இதுகுறித்து வேளாண்மைத் துறை நேற்று வெளியிட்ட செய்திக் குறிப்பு: சோலார் பம்ப் அமைக்கும் திட்டத்தின் கீழ் 40 சதவீதமும், பிரதமரின் உழவர்களின் ஆற்றல் பாதுகாப்பு மற்றும் மேம்பாட்டுத் திட்டத்தின் கீழ் 30 சதவீதமும் மாநில முதல்வர் நிதியுதவி அளித்துள்ளார்
அமைச்சரின் புதிய மற்றும் புதுப்பிக்கத்தக்க எரிசக்தி அமைச்சகம் சூரிய சக்தியில் 10 குதிரைத்திறன் கொண்ட பம்ப் செட்டுகள் வழங்கப்படுகின்றன.
இத்திட்டத்தில் பதிவு செய்வதற்காக போர்டல் இணையதளங்கள் என்று சில மோசடி இணையதளங்கள், இத்திட்டத்தில் ஆர்வமுள்ளவர்களிடம் பணம் மற்றும் தகவல்களை சேகரித்து வருவது தெரியவந்துள்ளது.
பொதுமக்கள் மற்றும் விவசாயிகள் இந்தத் திட்டத்தின்படி எந்தவொரு பதிவுக் கட்டணத்தையும் டெபாசிட் செய்ய வேண்டாம் அல்லது போலி இணையதளங்களில் தனிப்பட்ட தகவல்களைப் பகிர வேண்டாம் என்று எச்சரிக்கைப்படுத்தி உள்ளது.
இத்திட்டம் குறித்து புகார்கள் வந்ததையடுத்து, குற்றவாளிகள் மீது நடவடிக்கை எடுக்கப்பட்டுள்ளது. பல போலி பதிவு இணையதளங்கள் முடக்கப்பட்டுள்ளன.
விவசாயிகளுக்கு 70 சதவீத மானியத்தில் சூரிய ஒளியில் இயங்கும் பம்ப் செட் அமைத்துத் தருவதாகக் கூறி போலி இணையதளங்கள் மட்டுமின்றி சமூக வலைதளங்களும் பயனாளர்களை தவறாக வழிநடத்தி வருகின்றன.
ஆகையால் இத்திட்டத்தில் ஆர்வமுள்ளவர்கள் இணையதளத்தின் நம்பகத்தன்மையை சரிபார்த்த பிறகு பதிவு செய்ய வேண்டும்.
இந்தத் திட்டத்திற்கான பதிவு போர்டல் எனக் கூறி வாட்ஸ்அப், எஸ்எம்எஸ் வழியாக வரும் சரிபார்க்கப்படாத அல்லது சந்தேகத்திற்குரிய இணையதளத்தின் இணைப்பைக் கிளிக் செய்ய வேண்டாம்.
புதிய மற்றும் புதுப்பிக்கத்தக்க எரிசக்தி அமைச்சக இணையதளம் www.mnre.gov.in மற்றும் மாநில அரசு இணையதளம் https://pmkusum.tn.gov.in, https://mis.aed.tn.gov.in, https://www.aed.tn.gov.in பதிவு மற்றும் திட்டம் பற்றிய தகவல்களை கொடுக்கப்பட்ட இணையத்தளங்களின் மூலம் மட்டுமே அணுக வேண்டும்
இந்தத் திட்டம் பற்றிய கூடுதல் தகவலுக்கு, https://pmkusum.mnre.gov.in ஐப் பார்வையிடவும். அல்லது 18001803333 என்ற இலவச எண்ணை டயல் செய்யலாம்.
இவ்வாறு அந்த அறிக்கையில் கூறப்பட்டுள்ளது.
மேலும் படிக்க:
30% பணம் செலுத்தினால் போதும் சோலார் பம்பு செட் - விவசாயிகளுக்கு 70% மானியம் வழங்கும் அரசு!