இன்று பலரின் கவலைகளில் முக்கியமான் கவலை என்பது உடல் எடை அதிகரிப்பு குறித்ததாக இருக்கிறது. எதை உண்டால் எடை குறையும். எந்த டயட்-ஐ பின்பற்றுவது என எண்ணற்ற குறிப்புகள் கொட்டிக் கிடக்கின்றன. ஆனால் உண்மையில் உடல் எடை குறைய தண்ணீரே போதும் என ஆய்வு ஒன்று குறிப்பிடுகிறது.
அதிக எடை அனைவரையும் கவலையடையச் செய்கிறது. மெகா கலோரிகளை எரிக்கவும், எடையைக் கட்டுக்குள் வைத்திருக்கவும் என அனைத்து வகையான சிக்கல்களுக்கும் மக்கள் பொதுவாக, நடைபயிற்சி, ஓடுதல், உடற்பயிற்சி செய்தல், கிக் பாக்ஸிங் மற்றும் சைக்கிள் ஓட்டுதல் போன்ற பல செயல்களில் ஈடுபடுகின்றனர். இருப்பினும், தண்ணீரைக் குடிப்பதன் மூலம், எடையைக் குறைப்பது சாத்தியம் எனக் கூறப்படுகிறது.
தண்ணீரைக் குடிப்பதால் கலோரிகளை எரிப்பது சாத்தியமாகும் எனவும் கூறப்படுகிறது. உண்மையில், எட்டு கிலோமீட்டர் தூரம் ஜாகிங் செய்யும்போது எரிக்கப்படும் கலோரிகளின் எண்ணிக்கை வெறும் தண்ணீரைக் குடிப்பதன் மூலம் எரிக்கப்படும் என்று நம்பப்படுகிறது. எவ்வாறு எனில் தண்ணீர் குடிப்பதால் நாம் அதிகமாக சாப்பிடுவதைத் தவிர்க்கலாம். இது எடை அதிகரிப்பதைத் தடுக்கிறது. தண்ணீர் குடிப்பதால் கலோரிகளை எரிக்கவும், எடையைக் கட்டுக்குள் வைத்திருக்கவும் உதவும் சில வழிகள் கீழே கொடுக்கப்படுள்ளன.
உடலில் இருந்து நச்சுகளை வெளியேற்ற உதவுகிறது. தண்ணீர் குடிப்பது கொழுப்பை எரிக்கவும் உடலை சுறுசுறுப்பாக வைத்திருக்கவும் உதவுகிறது. அதேநேரம் தண்ணீர் குடிப்பது, மீண்டும் மீண்டும் சாப்பிட வேண்டும் என்ற ஆர்வத்தை குறைக்கிறது. நாம் அதிகமாக சாப்பிடுவதைக் குறைக்கும்போது, எடையைக் கட்டுக்குள் வைத்திருக்கவும், கொழுப்பைக் கட்டுக்குள் வைத்திருக்கவும், இது பயனுள்ளதாக இருக்கின்றது.
பல சந்தர்ப்பங்களில், மக்கள் உணவு உண்ட உடனேயோ அல்லது உணவோடு சேர்த்துத் தண்ணீரையோ குடிப்பார்கள். இருப்பினும், இந்த நடைமுறை அஜீரணத்தை ஏற்படுத்தும், மேலும் எடை அதிகரிக்கும். உணவு உண்பதற்கு முன் தண்ணீர் அருந்த வேண்டும். இது அதிகப்படியான உணவைத் தடுக்கவும், எடையைக் கட்டுப்படுத்தவும் உதவுகிறது.
சேமிக்கப்பட்ட கொழுப்பை உடைக்க சூடான நீர் உதவுகிறது. அதேநேரம் தேவையற்ற கொழுப்பை எரிக்க எளிதாகிறது. உடல் எடையை குறைக்க தினமும் வெந்நீரை உட்கொள்வது நல்லதாகும். கோடைக்காலத்தில் கூட, ஒரு நாளைக்கு ஒரு முறையாவது தூங்குவதற்கு முன், சூடான நீரை உட்கொள்ளுவது நன்மை பயக்கும்.
சிலருக்குத் தண்ணீர் குடிக்க பிடிக்காது, ஏனெனில் அதில் சுவை இல்லை. இதுபோன்ற சந்தர்ப்பங்களில், அதிக தண்ணீர் குடிக்கும் பழக்கத்தை ஊக்குவிக்க எலுமிச்சை, இஞ்சி, பெருஞ்சீரகம் மற்றும் பழத் துண்டுகள் போன்ற இயற்கை சுவைகளை சேர்த்துத் தண்ணீரை அருந்தலாம்.
எனவே, உடல் எடை குறைக்க விருப்பம் உள்ளவர்கள் தண்ணீரை அதிகமாக உள் எடுத்துக் கொண்டு அரோக்கிய வாழ்வை வாழுங்கள் எனத் தெரிவிக்கப்பட்டுள்ளது.
மேலும் படிக்க