தமிழகத்தின் திருப்பத்தூர் மாவட்டம் தனது புகழ்பெற்ற உணவுத் திருவிழாவைக் கொண்டாடத் தயாராகி வரும் நிலையில், மாவட்ட ஆட்சியர் அமர் குஷ்வாஹா மாட்டிறைச்சி மற்றும் பன்றி இறைச்சி பிரியாணியை வளாகத்தில் அனுமதிக்காதது சர்ச்சையை ஏற்படுத்தியுள்ளது. ஆம்பூரில் மாட்டிறைச்சி பிரியாணி பிரபலமாக இருந்தாலும், பன்றி இறைச்சி பிரியாணி ஒப்பீட்டளவில் அரிதானதாகும். மேலும் மாட்டிறைச்சியைத் தடைசெய்யும் நோக்கில் ‘இருபுறமும்’ சமநிலைப்படுத்தும் எண்ணமாக, இந்த நடவடிக்கை கருதப்படுகிறது.
ஆம்பூர் பிரியாணி திருவிழா மே 12 ஆம் தேதி தொடங்கி மே 14 ஆம் தேதி வரை நடைபெற்று வருகிறது. ஆம்பூர் பிரியாணிக்குத் திருப்பத்தூர் மாவட்டத்தில் உள்ள ஆம்பூர் நகரைக் கொண்டு ஆம்பூர் பிரியாணி எனப் பெயர் வந்தது. தமிழ்நாட்டைச் சேர்ந்த சிறுதானிய மணம் கொண்ட சீரக சம்பா அரிசியைப் பயன்படுத்துவதற்காக பிரியாணி மாநிலம் முழுவதும் பிரபலமானது.
தலித் மற்றும் பல தாழ்த்தப்பட்ட சமூகத்தினரிடையே மாட்டிறைச்சி முக்கிய உணவாக இருப்பதன் அடிப்படையில் தடைக்குக் கடுமையான எதிர்ப்பு உள்ளது. விடுதலைச் சிறுத்தைகள் கட்சியின் துணைப் பொதுச் செயலாளர் உள்ளிட்ட பிரபல எழுத்தாளர்கள், பொதுமக்கள் மற்றும் அரசியல் தலைவர்கள், இந்த நடவடிக்கைக்கு எதிராக விமர்சனம் செய்து வருகின்றனர். திருவிழாவில் மாட்டிறைச்சி தடை என்பது சமூக நீதிக்கும், தற்போது ஆட்சியில் இருக்கும் திமுகவின் ‘திராவிட மாதிரி’க்கும் எதிரானது என்பதை அவர்கள் அனைவரும் சுட்டிக்காட்டியுள்ளனர்.
மாவட்ட கலெக்டரை அணுகியபோது, “பன்றி இறைச்சி பிரியாணி, மாட்டிறைச்சி பிரியாணி என்று விரும்பும் இரண்டு குழுக்கள் உள்ளன. இந்துக்கள் மற்றும் முஸ்லீம்களின் மத உணர்வுகளைப் புண்படுத்தும் என்பதால் இரண்டையும் தவிர்த்துவிட்டோம். மேலும், “இந்தப் பண்டிகை குறிப்பாக ஆட்டிறைச்சி, சிக்கன் மற்றும் மீன்களை மட்டும் கொண்டு செய்யப்படும் ஆம்பூர் பிரியாணியைக் கொண்டாடுவதற்காகத் தான். திருவிழாவில் பிரியாணி இலவசம் இல்லை. மக்கள் அதை வாங்க வேண்டும். பிரியாணிக்காக திருவிழாவில் காசு கொடுக்கத் தயாராக இருந்தால், மாட்டிறைச்சி அல்லது பன்றி இறைச்சி வேண்டுமானால் பண்டிகைக்கு வெளியில் எந்தக் கடையிலும் வாங்கலாம்,'' என்றார்.
இது குறித்த விமர்சனங்களைச் சுட்டிக் காட்டப்பட்டபோது, மாவட்டக் கலெக்டர் கூறியதாவது, “இது மேல்சாதி, தாழ்த்தப்பட்ட ஜாதி பிரச்சனை இல்லை. நான் மாட்டிறைச்சி அல்லது பன்றி இறைச்சிக்கு எதிரானவன் அல்ல. மக்கள் விரும்பியதை சாப்பிடட்டும். மக்கள் என்னுடன் அமர்ந்து அவர்கள் விரும்பும் எதையும் சாப்பிடலாம். ஒரு பிரச்சினையை உருவாக்குபவர்கள் மக்கள் தொகையில் 0.5% மட்டுமே. நான், ஒரு அதிகாரியாக, மீதமுள்ள 99.5% பற்றி சிந்திக்க வேண்டும். எந்த சர்ச்சையும் ஏற்படுவதை நான் விரும்பவில்லை, என்று கூறியுள்ளார்.
ஆம்பூரைச் சேர்ந்த தலித் கவிஞர் யாழன் ஆதி மாவட்ட ஆட்சியரின் கூற்றுகளைக் கடுமையாக மறுத்தார். “மாட்டுக்கறி பிரியாணி இல்லாமல் ஆம்பூர் பிரியாணி இல்லை. ஆம்பூர் வந்தால் மாட்டுக்கறி பிரியாணி கடைகளின் எண்ணிக்கையை, நீங்களே பார்க்கலாம். ஆம்பூரில் ஒரு பிரியாணி கடையை பார்க்காமல் ஒரு இடத்திலிருந்து இன்னொரு இடத்திற்கு செல்ல முடியாது, அவர்களில் பலர் மாட்டிறைச்சி பிரியாணி பரிமாறுகிறார்கள், ”என்று அவர் கூறினார்.
இந்த நகரம் மாட்டுத் தோல் உற்பத்தி மையமாக உள்ளது. "இங்கிருந்து வந்தவர்களில் பெரும்பாலோர் உழைக்கும் வர்க்கம் மற்றும் அவர்களின் வாழ்க்கை, இந்த தோல் தொழிலைச் சுற்றியே உள்ளது. இங்கு, ஒரு பிளேட் மட்டன் பிரியாணியின் விலை சுமார் ரூ.225, மாட்டிறைச்சி பிரியாணியின் விலை ரூ.50 முதல் 70 ஆகும். மக்கள் எதை வாங்க முடியும் என்று நினைக்கிறீர்கள்? என்றும், “இந்துக்களின் உணர்வு முக்கியம் என்றால், தலித் மக்களின் உணர்வுகள் என்ன? நான் சிக்கன், மட்டன் சாப்பிடுவதில்லை. அப்படியென்றால், அரசு நடத்தும் அந்த விழாவில் நான் அனுமதிக்கப்படுகிறேனா, இல்லையா? நான் இந்த சமூகத்தின் குடிமகனா அல்லது இல்லையா? தோல் தொழிலில் பணிபுரியும் பெரும்பான்மையானவர்கள் தலித் அல்லது முஸ்லிம்கள் எனத் தனது கருத்தை முன்வைத்திருக்கிறார்.
மாட்டுக்கறி பிரியாணிக்குப் புகழ்பெற்ற ஆம்பூரில் உள்ள ஒரு குறிப்பிட்ட உணவகம் குறித்தும் யாலன் தெரிவித்திருக்கிறார். அந்த கடையில் மட்டும், ஒரு நாளைக்கு 200 கிலோ மாட்டிறைச்சி பிரியாணி விற்கப்படுகிறது. அவர்கள் அரிசியில் சேர்க்கும், அதே அளவு இறைச்சியையும் சேர்க்கிறார்கள். "பன்றி இறைச்சியையும் தடை செய்யும் நடவடிக்கை தனது பார்வையில் கண் துடைப்புச் செயலாகும் என்றும் அவர் கூறினார். “பன்றி இறைச்சி பிரியாணி பற்றி யார் கேள்விப்பட்டிருக்கிறார்கள்? ஆனால் மக்கள் பன்றி இறைச்சியை விரும்பினால், அதையும் வழங்கட்டும் எனக் கூறியிருக்கிறார்.
இந்த நடவடிக்கைக்கு பல விமர்சகர்கள் சமூக ஊடகங்களில் தங்கள் கோபத்தை வெளிப்படுத்தினர். மாவட்ட ஆட்சியரின் இந்த நடவடிக்கைக்கு கண்டனம் தெரிவித்து வி.சி.க-வின் வன்னி அரசு ட்விட்டரில் அறிக்கை வெளியிட்டுள்ளார். “குறிப்பிட்ட சமூகத்தினரின் உணவைத் தவிர்த்துவிடுவது மதிப்பிற்குரிய முதல்வர் மு.க.ஸ்டாலினின் திராவிட முன்மாதிரிக்கு எதிரானது. மே 12, 13, 14 ஆகிய தேதிகளில் நடைபெறும் பிரியாணி திருவிழாவில் 75 சதவீத மக்கள் உண்ணும் மாட்டிறைச்சியை சேர்க்க வேண்டும் என்று கேட்டுக்கொள்கிறோம்,” என்று கூறியிருப்பது குறிப்பிடத்தக்கது.
மேலும் படிக்க
காவிரி நீரைக் கர்நாடகாவிலிருந்து பெற நடவடிக்கை!
கோவில் அமைப்பில் இருப்பதால் காவல் நிலையத்தை இடிக்க கோரிக்கை!