ஔவைக்கு ஆயுளை அதிகரிக்கச் செய்த நெல்லிக்கனி நமக்கும் ஆயுளை அதிகரிக்க உதவுவதுடன், நோய் எதிர்ப்பு சக்தியை நிலைப்படுத்தவும் உதவுகிறது. ஏனெனில், நெல்லியில் உள்ள ஆன்டிஆக்ஸிடன்ட்கள் ஆக்சிஜனேற்றத்தின் தீங்கு விளைவிக்கும் விளைவுகளை மாற்றியமைக்கிறது. மேலும் நீரிழிவு நோயை சமாளிக்க உதவுகிறது.

அண்மைகாலமாக பெரும்பாலான மக்களுக்கு அச்சுறுத்தலாக இருக்கும் மிகவும் பொதுவான நோய்களுள் ஒன்றாக நீரிழிவு நோய் உள்ளது. நமது வயிற்றுக்கு பின்னால் உள்ள கணையம், இன்சுலின் என்ற ஹார்மோனை போதுமான அளவு உற்பத்தி செய்யாதபோது அல்லது உடலால் இன்சுலினை சரியாகப் பயன்படுத்த முடியாதபோது நீரிழிவு நோய் ஏற்படுகிறது என கூறப்படுகிறது.

இந்த நோயை முற்றிலும் குணப்படுத்த முடியாது என்றாலும், ஆரோக்கியமான உணவை உண்ணுதல், உடற்பயிற்சிகள் மற்றும் உடல் செயல்பாடுகளில் ஈடுபடுதல் மூலம் கட்டுப்பாட்டிற்குள் வைத்துக்கொள்ள முடியும். எனவே பெரும்பாலான சுகாதார நிபுணர்கள் இரத்த சர்க்கரை அளவைக் கட்டுப்படுத்த ஆம்லா அல்லது இந்திய நெல்லிக்காய்களை சாப்பிட பரிந்துரைக்கின்றனர்.

நெல்லிக்காய் நன்மைகள்

• நெல்லிக்காய் என்பது நமது உடலில் ஏற்படும் பல நோய்களுக்கு ஒரு பாரம்பரிய தீர்வாகும். இது இரத்தத்தில், சர்க்கரையை ஒரு நிலையான மட்டத்தில் வைத்திருக்க உதவுகிறது.

• இவை பெரும்பாலும் சுகாதார நிபுணர்களால் ஒரு பொது டானிக்காகவும், தோல் மற்றும் முடி மற்றும் பிற நோய்களுக்கான மேற்படி சிகிச்சையாகவும் பரிந்துரைக்கப்படுகிறது.

• நெல்லிக்காய்களை ஜூஸ்களாகவும், முராப்பா வடிவிலும் உட்கொள்ளலாம்.

• நீரிழிவு நோயாளிகளுக்கு நெல்லிக்காய் கணைய அழற்சியைக் கட்டுப்படுத்தி, இரத்தத்தில் சர்க்கரை அளவை திறம்படக் கட்டுப்படுத்துகிறது.

• நெல்லியில் குரோமியம் உள்ளது. இது கார்போஹைட்ரேட் வளர்சிதை மாற்றத்தை ஒழுங்குபடுத்துகிறது.

• உடலை இன்சுலினுக்கு மிகவும் பதிலளிக்கக்கூடியதாக மாற்றுவதன் மூலம், இரத்தத்தில் சர்க்கரை அளவைக் கட்டுக்குள் வைத்திருக்கும் என மேரிலாந்து பல்கலைக்கழக மருத்துவ மையம் பரிந்துரைக்கிறது.

• நெல்லியில் வைட்டமின் சி இருப்பதால், இது ஒரு சக்திவாய்ந்த ஆக்ஸிஜனேற்றியாக செயல்படுகிறது.

• இன்டர்னல் மெடிசின் காப்பகம் வெளியிட்ட ஒரு ஆய்வில், வைட்டமின் சி அளவுகளுக்கும் நீரிழிவு நோய்க்கும் இடையே குறிப்பிடத்தக்க தொடர்பு இருப்பதாகக் குறிப்பிடப்பட்டுள்ளது.