வாரம் முழுவதும் ஓடி உழைக்கும் மக்களுக்கு ஞாயிற்றுக்கிழமை என்பது இறைவன் கொடுக்கும் மிகப்பெரிய வரப்பிரசாதமாகக் கருதப்படுகிறது.
அதாவது 6 நாள் வேலை, ஒரு நாள் விடுமுறை என்பதுதான் நீண்டகால நடைமுறை. இதனை மாற்றி, வாரத்தில் 2 நாட்கள் விடுமுறை அளித்து, பணியாளர்களை உற்சாகப்படுத்தியப் பெருமை ஐடி நிறுவனங்களையேச் சேரும்.
இதற்காக அவர்கள் தினமும் 9 மணி நேரம் பணி செய்கிறார்கள் என்பது நம்மில் சிலருக்குத் தெரியாது. இந்நிலையில், உலக நாடுகள் 8க்கும் மேற்பட்ட நாடுகளில் தற்போது பணிக்கு செல்லும் மக்களின் பழுவைக் குறைக்கும் வகையில், வாரத்தில் 7 நாட்களில் 3 நாட்கள் விடுமுறை கொடுத்து 4 நாட்கள் வேலை என்ற நடைமுறையைக் கொண்டுவந்துள்ளனர்.
3 நாள் லீவு
கடந்த ஆண்டு 2021ல் ஐக்கிய அரபு எமிரேட்ஸ் வாரத்தில் 4.5 நாள் மட்டும் வேலை என்ற அறிவிப்பை வெளியிட்டது. அதோடு, ஊழியர்கள் வெள்ளிக்கிழமை விருப்ப நேரத்தில் வேலை செய்யவும், வீட்டிலிருந்து பணியாற்றவும் அனுமதிக்கப்பட்டது. அதேபோல், ஜப்பானும் சமீபத்தில் இந்த அறிவிப்பை வெளியிட்டுள்ளது. இதன் மூலம் ஊழியர்கள் 4 நாட்கள் வேலை என்ற நடைமுறையில் வேலை திறன் 40 சதவீதம் அதிகரித்துள்ளனர்.
4 நாள் வேலை
மேலும், நியூசிலாந்து இரண்டு ஆண்டுகளுக்கு முன்பு இதனை நடைமுறைப்படுத்தியது. அதில் திட்டம் 6 வாரம் பரிசோதனையில் ஊழியர்களின் வேலைத்திறன் 20 சதவீதமாக அதிகரித்தது. ஐஸ்லாந்தில், 2015 மற்றும் 2019 ஆம் ஆண்டுகளில் நாட்டில் பல நிறுவனங்கள் நான்கு நாள் வேலைத் திட்டத்தைப் பரிசோதனை செய்தது. இதில் சிறப்பான வளர்ச்சி கண்ட நிலையில் வாரத்திற்கு 4 நாள் வேலை திட்டத்தை நடைமுறைப்படுத்தி உள்ளன.
இதைத் தொடர்ந்து பின்லாந்து, ஸ்பெயின், அயர்லாந்து பெல்ஜியம் உள்ளிட்ட நாடுகளோடு சேர்த்து உலகில் சுமார் 8 நாடுகளில் அதிகாரப்பூர்வமாக வாரத்திற்கு 4 நாள் வேலை, 3 நாள் விடுமுறை நடைமுறையைக் கொண்டுவந்துள்ளன. எனவே இந்தியாவிலும் இந்த நடைமுறை அமலுக்கு வருமா? என வேலைக்குச் செல்வோர் எதிர்பார்க்கின்றனர்.
மேலும் படிக்க...