கோழித் தீவனங்களை பரிசோதிப்பது மிக மிக அவசியம்!

கோழிகளுக்கு வழங்கும் தீவனங்களில் பூஞ்சான் நச்சின் தாக்கம் உள்ளதால் பரிசோதிப்பது அவசியம் என வானிலை ஆய்வு மையம் தெரிவித்துள்ளது.

இது குறித்து நாமக்கல் கால்நடை மருத்துவக் கல்லூரி வானிலை ஆய்வு மையம் வெளியிட்ட செய்திக் குறிப்பில் தெரிவிக்கப்பட்டிருப்பதாவது:

• இனி வரும் நாள்களில் வானம் பொதுவான மேகமூட்டத்துடன் காணப்படும். காற்று மணிக்கு 8 கிலோ மீட்டர் வேகத்தில் தென்மேற்கில் இருந்து வீசக்கூடும்.

• வெப்பநிலையை பொருத்தவரை அதிகபட்சமாக 93.2 டிகிரியும், குறைந்தபட்சம் 75.2 டிகிரியாகவும் காணப்படும்.

• தென்மேற்கு பருவமழையின் காலக்கட்டம் முடிவுறும் தருவாயில் இருந்தாலும், மேலும் ஒரு வாரத்துக்கு அதன் தாக்கம் தொடரும் என எதிர்பார்க்கப்படுகிறது.

• அனைத்து மாநிலங்களிலும் இயல்புக்கு அதிகமான மழை காணப்பட்டதால், கோழிகள் மற்றும் கால்நடைகளுக்கு பயன்படுத்தப்படும் தீவன மூலப்பொருள்களில் குறிப்பாக சோயா புண்ணாக்கு மற்றும் மக்காச்சோளம் ஆகியவற்றில் அதிகளவில் ஈரப்பதம் காணப்படுகிறது.

• எனவே இதனைக் கவனத்தில் கொண்டு, தீவனம் தயாரிப்போர் மற்றும் கோழிப் பண்ணையாளர்கள் மூலப்பொருள்களை பூஞ்சான் நச்சு பரிசோதனை செய்து பின்னர் பயன்படுத்த வேண்டும்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.

மேலும் படிக்க...

பண்ணைக் குட்டை அமைக்க ரூ.75 ஆயிரம் மானியம்- விவசாயிகளுக்கு அழைப்பு!

நோய்களைத் துவம்சம் செய்யும் நுண்ணுயிரிகள்!