வணிக பயன்பாடு கேஸ்சிலிண்டர் விலையை எண்ணெய் நிறுவனங்கள் 187 ரூபாய் வீதம் குறைத்துள்ளன. இந்த அறிவிப்பால் வணிகர்கள் மகிழ்ச்சி அடைந்துள்ளனர். மாதத்திற்கு ஒருமுறை விலையை மாற்றுவது எண்ணெய் நிறுவனங்களின் வாடிக்கை.

சர்வதேச நிலவரம்

சர்வதேச நிலவரத்திற்கு ஏற்ப, சமையல் எரிவாயு சிலிண்டர் விலையில் அவ்வப்போது மாற்றம் செய்யப்படுவது வழக்கம்.குறிப்பாக, சமையல் கியாஸ் மற்றும் பயன்பாடு கியாஸ் சிலிண்டர் விலையை எண்ணெய் நிறுவனங்கள் மாதந்தோறும் நிர்ணயித்து வருகின்றன.

1ம் தேதி

சர்வதேச சந்தையில் கச்சா எண்ணெய் விலையின் அடிப்படையில் கியாஸ் கிலிண்டர் விலை நிர்ணயம் செய்யப்படுகிறது. ஒவ்வொரு மாதமும் 1-ம் தேதி எண்ணெய் நிறுவனங்கள் புதிய விலையை நிர்ணயித்து அறிவிக்கின்றன.
இந்நிலையில், இந்த மாதத்திற்கான விலை நிர்ணயம் செய்யப்பட்டு இன்று அறிவிக்கப்பட்டுள்ளது.

மகிழ்ச்சி

இதன்படி, வணிக ரீதியாக பயன்படுத்தப்படும் கியாஸ் சிலிண்டரின் விலை ரூ.187 குறைக்கப்பட்டு உள்ளது. இதனால், சென்னையில் வணிக சிலிண்டர் ரூ.187 குறைந்து 2,186 ரூபாய்க்கு விற்பனை செய்யப்படுகிறது. இந்த விலை குறைப்பு வணிகர்களை மகிழ்ச்சி அடையச் செய்துள்ளது.

மேலும் படிக்க...

7 டன் ரசாயன மாம்பழங்கள் - அதிரடி பறிமுதல்!

வங்கிக்கணக்கில் வந்த ரூ.1.42 கோடி சம்பளம்- தப்பியோடிய ஊழியர்!