிகளுக்கு இது பிரச்சனைகளை ஏற்படுத்தலாம். அதாவது, ஒரு நாளைக்கு ஒன்று அல்லது அதற்கு மேற்பட்ட முட்டைகளை சாப்பிடுவது டைப் 2 நீரிழிவு நோயின் அபாயத்தை 60 சதவிகிதம் அதிகரிக்கும் என்று ஒரு ஆராய்ச்சியில் கூறப்பட்டுள்ளது.

ஆராய்ச்சி (Research)

சீனாவின் உடல்நலம் மற்றும் ஊட்டச்சத்து ஆய்வில் பங்கேற்ற 8,000 க்கும் மேற்பட்டோர் மூலம் கிடைத்த தரவுகளில், அதிக முட்டைகளை உண்பவர்களின் உடல் சுறுசுறுப்பு குறைவாக இருப்பதாகவும், சீரம் கொலஸ்ட்ரால் அளவு அதிகமாக இருப்பதாகவும் தெரியவந்துள்ளது. அவர்கள் அதிக கொழுப்பு மற்றும் அனிமல் புரோடீனை உட்கொண்டதாகவும் ஆராய்ச்சியாளர்கள் கூறுகின்றனர்.

எச்சரிக்கை அவசியம் (Caution is necessary)

முட்டையின் மஞ்சள் கருவில் காணப்படும் கோலின் ஆக்சிஜனேற்றம் மற்றும் வீக்கத்தின் அபாயத்தை அதிகரிக்கும் என்று ஆய்வுகள் தெரிவிக்கின்றன. இது முட்டையின் வெள்ளைக்கருவில் உள்ள ரசாயனங்களிலிருந்து கார்போஹைட்ரேட்டுகளை உறிஞ்சுவதைத் தடுக்கிறது. முட்டை உலகெங்கிலும் உள்ள பல வீடுகளில் காலை உணவின் முக்கிய அம்சமாக உள்ளது. இது புரதத்தின் வளமான மூலமாகவும் உள்ளது.

அதிகம் சாப்பிட்டால்?

• எடை அதிகரிப்பு

• அதிக கொலஸ்ட்ரால் ஆபத்து

• ஃபுட் பாய்சனிங் அபாயம்

• வயிற்று தொல்லை

ஏனெனில், சால்மோனெல்லா என்ற பாக்டீரியா முட்டையில் உள்ளது. இது கோழியிலிருந்து வருகிறது. முட்டைகளை சரியாக வேகவைக்கவில்லை என்றால், இந்த பாக்டீரியாக்கள் உடலில் ஊடுருவி ஆரோக்கியத்தை சேதப்படுத்தும். முட்டைகளை சரியாக சமைக்காத போதும் இதே நிலை ஏற்படும். இது வீக்கம், வாந்தி மற்றும் வயிறு தொடர்பான பிரச்சினைகள் போன்ற பல பிரச்சனைகளை ஏற்படுத்தும். அதிக முட்டைகளை சாப்பிடுவது எதிர்மறையான விளைவுகளை ஏற்படுத்தும். புரதத்தின் வளமான ஆதாரமாக இருப்பதால், அதை அதிக அளவில் உட்கொள்வது சிறுநீரகத்தையும் எதிர்மறையாக பாதிக்கும்.

முட்டை சாப்பிட சிறந்த வழி

முட்டைகளை உண்பதற்கான சிறந்த வழி, அவற்றை வேகவைத்து உப்பு, மிளகு மற்றும் கொத்தமல்லி இலைகளுடன் உட்கொள்வதாகும். இல்லையெனில் இரண்டு முட்டைகளைப் பயன்படுத்தி வெஜிடபிள் ஆம்லெட்டும் செய்யலாம்.

மேலும் படிக்க...

முட்டைக்குள்ளும் Diet இருக்கு- தெரியுமா உங்களுக்கு!

நோயாளி வயிற்றுக்குள் சிக்கிய கத்திரி- அறுவை சிகிச்சையில் நடந்த அலப்பறை!