கடந்த பல மாதங்களாக அரசு ஊழியர்கள் தங்களின் அகவிலைப்படி (DA) உயர்வுக்காக காத்திருந்தனர். இறுதியாக அவர்களுக்கு நல்ல காலம் வந்துவிட்டது. அதுவும் தீபாவளி சமயத்தில்.
தீபாவளி பரிசு
தீபாவளிக்கு முன்னதாக அக்டோபர் 23 அன்று, அஸ்ஸாம் முதல்வர் ஹிமந்தா பிஸ்வா சர்மா தனது ட்விட்டரில், ஊழியர்களின் அகவிலைப்படியை 4 சதவீதம் அதிகரிக்க அஸ்ஸாம் அரசு முடிவு செய்துள்ளதாக உறுதிசெய்துள்ளார். இந்த அகவிலைப்படியானது 2022 ஜூலை 1 முதல் வழங்கப்படும் என்றும் தெரிவிக்கப்பட்டுள்ளது. முதல்வரின் இந்த ட்விட்டர் பதிவுக்கு ஊழியர்கள் தரப்பிலிருந்தும் பொதுமக்கள் தரப்பிலிருந்தும் நன்றியும் வாழ்த்துகளும் தெரிவிக்கப்பட்டு வருகிறது. ”உங்களுக்கும் உங்கள் குடும்பத்தினருக்கும் இனிய தீபாவளி நல்வாழ்த்துக்கள்” என்று ட்வீட் செய்துள்ளனர்.
பணிக்கொடை உயர்வு
மாநில அரசு ஊர்க்காவல் படையினரின் தினசரி பணிக்கொடையை 300 ரூபாயில் இருந்து 767 ரூபாயாக உயர்த்தியுள்ளது. அகவிலைப்படியை உயர்த்திய பிறகு, ஊர்க்காவல் படையின் சம்பளம் 23,010 ஆக இருக்கும். இந்த உயர்வை உடனடியாக அமல்படுத்தவும் அரசு உத்தரவு பிறப்பித்துள்ளது. இதுகுறித்து அஸ்ஸாம் முதல்வர் வெளியிட்டுள்ள ட்விட்டர் பதிவில், “அஸ்ஸாம் காவல் துறையின் முக்கியப் பிரிவான ஊர்க்காவல் படையினர், மாநிலத்தில் சட்ட அமைப்புகளைப் பராமரிப்பதில் குறிப்பிடத்தக்க பங்களிப்பை வழங்குகிறார்கள். சுமார் 24,000 ஊர்க்காவல் படையினரின் கோரிக்கையை மனதில் கொண்டு, அவர்களின் தினசரி உதவித்தொகையை நாங்கள் அதிகரித்துள்ளோம்” என்று பதிவிட்டுள்ளார்.
தீபாவளிக்கு முன்னதாக, அரசு ஊழியர்களின் அகவிலைப்படியை அஸ்ஸாம் அரசு உயர்த்தியுள்ளது. முன்னதாக உத்தரப் பிரதேசம், டெல்லி, சத்தீஸ்கர், ஹரியானா மற்றும் ஒடிசா மாநில அரசுகள் DA மற்றும் DR ஐ உயர்த்தியது நினைவுகூரத்தக்கது.
மேலும் படிக்க
EPFO-வின் புதிய அறிவிப்பு: கொண்டாட்டத்தில் ஊழியர்கள்!
SBI வாடிக்கையாளர்களுக்கு நற்செய்தி: இதோ சூப்பரான தீபாவளி பரிசு!