Salary Increment
2019 கடைசியில் கொரோனா தொற்று பரவல் இந்தியாவில் ஆரம்பம் ஆனது. அப்போது ஏற்பட்ட பெரும் பாதிப்பால் அரசுக்கு நிதி நெருக்கடி ஏற்பட்டுள்ளது. ஏப்ரல் மாதத்தில் மத்திய அரசு ஊழியர்கள் மற்றும் ஓய்வூதியதாரர்களுக்கு 4 சதவீத அகவிலைப்படி உயர்வு செய்வது தற்காலிகமாக நிறுத்தி வைப்பதாக அறிவித்தது. அதைத் தொடர்ந்து அகவிலைப்படி உயர்வு எப்போது செய்யப்போகிறார்கள் என்ற பல்வேறு தகவல்களும் வதந்திகளும் வேகமாக பரவியது.
மத்திய அரசு ஊழியர்களும் ஓய்வூதியதாரர்களும் எப்போது வெளியாகும் என்ற எதிர்பார்ப்பில் இப்போது வரை காத்திருக்கின்றனர். இந்நிலையில் வரும் செப்டம்பர் மாதத்தில் அகவிலைப்படி உயர்வு கிடைக்கும் என்று தகவல் வெளியாகியுள்ளது. இத்தகவல் 50 லட்சம் மத்திய அரசு ஊழியர்களும், 65 லட்சம் பென்சனர்களும் ஆனந்தப்படுத்தியது.
நிதித் துறை இணையமைச்சரான அனுராக் தாகூர் ஜூலை மாதம் முதல் முழு அகவிலைப்படி நிலுவைப் பணம் அனைத்தும் கிடைக்கும் என்று கூறியிருந்தார். இவ்வாறு கூறியிருந்த போதிலும் ஜூலை மாதம் வந்துவிட்ட நிலையில் அகவிலைப்படி எந்தவிதமான உயர்வும் கிடைக்கவில்லை.
கொரோனா தொற்று பரவல் குறைந்துக் காணப்படும் நிலையில் ஆகஸ்ட் மாதம் முதல் அகவிலைப்படி முழுப் பயனை வாடிக்கையாளர்களுக்கு வழங்கவுள்ளதாக அரசு முடிவுசெய்துள்ளதாகத் தெரிகிறது. மத்திய அரசு ஊழியர்களுக்கான அகவிலைப்படி 17 சதவீதம் உயர்த்தப்படுவதாக கூறப்பட்டது. மேலும் இதனால் செப்டம்பர் மாதம் அரசு ஊழியர்களின் சம்பளம் கணிசமாக அதிகரிக்கும். கிளாஸ் 1 அலுவலர்களுக்கு சம்பள உயர்வு ரூ.11,880 முதல் ரூ.37,554 வரை எதிர்பார்க்கப்படுகிறது. இதேபோல பல்வேறு பிரிவுகளில் ஊதிய உயர்வு இருக்கும் என்று கூறப்படுகிறது.
மேலும் படிக்க: