சென்னை - மாமல்லபுரம் இடையே உள்ள கிழக்குக் கடற்கரைச் சாலையின் (ECR) பகுதிக்கு 'முத்தமிழ் அறிஞர் கலைஞர் கருணாநிதி சாலை' எனப் பெயர் மாற்றம் செய்யப்படும் என்று ஞாயிற்றுக்கிழமை நடைபெற்ற மாநில நெடுஞ்சாலைத் துறையின் பிளாட்டினம் விழா நிகழ்ச்சியில் முதல்வர் மு.க.ஸ்டாலின் தெரிவித்து இருக்கிறார்.
மேலும் அவர் கூறியதாவது, சென்னையின் பரபரப்பான மத்திய கைலாஷ் சந்திப்பு (திட்டச் செலவு .46.54 கோடி), மதுரையில் கோரிப்பாளையம் சந்திப்பு (199 கோடி), அண்ணாசாலையில் (485 கோடி) உயர்த்தப்பட்ட வழித்தடம் மற்றும் கிரேடு பிரிப்பான்கள் உட்பட தமிழ்நாடு மாநிலத்திற்கான பல முக்கிய நெடுஞ்சாலைத் திட்டங்களுக்கு ஸ்டாலின் அடிக்கல் நாட்டினார். கன்னியாகுமரியில் உள்ள விவேகானந்தர் நினைவகத்துடன் (37 கோடி) திருவள்ளுவர் சிலையை இணைக்கும் கண்ணாடி பாலம் மற்றும் சென்னையில் உள்ள திட்டப்பணிகள் அடுத்த இரண்டு ஆண்டுகளுக்குள் முடிக்கப்படும் என அதிகாரிகள் தெரிவித்தனர்.
இந்நிலையில், ஸ்டாலின் தனது உரையில், நெடுஞ்சாலைத் துறையின் இணைப்புகளை மேம்படுத்துதல், கடந்த ஆண்டு நவம்பர் மற்றும் டிசம்பர் மாதங்களில் வரவிருக்கும் கடுமையான வெள்ளத்தைத் தணித்தல் மற்றும் சாலை விபத்துகளைக் குறைக்கும் முயற்சிகள் ஆகியவற்றை தமிழ்நாடு அரசும், அரசு அதிகாரிகளும் செயல்பட்ட விதங்களை எடுத்துரைத்தார். அரசின் இன்னுயிர் காப்போம் - 48 திட்டமே தமிழகத்தில் உயிரிழப்புகள் குறைந்ததற்கு காரணம் என்று அவர் கூறினார்.
இவ்வாறு சாலை விபத்துக் குறித்து பேசிய தமிழக முதல்வர், மோசமான சாலைகள் அரசுக்கு அவப் பெயரை ஏற்படுத்தும் என்றும், தரமான சாலைகளை அமைப்பது முக்கியம் என்றும் எடுத்துரைத்தார். காலத் தாமதம் ஏற்படாமல் இருக்க 5 குழுக்கள் அமைக்கப்பட்டுள்ளன என்றும் அவர் தனது உரையில் கூறியுள்ளார்.
இந்நிகழ்ச்சியில் பேசிய மாநில நெடுஞ்சாலைத்துறை செயலாளர் தீரஜ்குமார், அடுத்த 10 ஆண்டுகளில் மாநிலத்தில் உள்ள அனைத்து தாழ்வான பாலங்களையும் உயர்மட்ட பாலங்களாக மாற்ற உத்தரவு பிறப்பிக்கப்பட்டுள்ளது என்றார். இந்த திட்டத்திற்காக மொத்தம் 1,281 கீழ்மட்ட பாலங்கள் 2,401 கோடி மதிப்பீட்டில் அடையாளம் காணப்பட்டுள்ளதாக அதிகாரப்பூர்வ தகவல்கள் தெரிவிக்கின்றன. இதில், கடந்த ஆண்டு முதல் கட்டமாக 648 கட்டுமானப் பணிகள் மேற்கொள்ளப்பட்டன (610 கோடி), மேலும் 435 இந்த ஆண்டு அட்டவணைக்கு (1,105 கோடி) தேர்வு செய்யப்பட்டுள்ளன.
இது தவிர, அடுத்த 10 ஆண்டுகளில், மாநில நெடுஞ்சாலைத் துறை, 2,200 கிமீ நீளமுள்ள இருவழிச் சாலைகளை நான்கு வழிப் பாதைகளாக விரிவுபடுத்தி, மேலும் 6,700 கி.மீ.க்கு புதிய இருவழிச் சாலைகளை முதலமைச்சரின் சாலை மேம்பாட்டுத் திட்டத்தின் கீழ் அமைக்கும் என்றும் தெரிவிக்கப்பட்டுள்ளது.
மேலும் படிக்க
என்னது? தோல் அரிப்பும் கோவிட்-இன் அறிகுறியா?
அனைத்து தமிழக விவசாயிகளுக்கும் இலவச மின்சாரம் வழங்கும் திட்டம்!