மொட்டை மாடியில் மரங்களை வளர்ப்பது உங்கள் தோட்டத்திற்கு உயரத்தையும், அழகையும் சேர்க்க ஒரு சிறந்த யோசனையாகும். அதே நேரம் இந்தியாவின் தட்ப வெப்பநிலைக்கு ஏற்ப நீங்கள் மாடித் தோட்டத்தில் வளர்க்க சிறந்த மரங்களின் ஒரு சிறுபட்டியலை இப்பகுதியில் காணலாம்.
பப்பாளி: பப்பாளியில் வைட்டமின் சி முக்கிய ஆதாரமாக இருப்பதோடு மட்டுமல்ல, கார்போஹைட்ரேட், நீர் மற்றும் சில அளவு கொழுப்பும் உள்ளது. பப்பாளியில் மூன்று பாலினங்கள் உள்ளன - ஆண் மகரந்தத்தை மட்டுமே உற்பத்தி செய்கிறது, பெண் சிறிய, சாப்பிட முடியாத பழங்களை உற்பத்தி செய்கிறது மற்றும் ஹெர்மாஃப்ரோடைட் (Hermaphrodite) மகரந்தச் சேர்க்கை மற்றும் கருமுட்டையைக் கொண்டிருப்பதால் சுயமாக மகரந்தச் சேர்க்கை செய்ய முடியும். உங்களுக்கு அருகிலுள்ள நர்சரியில் எளிதாகக் கிடைக்கும் ஹெர்மாஃப்ரோடைட் மரக்கன்றுகளை (சுய மகரந்தச் சேர்க்கை) எப்போதும் தேர்வு செய்வது நல்லது.
பராமரிப்பு மற்றும் வளர்ச்சி: சிறந்த வடிகால் வசதியுடன் கூடிய வண்டல் மண்ணை தேர்ந்தெடுங்கள். மேலும், இதற்கு சூரிய ஒளி மற்றும் அவ்வப்போது நீர்ப்பாசனம் தேவைப்படுகிறது. குளிர்காலத்தில் இந்த தாவரத்தை கவனித்துக் கொள்வது அவசியம்.
கொய்யா: இதை இந்தியா முழுவதும் காணலாம், மேலும் சில வகைகளை உங்கள் மாடித் தோட்டத்தில் ஆண்டு முழுவதும் வளர்க்கலாம். இதில் வைட்டமின் சி, கலோரிகள், நார்ச்சத்து மற்றும் ஆரோக்கியமான ஊட்டச்சத்துக்கள் நிறைந்துள்ளன.
பராமரிப்பு மற்றும் வளர்ச்சி: இது அனைத்து வகையான மண்ணிலும் வளர்க்கப்படலாம் ஆனால் கூடுதல் வளத்துடன் கூடிய மணல்- களிமண் (6 முதல் 7.5 pH காரணி) பரிந்துரைக்கப்படுகிறது. ஆண்டு முழுவதும் பழங்களை அறுவடை செய்ய அகலமான பானைகள் தேவை.
ஆரம்பத்தில், நீங்கள் சரியான உரங்கள் மற்றும் உரம் கலவையுடன் தொடர்ந்து பராமரிப்பதோடு தண்ணீர் கொடுக்க வேண்டும். மரம் பழங்களைத் தந்தவுடன், ஒப்பீட்டளவில் குறைந்த கவனம் செலுத்தினால் போதும். 25 ஆண்டுகளுக்கும் மேலாக ஏராளமான பழங்களை எதிர்பார்க்கலாம்.
எலுமிச்சை: நீங்கள் மாடித்தோட்டத்தில் எலுமிச்சை வளர்ப்பதற்கு பல்வேறு வகைகள் உள்ளது. உங்களுக்கு தேவையான மரக்கன்றுகளை நர்சரியில் கேட்டுப் பெறுங்கள். அவை ஆண்டு முழுவதும் காய்க்கும். நீங்கள் ஒரு குள்ள எலுமிச்சை மரத்தை ஒரு பெரிய கொள்கலனில் வளர்க்கலாம். எலுமிச்சையில் வைட்டமின் சி நிறைந்துள்ளது, மேலும் அதன் சாறு கடுமையான கோடை வெப்பத்தின் போது புத்துணர்ச்சியை அளிக்கும்.
Read more: மதி அங்காடி- அரசின் உதவியை பெற யாரெல்லாம் தகுதி?
பராமரிப்பு மற்றும் வளர்ச்சி: மணல் அல்லது களிமண் மண் எலுமிச்சை வளர்க்க பரிந்துரைக்கப்படுகிறது. கூடுதல் களிமண் மற்றும் உப்பு பயன்படுத்துவதை தவிர்க்கவும். ஆரம்ப காலத்தில் போதுமான தண்ணீர் தேவைப்படுகிறது. சிறந்த பழங்களின் தரத்திற்காக அதிக எண்ணிக்கையிலான கிளைகளை கத்தரித்து அவ்வப்போது கிளை வளர்ச்சியை ஒழுங்குப்படுத்தவும்.
முருங்கைக்காய்: தரையில் இருந்தாலும், இந்த மரத்தின் உயரம் சுமார் 30-40 அடி இருக்கும், மொட்டை மாடியில் வளர்ப்பதற்கேற்ற குள்ள மரம் குறைந்த முதலீடு மற்றும் ஒரளவு பராமரிப்பிலேயே முருங்கையை பெற முடியும். முழு தாவரமும் அதிக ஊட்டச்சத்து கொண்டது. இதன் இலைகளில் புரோ வைட்டமின் ஏ, வைட்டமின் சி, பி மற்றும் புரதம் உள்ளது. முருங்கைக்காயில் நார்ச்சத்து, மாங்கனீஸ், மெக்னீசியம், பொட்டாசியம் நிறைந்துள்ளது.
Read more: விவசாயத்துடன் அலங்கார மீன் வளர்ப்பில் அசத்தும் தூத்துக்குடி சரவணன்!
பராமரிப்பு மற்றும் வளர்ச்சி: பானை பெரியதாக இருக்க வேண்டும் மற்றும் களிமண் (மணல், வண்டல் மற்றும் களிமண் கலவை) மண் தேவை.
தகுந்த வெப்பநிலை, போதுமான தண்ணீர், ஊட்டச்சத்துக்கள், உரங்கள் மற்றும் சூரிய ஒளியும் கிடைக்கும் வகையில் இருக்க வேண்டும். பட்டை உண்ணும் கம்பளிப்பூச்சி, பச்சை இலை கம்பளிப்பூச்சி மற்றும் அசுவினி ஆகியவை இந்த மரத்தின் முக்கிய எதிரிகள். குறைந்த அளவு பூச்சிக்கொல்லிகளை பராமரிப்புக்கு பயன்படுத்துங்கள்.
Read more: SSY சிறுசேமிப்புத் திட்டம்: பெண் குழந்தை வைத்திருப்பவர்களுக்கு குட்நியூஸ்!