செஸ் ஒலிம்பியாட் போட்டியை முன்னிட்டு, சென்னை, திருவள்ளூர் உள்ளிடட் 4 மாவட்டங்களில் பள்ளி மற்றும் கல்லூரிகளுக்கு வரும் 28ம் தேதி விடுமுறை அளிக்கப்படும் என அறிவிக்கப்பட்டுள்ளது. பிரதமர் வருகை, போட்டித் தொடக்கம் உள்ளிட்டவற்றால், போக்குவரத்து நெரிசல் ஏற்பட வாய்ப்பு இருப்பதால், இந்த விடுமுறை அளிக்கப்படுகிறது.
நெரிசல்
செஸ் ஒலிம்பியாட் தொடக்க விழாவில் பங்கேற்பதற்காக பிரதமர் நரேந்திர மோடி மற்றும் விளையாட்டு வீரர்கள், முக்கிய பிரமுகர்கள் பங்கேற்கிறார்கள். சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் போக்குவரத்து நெரிசல் ஏற்படும்.
44-வது சர்வதேச செஸ்
தமிழக மக்கள் மட்டுமல்லாமல், உலக விளையாட்டு வீரர்கள் ஆவலுடன் எதிர்பார்த்துக் காத்திருக்கும், 44-வது சர்வதேச செஸ் ஒலிம்பியாட் போட்டி, சென்னையை அடுத்த மாமல்லபுரத்தில் வருகிற 28-ந்தேதி முதல் ஆகஸ்டு 10-ந்தேதி வரை நடைபெறுகிறது.
சென்னையில் துவக்கவிழா
செஸ் ஒலிம்பியாட் போட்டியின் தொடக்க விழா சென்னையில் உள்ள நேரு விளையாட்டு அரங்கில், வரும் 28-ந்தேதி நடக்கிறது. செஸ் ஒலிம்பியாட் தொடக்க விழாவில் பங்கேற்பதற்காக பிரதமர் நரேந்திர மோடி தமிழகத்திற்கு 2 நாள் பயணம் மேற்கொண்டுள்ளார். இதில் சர்வதேச விளையாட்டு வீரர்கள், முக்கிய பிரமுகர்கள் பங்கேற்கிறார்கள்.
28ம் தேதி விடுமுறை
இதன் காரணமாக சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் போக்குவரத்து நெரிசல் ஏற்படும். எனவே வருகிற 28-ந்தேதி சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் உள்ளூர் விடுமுறை அளித்து தமிழக அரசு உத்தரவிட்டுள்ளது. எனவே அன்று அத்தியாவசிய சேவைகள் வழங்கும் அரசுத் துறைகள் தவிர மற்ற அரசு அலுவலகங்கள், பள்ளிகள், கல்லூரிகளுக்கு உள்ளூர் விடுமுறை விடப்படுகிறது.
27ம் தேதி
மேலும் இந்த விடுமுறையை ஈடுசெய்யும் வகையில் ஆகஸ்டு 27-ந்தேதி (சனிக்கிழமை) சென்னை, செங்கல்பட்டு, காஞ்சிபுரம், திருவள்ளூர் ஆகிய 4 மாவட்டங்களில் உள்ள அரசு அலுவலகங்கள், பள்ளிகள், கல்லூரிகள் பணி நாளாக இயங்கும் என்று அறிவித்து தமிழக அரசு ஆணை பிறப்பித்துள்ளது.
மேலும் படிக்க...