திடீரென்று உயர்ந்த தங்கம் விலை, எவ்வளவுன்னு தெரியுமா?

கடந்த சில நாட்களாக தங்கத்தின் விலை ஏற்ற இறக்கத்துடன் இருந்து வருகிறது. இந்நிலையில், இன்று தங்கத்தின் விலை அதிரடியாக உயர்ந்துள்ளது.

ஜூன் 1ஆம் தேதி தங்கம் விலை சவரனுக்கு 280 ரூபாய் குறைந்து, சவரன் 37,920 ரூபாய்க்கு விற்பனையானது. இதனால், வாடிக்கையாளர்களை மகிழ்ச்சி அடைந்தனர். ஆனால் மறுநாளான ஜூன் 2ஆம் தேதி தங்கம் விலை 160 ரூபாய் உயர்ந்து, சவரன் 38,080 ரூபாய்க்கு விற்பனை செய்யப்பட்டது. அதனைத் தொடர்ந்து, தங்கத்தின் விலை ஏற்ற இறக்கத்துடன் இருந்து வந்தது.

இந்நிலையில், நேற்று முன்தினம் (7ஆம் தேதி) சென்னையில் ஆபரணத் தங்கத்தின் விலை சவரனுக்கு 200 ரூபாய் அதிரடியாகக் குறைந்து சவரன் 38,080 ரூபாய்க்கு விற்பனையானது. நேற்று சவரனுக்கு ரூ.80 உயர்ந்து சவரன் ரூ.38,160-க்கு விற்பனை செய்யப்பட்டது.

இந்நிலையில், இன்று அதிரடியாகக் உயர்ந்துள்ளது. அதன்படி, சென்னையில் ஒரு கிராம் 22 கேரட் ஆபரணத் தங்கத்தின் விலை ரூ.4,795 ஆக உயர்ந்துள்ளது. 8 கிராம் ஆபரணத் தங்கம் 200 ரூபாய் உயர்ந்து 38,360 ரூபாய்க்கு விற்பனையாகிறது.

மேலும் படிக்க

மீண்டும் சந்தைகளில் ஜோராக விற்பனையாகும் அம்பாசிடர் கார்! விலை என்ன?