சென்னையில், ஆபரணத்தங்கம் விலை ஒரேநாளில் சவரனுக்கு 440 ரூபாய் குறைந்திருப்பது, வாடிக்கையாளர்களையும், முதலீட்டாளர்களையும் மகிழ்ச்சியில் ஆழ்த்தியுள்ளது. கடந்த சில நாட்களாக அதிகரித்து வந்த தங்கத்தின் விலையில் தற்போது மாற்றம் காணப்படுவது சிறு ஆறுதலாக உள்ளது.

உக்ரைன்-ரஷ்யப் போர் தொடங்கியது முதலே தங்கம் விலையில் அதிரடி மாற்றம் நிலவி வருகிறது. போர் 6 மாதங்களைக் கடந்துள்ளநிலையில், போர் பதற்றம் காரணமாக, பெரும்பாலும் விலை அதிகரித்து வந்தது.

ரூ.440

இந்நிலையில் எதிர்பார்ப்புக்கு மாறாக, இன்று தங்கத்தின் விலையில் திடீர் சரிவு ஏற்பட்டுள்ளது.அதாவது ஒரேநாளில் சவரனுக்கு 440 ரூபாய் குறைந்துள்ளது.

கிராமுக்கு 55 ரூபாய் சரிந்து, ஒரு கிராமம் 4,695 ரூபாய்க்கு விற்பனை செய்யப்படுகிறது. ஒரு சவரன் தங்கம் 37,560 ரூபாய்க்கு விற்பனையாகிறது.
நேற்று,ஒரு கிராம் தங்கம் 4,750ரூபாய்க்கும், ஒரு சவரன் தங்கம் 38,000 ரூபாய்க்கும் விற்பனை செய்யப்பட்டது.

முன்னதாக கடந்த 30-ந்தேதி ஒரு சவரன் தங்கம், 38,320ரூபாய்க்கும், ஒரு கிராம் தங்கம் 4,790ரூபாய்க்கும் விற்பனை செய்யப்பட்டது குறிப்பிடத்தக்கது.
திருமண சீசனில் தங்கம் விலையில் ஏற்பட்டுள்ள இந்த சரிவு, தங்க நகை வாங்குவோரை மகிழ்ச்சியில் ஆழ்த்தியுள்ளது.

மேலும் படிக்க...

ரசிகர்களை விரைவில் சந்திக்கிறார் சூப்பர் ஸ்டார் ரஜினி!

தினமும் ஒரு கிளாஸ் தேங்காய் தண்ணீர்-திகட்டும் நன்மைகள்!