நெல்லுக்கான அடிப்படை ஆதார விலையை (Basic resource price) குவிண்டாலுக்கு ரூ.72 உயர்த்தி மத்திய அமைச்சரவை ஒப்புதல் வழங்கி உள்ளது. இதனால், விவசாயிகள் மகிழ்ச்சி அடைந்துள்ளனர். மேலும், விவசாயிகளின் வருமானம் ஓரளவு உயரும் என்பதில் ஐயமில்லை.
அடிப்படை ஆதார விலை
பிரதமர் மோடி தலைமையில் மத்திய அமைச்சரவைக் கூட்டம் காணொலி மூலம் இன்று நடைபெற்றது. நெல்லுக்கான அடிப்படை ஆதார விலை குவிண்டாலுக்கு ரூ.72 அதிகரிக்கப்படுவதாக மத்திய விவசாயத்துறை மந்திரி அறிவித்துள்ளார். ஒரு குவிண்டால் நெல்லுக்கு ஆதார விலை ரூ.1868ல் இருந்து ரூ.1940-ஆக அதிகரிக்கப்படுவதாக நரேந்திரசிங் தோமர் (Narendra Singh Thomar) கூறியுள்ளார்.
- கம்பிற்கு அடிப்படை ஆதார விலை குவிண்டாலுக்கு ரூ.100 அதிகரிக்கப்பட்டு ரூ.2,250ஆக நிர்ணயம் செய்யப்பட்டுள்ளது.
- எள்ளுக்கான அடிப்படை ஆதார விலையும் ஒரு குவிண்டாலுக்கு ரூ.452 அதிகரிக்கப்பட்டுள்ளது.
- துவரம் பருப்பு மற்றும் உளுந்தம் பருப்பு ஆகியவற்றிற்கான அடிப்படை ஆதார விலையும் ஒரு குவிண்டாலுக்கு ரூ.300 உயர்த்தப்பட்டுள்ளது.
விவசாயிகள் மகிழ்ச்சி
நெல்லின் அடிப்படை ஆதார விலை உயர்த்தப்பட்டுள்ளதை அடுத்து, விவசாயிகள் மகிழ்ச்சி அடைந்துள்ளனர். மேலும், நெல் கொள்முதல் நிலையங்களை உரிய நேரத்தில் அனைத்து இடங்களிலும் திறக்க வேண்டும் என்ற கோரிக்கையை விவசாயிகள் முன்வைத்துள்ளனர்.
மேலும் படிக்க