தமிழ்நாட்டில், செப்12ம் தேதியான இன்று, தடுப்பூசி சிறப்பு முகாம் நடத்தப்பட உள்ளது. இதில், 20 லட்சம் தடுப்பூசிகள் செலுத்த திட்டமிடப்பட்டுள்ளது.
அண்டை மாநிலங்களில் கொரோனா வைரஸ் பரவல் தொற்று அதிகரித்து வரும் நிலையில், அதற்கு முடிவு கட்டும் வகையில், தமிழகத்தில் இன்று மொ தடுப்பூசி முகயம் நடத்தப்டுகிறது.
நாட்டில், கொரோனா வைரஸின் 2-வதுது அலை கட்டுக்குள் இருந்தாலும், இன்னும் முழுமையாக ஒழிக்கப்படவில்லை.
முதல் அலையைக் காட்டிலும் 2-வது அலை மோசமான பாதிப்புகளை ஏற்படுத்தியுள்ளது. அதிலும், குறிப்பாகத் தமிழகத்தின் அண்டை மாநிலமான கேரளாவில், தொற்று பாதிப்பு 30,000 என்ற நிலையிலே இருந்து வருகிறது.
மத்திய அரசு அறிவுறுத்தல் (Federal Government Instruction)
நாட்டின் மொத்த பாதிப்பில் பெரும்பாலான தொற்று பாதிப்புகள் கேரளாவில் தான் பதிவாகின்றன. இந்நிலையில், மூன்றாம் அலை குறித்த அச்சமும் உள்ளதால், மத்திய அரசு தடுப்பூசி போடும் பணியை தீவிரபடுத்தி, கொரோனா பரவல் (Coronavirus) அதிகமாகாமல் தடுக்க அனைத்து நடவடிக்கைகளையும் மேற்கொள்ளுமாறு மாநிலங்களை அறிவுறுத்தியுள்ளது.
இந்நிலையில், தமிழ்நாட்டில், இன்று மெகாத் தடுப்பூசி சிறப்பு முகாம் நடத்தப்படுகிறது. இதில், 20 லட்சம் தடுப்பூசிகள் செலுத்தத் திட்டமிடப்பட்டுள்ளது.
சிறப்பு முகாம்கள் (Special camps)
ஆரம்பச் சுகாதார நிலையங்கள், அரசு மருத்துவமனைகள், அங்கன்வாடி மையங்கள், சத்துணவு மையங்கள், பள்ளிக்கூடங்கள் என மக்கள் வசதிக்கேற்ற இடங்களில் சிறப்பு முகாம்கள் அமைக்கப்பட்டு வருகின்றன. கொரோனா தடுப்பூசி வழங்கும் மையங்கள் காலை 7 மணி முதல் இரவு 7 மணி வரை செயல்படுகிறது.
மொத்தம் 40 ஆயிரம் மையங்களில் தடுப்பூசிகள் போட திட்டமிடப்பட்டுள்ளது. எனவே இந்த வசதியைப் பயன்படுத்திக் கொண்டு, 18 வயதுக்கு மேற்பட்டவர்கள் இந்த முகாம்களைப் பயன்படுத்தித் தடுப்பூசி போட்டுக்கொள்ள வேண்டும் என்று சுகாதாரத்துறை செயலாளர் டாக்டர் ராதாகிருஷ்ணன் கேட்டுக்கொண்டுள்ளார்.
கொரோனா பாதிப்பு (Corona vulnerability)
தமிழ்நாட்டில், கடந்த 24 மணி நேரத்தில் 1,631 பேர் புதிதாக கொரோனா தொற்றால் பாதிக்கப்பட்டனர். இதனுடன் தமிழகத்தில் இதுவரை தொற்றால் பாதிக்கப்பட்டவர்களின் எண்ணிக்கை 26,30,592 ஆக உயர்ந்துள்ளது. சென்னையில் மட்டும் இன்று 186 பேருக்குப் புதிதாக கொரோனா தொற்று ஏற்பட்டுள்ளது.
மேலும் படிக்க...
வருமான வரி தாக்கல் செய்வதில் தொடரும் சிக்கல்: காலக்கெடு நீட்டிப்பு!