கொரோனா வைரஸ் பாதிப்பு ஏற்படும் அரசு ஊழியர்களுக்கு ஒரு வாரம் விடுப்பு அளிக்கப்படும் என ஒடிசா அரசு அறிவித்துள்ளது. இதன் மூலம் ஏற்கனவே வழங்கப்பட்டிருந்த சலுகைக் குறைக்கப்பட்டுள்ளது.அதே நேரத்தில் கூடுதல் விடுமுறைத் தேவைப்படுமெனில், மருத்துவ சான்றிதழ் சமர்ப்பித்தால் விடுமுறை காலத்தை மேலும் நீட்டிக்க முடியும் என்றும் தெரிவிக்கப்பட்டுள்ளது.
இந்தியாவில் பல்வேறு மாநிலங்களை ஆட்கொண்டு ஆட்டம்போட்டு வரும் கொரோனாவைக் கட்டுப்படுத்த மாநில அரசுகள் பல்வேறு நடவடிக்கைகளை மேற்கொண்டு வருகின்றன. இருப்பினும் வைரஸ் பரவல் குறைந்தபாடில்லை.
ஒருவாரமாகக் குறைப்பு
இதன் ஒருபகுதியாக, ஒடிசா மாநிலத்தில் நேற்று மேலும் 8,612 பேருக்கு கொரோனா உறுதி செய்யப்பட்டது.முன்னதாக, ஞாயிற்றுக்கிழமை ஆறு வயது சிறுமி உள்பட 19 பேர் கொரோனா பாதிப்புக்கு உயிரிழந்தனர்.
இந்நிலையில் பரிசோதனையின் முடிவில் கொரோனா உறுதி செய்யப்பட்ட அரசு ஊழியர்கள் ஒருவாரத்திற்கு விடுப்பு எடுத்துக் கொள்ளலாம் என அம்மாநில அரசு அதிகாரப்பூர்வமாக அறிவித்துள்ளது. மேலும் விடுமுறைத் தேவைப்படும் என மருத்துவர்கள் பரிந்துரை செய்யதால், மருத்துவ சான்றிதழ் சமர்ப்பித்தால் விடுமுறை காலத்தை மேலும் நீட்டிக்க முடியும். இந்த உத்தரவு உடனடியாக அமலுக்கு வருவதாக கூறப்பட்டுள்ளது.
அரசின் இந்த அறிவிப்பு அரசு ஊழியர்களுக்கு விரக்தியை ஏற்படுத்தியுள்ளது. முன்னதாக, அரசு ஊழியர்களுக்கு கொரோனா பாதிப்பு இருப்பது கண்டறியப்பட்டால் 14 நாட்கள் விடுமுறை அளிக்கப்பட்டிருந்தது குறிப்பிடத்தக்கது.
மேலும் படிக்க...