கடந்த சில நாட்களில் கோவிட்-19 வழக்குகளின் செங்குத்தான உயர்வுக்கு மத்தியில், தமிழ்நாடு அரசு திங்களன்று ஜல்லிக்கட்டுக்கான நிலையான இயக்க செயல்முறைகளை வெளியிட்டது, ஜல்லிக்கட்டு என்பது பிரபலமான பாரம்பரிய காளைகளை அடக்கும் விளையாட்டாகும்.
ஜல்லிக்கட்டை காண 150 பார்வையாளர்கள் அல்லது 50% மக்கள் பார்ப்பதற்கு மட்டுமே அனுமதி வழங்கப்பட்டுள்ளது. மாநிலத்தில் அதிகரித்து வரும் கோவிட் -19 வழக்குகளைக் கருத்தில் கொண்டு, நிகழ்வை தொலைக்காட்சியில் பார்க்கவும், மக்கள் கூடுவதைத் தவிர்க்கவும் மாநில அரசு குடிமக்களை வலியுறுத்தியுளளது.
விளையாட்டுக்காக தங்கள் கால்நடைகளை பதிவு செய்யும் காளை உரிமையாளர்கள் மற்றும் பயிற்சியாளர்கள் தங்களது RT-PCR சோதனை எதிர்மறை அறிக்கை மற்றும் முழுமையாக தடுப்பூசி போடப்பட்ட சான்றிதழை, நிகழ்வுக்கு குறைந்தது 48 மணிநேரத்திற்கு முன் சமர்ப்பிக்க வேண்டும் என்பதை மாநில அரசு கட்டாயமாக்கியுள்ளது.
நிகழ்ச்சியில் பங்கேற்க அவர்களுக்கு அடையாள அட்டை வழங்கப்படும் என திங்கள்கிழமை அரசு உத்தரவு பிறப்பித்தது. பதிவின் போது காளை உரிமையாளர் மற்றும் அதன் பயிற்சியாளர் மட்டுமே அனுமதிக்கப்படுவார்கள். மாவட்ட நிர்வாகத்தால் வழங்கப்பட்ட செல்லுபடியாகும் அடையாள அட்டை உள்ளவர்கள் மட்டும் அரங்கிற்குள் அனுமதிக்கப்படுவர்” என்று உத்தரவில் கூறப்பட்டுள்ளது.
கடந்த ஆண்டைப் போலவே, 2022 ஜல்லிக்கட்டுக்காகவும், அரசாங்கம் திறந்தவெளியில் பார்வையாளர்களின் எண்ணிக்கையை 150 அல்லது 50% அனுமதியைக் வழங்கியுள்ளது. "நிகழ்ச்சிக்கு இரண்டு நாட்களுக்கு முன்னர் பார்வையாளர்கள் கோவிட்-19 சான்றிதழ் மற்றும் RT-PCR எதிர்மறை அறிக்கை மற்றும் தடுப்பூசிகளை முழுமையாக செலுத்தி இருக்க வேண்டும்" என்று அரசாங்க உத்தரவு கூறியது மற்றும் கடுமையான சமூக இடைவெளி விதிமுறைகள் செயல்படுத்தப்படும் என்று கூறியது.
மேலும், ஜல்லிக்கட்டில் பங்கேற்கும் காளைகளை காயப்படுத்துவதை தவிர்க்குமாறு அமைப்பாளர்களும், பங்கேற்பாளர்களும் அறிவுரை வழங்ப்பட்டுள்ளது. "கோவிட் -19 காரணமாக, ஜல்லிக்கட்டு அதாவது மஞ்சுவிரட்டு போட்டிக்கு 300 பேர் மட்டுமே பங்கேற்க அனுமதிக்கப்படுவார்கள்" என்று உத்தரவு பிறப்பிக்கப்பட்டுள்ளது.
மேலும் படிக்க...
Jallikattu : பார்வையாளர்கள் இல்லாமல் ஜல்லிக்கட்டா? என்னென்ன கட்டுப்பாடுகள்