பணத்துக்கு பதிலாக தங்கத்தில் சம்பளம் வழங்க முடிவு செய்துள்ளது ஒரு நிதிச் சேவை நிறுவனம். இந்த முடிவு பெண் ஊழியர்களுக்கு பெரும் சந்தோஷத்தைக் கொடுத்துள்ளது.
பணவீக்கத்தால் ஏற்பட்டுள்ள நெருக்கடி ஒருபுறம், கொரோனா வைரஸ் பாதிப்பால் ஏற்பட்ட நெருக்கடி மறுபுறம் என தனியார் நிறுவனங்கள் பெரும் நிதிச்சுமையில் சிக்கியுள்ளன. இதனால், வேலைக்குப்போனால், சம்பளம் கிடைக்குமா? என்பதே கேள்விக்குறியாக உள்ளது. ஊழியர்களுக்கு சம்பளம் கொடுக்க முடியாத அளவுக்கு நிதிச்சுமையில் பல நிறுவனங்கள் சிக்கியிருக்கின்றன.
இந்த நேரத்தில் மாற்றி யோசித்திருக்கிறது இந்த நிதி நிறுவனம். அதாவது ஊழியர்கள் பணவீக்கத்தை எதிர்கொள்வதற்காக பணத்துக்கு பதிலாக தங்கத்தில் சம்பளம் வழங்க ஒரு நிறுவனம் முடிவு செய்துள்ளது.
நிதி நிறுவனம் (Financial institution)
லண்டனை சேர்ந்த நிதிச் சேவைகள் நிறுவனமான டேலிமணி (TallyMoney) நிறுவனத்தின் தலைமை அதிகாரி கேமரான் பாரி தனது ஊழியர்களுக்கு தங்கத்தில் சம்பளம் வழங்க முடிவு செய்துள்ளார். இது அந்நிறுவனத்தின் ஊழியர்களுக்கு பெரும் வியப்பான விஷயமாகவே மாறியிருக்கிறது.
டேலிமணி நிறுவனத்தில் சுமார் 20 ஊழியர்கள் மட்டுமே வேலை செய்து வருகின்றனர். எனவே, சோதனை அடிப்படையில் தங்கத்தில் சம்பளம் கொடுத்து பார்க்கலாம் என அந்நிறுவனத்தின் தலைமை அதிகாரி கேமரான் பாரி தடாலடியாக முடிவெடுத்துவிட்டார்.
விரும்பினால் தங்கம் (Wish)
இதன்படி, விருப்பப்பட்ட ஊழியர்கள் இனி பணத்துக்கு பதிலாக தங்கத்தில் சம்பளம் பெற்றுக்கொள்ளலாம் என டேலிமணி நிறுவனம் அறிவித்துள்ளது.
சொல்லப்போனால், பணத்தை விட தங்கத்தில் சம்பளம் கொடுப்பதுதான் நியாயமாக தெரிகிறது என்கிறார் கேமரான் பாரி.
ஆயுதம்
பணவீக்கத்தால் விலைவாசியும், செலவுகளும் கணிசமாக உயர்ந்து வருகிறது. இந்த நெருக்கடிக்கு மத்தியில் சாதாரண பணத்தில் சம்பள உயர்வு வழங்குவதே நியாயமில்லை எனவும், காலம் காலமாக பணவீக்கத்தை எதிர்கொள்ளும் ஆயுதமாக தங்கம் பயன்படுவதால் தங்கத்தில் சம்பளம் கொடுப்பதே சரி என்று கேமரான் கூறுகிறார்.
மேலும் படிக்க...
மழையால் உச்சம் தொட்டத் தக்காளி- கிலோ ரூ.75!
குடிசை வீட்டிற்கு ரூ. 2.5 லட்சம் கரண்ட் பில் - அடக் கொடுமையே.!