இன்றைய சூழ்நிலையில் ஆதார் மற்றும் பான் கார்டு மிகவும் முக்கியமான ஆவணமாக பார்க்கப்படுகிறது. எனவே இதில் உங்கள் பெயர் சரியாக இருப்பது மிகவும் அவசியம்.. சிலருக்கு ஆதார் அட்டை மற்றும் பான் கார்டில் பெயர்களில் வித்தியாசம் இருக்கலாம். இதனை எவ்வாறு சரி செய்வது என்பதை அறிந்துகொள்வோம்.
வங்கிக் கணக்குகள் தொடங்க, குடும்ப அட்டை பெற, மத்திய - மாநில அரசுகளின் மானியங்கள் உள்ளிட்ட பல்வேறு தேவைகளுக்கு ஆதார் அட்டை ( Aadhaar card) மற்றும் பான் கார்டு (PAN card)அவசிய தேவையாக உள்ளது. தற்போது பல இடங்களில் ஆதார் அட்டை பார் கார்டுடன் இணைக்க வேண்டும் என்று வலியுறுத்தப்பட்டு வருகிறது. எனவே இந்த ஆவணங்களில் உங்கள் பெயர்களும் ஒரே மாதியாக இருப்பதும் அவசியம்.
ஒரே முதலீட்டில் மாதந்தோறும் ரூ.4000/- பென்சன் பெற்றிடுங்கள்!
ஆதார் மற்றும் பான் கார்டில் இருக்கும் உங்கள் பெயரில் சிறிது வித்தியாசம் இருக்கலாம், சிறிய எழுத்துப்பிழை இருந்தால் கூட பல இடங்களில் இந்த ஆவணங்கள் ஏற்றுக்கொள்ளப்படாமல் போகலாம். மேலும் பல விஷயங்களில் சிக்கல் வர நேரிடும். உங்களுக்கும் இதுபோன்ற நிலை இருக்கிறதா? இந்த சிக்கலை எவ்வாறு சரிசெய்வது என்று புரியவில்லை என்றால் இதோ உங்களுக்கான வழிமுறைகளை தருகிறோம்.
இதன் மூலம் ஆதார் மற்றும் பான் கார்டில் உள்ள பெயரை ஒரே விதமாக மாற்றலாம். ஆதார் அட்டைக்கு ஏற்ப பான் அட்டையையோ அல்லது பான் அட்டைக்கு ஏற்ப ஆதாரிலோ திருத்தம் செய்யலாம்.
ஆதார் அட்டையில் உங்கள் பெயரை சரிசெய்வது எப்படி?
-
ஆதார் அட்டையில் பெயரை திருத்த வேண்டும் என்றால், நீங்கள் ஆதார் சேர்க்கை மையத்திற்கு (Aadhaar enrollment centre) செல்ல வேண்டும்.
-
ஆதார் மாற்றும் படிவத்தை நிரப்ப வேண்டும்.
-
படிவத்தில் சரியான தகவலை உள்ளிடவும்.
-
பின் படிவத்துடன் சரியான பெயர் மற்றும் சரியான எழுத்துப்பிழை உள்ள ஆவணங்களை இணைக்கவும்.
-
இடம் மற்றும் மையத்தின் படி மாறுபடும் தொகையுடன் தகவல்களைப் புதுப்பிக்க ரூ .25-30 செலுத்த வேண்டும்.
-
இதற்காக, ரூ .25-30 என்ற பெயரளவு கட்டணம் வசூலிக்கப்படுகிறது.
-
இந்த செயல்முறையின் மூலம், உங்கள் பெயரில் நீங்கள் விரும்பிய திருத்தம் செய்யப்படுகிறது.
குறைந்த விலையில் அடுக்குமாடி வீடு வழங்கும் திட்டம்! 1.50 இலட்சம் மானியம்!
பான் கார்டில் உங்கள் பெயரை எவ்வாறு சரிசெய்வது?
முதலில், நீங்கள் National Securities Depository Limited அதாவது NSDL வலைத்தளமான, https://www.onlineservices.nsdl.com என்ற வலைதளத்திற்கு சென்று, தற்போதுள்ள பான் அட்டையில் திருத்தம் என்பதற்கான ''Correction in Existing PAN' என்பதை தேர்ந்தெடுக்கவும். அதில் கேட்கப்படும் தகவலை நிரப்பவும், பின்னர் ஆவணத்தை சரியான பெயரை எழுதி சமர்ப்பிக்கவும்.
இந்த திருத்தத்திற்கும் கட்டணம் வசூலிக்கப்படுகிறது.
சரியான பெயருடன் கூடிய பான் அட்டை 45 நாட்களுக்குள் உங்கள் பதிவு செய்யப்பட்ட முகவரிக்கு அனுப்பி வைக்கப்படும்.
2021ம் ஆண்டின் அதிக சம்பளம் வழங்கும் தொழில் துறைகள் - விவரம் உள்ளே!!