தங்கம் விலை தாறுமாறாக உயர்ந்து வருவது பெண்களிடையே கடும் அதிர்ச்சியை ஏற்படுத்தி உள்ளது. தங்கம் விலை கடந்த ஆண்டு நவம்பர்  சவரன் ரூ.37,720-க்கு விற்கப்பட்டது. ஆனால்  2 மாதங்களில் சவரனுக்கு 5320 ரூபாய் அதிகரித்திருப்பது அனைவரையும் அதிர்ச்சி அடையச் செய்துள்ளது.

ரூ.37 ஆயிரம்

தங்கம் விலை கடந்த 2 மாதங்களாக தொடர்ந்து அதிகரித்து வருகிறது. கடந்த ஆண்டு, நவம்பர் மாதத்துக்கு முன்பு வரை 1 சவரன் தங்கம் ரூ.37 ஆயிரத்தை தாண்டி விற்பனையானது. சவரன் ரூ.38 ஆயிரத்துக்கு உள்ளேயே இருந்தது. கடந்த நவம்பர் மாதத்தில் இருந்து தங்கம் விலை தொடர்ந்து உயரத் தொடங்கியது.

2 மாதங்களாக

கடந்த நவம்பர் மாதம் 5-ந்தேதி விலை ரூ.38 ஆயிரத்தை தாண்டியது. அன்று ஒரு சவரன் தங்கம் ரூ.38160-க்கு விற்கப்பட்டது. அடுத்த 6 நாட்களில் தங்கம் விலை ரூ.39 ஆயிரத்தை தாண்டியது. நவம்பர் 11-ந்தேதி 1 சவரன் தங்கம் ரூ.39240 ஆக உயர்ந்தது. டிசம்பர் மாத தொடக்கத்தில் தங்கம் விலை மீண்டும் உயரத் தொடங்கியது. டிசம்பர் 2-ந்தேதி தங்கம் விலை ரூ.40 ஆயிரத்தை தாண்டியது. அன்று 1 சவரன் ரூ.40,160-க்கு விற்பனையானது.

ரூ.41 ஆயிரம்

தொடர்ந்து உயர்ந்து கொண்டே வந்த தங்கம் டிசம்பர் மாதம் 31-ந்தேதி சவரன் ரூ.41 ஆயிரத்தை தாண்டியது. அன்று 1 சவரன் தங்கம் ரூ.41,040 ஆக விற்கப்பட்டது.

அதன்பிறகும் தங்கம் விலை தொடர்ந்து உயர்ந்து கொண்டே சென்றது. கடந்த 9-ந்தேதி சவரன் விலை ரூ.42 ஆயிரத்தை தாண்டியது. அன்று 1 சவரன் தங்கம் ரூ.42,080-க்கு விற்கப்பட்டது. இந்த நிலையில் மீண்டும் உயரத் தொடங்கிய தங்கம் அதிர்ச்சி அளிக்கும் வகையில் நோற்று சவரன் ரூ.43 ஆயிரத்தை தாண்டியது. நேற்று 1 பவுன் தங்கம் ரூ.42,760-க்கு விற்கப்பட்டது. ஒரே நாளில் பவுனுக்கு ரூ.280 அதிகரித்து ரூ.43,040-க்கு விற்பனையாகிறது.

அதிர்ச்சி

தங்கம் விலை கடந்த நவம்பர் மாதம் 3-ந்தேதி பவுன் ரூ.37,720-க்கு விற்கப்பட்டது. 2 மாதங்களில் பவுனுக்கு ரூ.5320 அதிகரித்துள்ளது. நேற்று முன்தினம் 1 கிராம் தங்கம் ரூ.5345-க்கு விற்கப்பட்டது. நேற்று கிராமுக்கு ரூ.35 அதிகரித்து ரூ.5380-க்கு விற்கப்படுகிறது. தங்கத்தின் இந்த விலையேற்றம் பெண்களிடையே கடும் அதிர்ச்சியை ஏற்படுத்தி உள்ளது.

மேலும் படிக்க…

பெண்களுக்கு மானிய விலையில் ஆட்டோ!

அரசு ஊழியர்களின் அகவிலைப்படி 38%மாக உயர்வு-தமிழக அரசு அறிவிப்பு!