Krishi Jagran Tamil
Menu Close Menu

கரோனாவின் எதிரொலி: தற்காப்பு சக்தி நிறைந்தது என்பதால் அதிகரித்து வரும் விலை உயர்வு

Tuesday, 24 March 2020 12:11 PM , by: Anitha Jegadeesan
Fight against COVID-19

கரோனாவின் தாக்கம், கோடை வெயில் அதிகரிப்பு போன்ற காரணங்களினால் எலுமிச்சை விலை உயர்ந்துள்ளது. தமிழகத்தின் பல்வேறு பகுதிகளில் வெயிலின் தாக்கம் அதிகரித்து வருவதால் நீர்சத்து நிறைந்த பழங்களை மக்கள் அதிக அளவில் எடுத்துக் கொள்கிறார்கள்.

கரோனாவின் எதிரொலியாக மக்கள் நோய் எதிர்ப்பு சக்தி நிறைந்த, எல்லாக் காலங்களிலும் கிடைக்க கூடியது என்பதாலும், உடலின் தற்காப்பு சக்தி மற்றும்  உயர்ந்த கிருமி நாசினி என்பதாலும் அனைவரும் வழக்கத்திற்கு மாறாக அதிக அளவில் வாங்க துவங்கி உள்ளனர்.

தமிழகத்தின் தென் மாவட்டங்களில் வெயிலை சமாளிக்க, குளிர்ச்சியை கொடுக்கக் கூடிய இயற்கை  பானமான எலுமிச்சை சாறு முதலிடம் வகிக்கிறது. தூத்துக்குடி மாவட்டத்தைப் பொருத்தவரை வெப்பம் நிறைந்த மாவட்டம் என்பதால் மதுரை, திண்டுக்கல், ஈரோடு, சேலம் உள்ளிட்ட மாநிலத்தின் பல்வேறு பகுதிகளில் இருந்து அதிகளவில் எலுமிச்சை பழங்கள் விற்பனைக்காக வருகின்றன.

தூத்துக்குடி சந்தைகளில்  எலுமிச்சை அமோகமாக விற்பனையாகிறது. தமிழகத்தின் பிற மாவட்டங்களிலும் இதே நிலை நீடிப்பதால் தற்போது கிலோ ரூ.60 முதல் ரூ.80 வரை விற்பனையாகிறது. குறிப்பாக கரோனா வைரஸ் அச்சத்தால், தேவை அதிகரித்திருப்பதாக  எலுமிச்சை வியாபாரிகள் தெரிவித்தனர். ஒரு சில மாதங்கள் முன்பு வரை சில்லறை விற்பனையில் ஒரு பழம் ரூ.2க்கு விற்பனையான நிலையில் இப்பொழுது ரூ.5 முதல் ரூ.7 என விற்பனையாவதாக தெரிவித்தனர்.  வரும் மாதங்களில் எலுமிச்சை பழத்தின் விலை மேலும் அதிகரிக்க வாய்ப்பு உள்ளதாகவும் தெரிவித்தனர்.

Lemon Market In Tamilnadu Boosting the immune system Fight Against Corona Fighting Antioxidants Fight Against COVID-19

Share your comments


Krishi Jagran Tamil Magazine Subscription Online Subscription

Latest Stories

  1. குளிர்பதன கிடங்குகளை பயன்படுத்தி காய்கறிகள் மற்றும் பழங்களை சேமிக்க அழைப்பு
  2. காய்கறிகள் மற்றும் பழங்களுக்கு உரிய விலை கிடைக்க நடவடிக்கை
  3. பொதுமக்களுக்கு முக்கிய அறிவுப்பு: தமிழக அரசின் நடைமுறை திட்டங்களும், நடவடிக்கைகளும்
  4. விற்பனை செய்ய முடியாததால் கால்நடைகளுக்கு தீவனமாகும் முருங்கை காய்கள்
  5. எண்ணெய் வித்துப் பயிர்களுக்கு நல்ல எதிர்காலம் காத்திருக்கிறது
  6. ஒழுங்குமுறை விற்பனை கூடங்களில் கட்டணமின்றி விளைபொருட்களை சேமிக்க அனுமதி
  7. கரோனா பீதியால் கடல் உணவை நாடும் மக்கள்: காசிமேட்டில் மீன் விற்பனை அமோகம்
  8. வேளாண் பல்கலை வானிலை ஆய்வு மையம் கூறுவது என்ன?
  9. 3 வாரங்கள் வெளியில் செல்ல பொதுமக்களுக்கு அனுமதி இல்லை: பிரதமர் அறிவுப்பு
  10. கரோனா பீதியால் பிராய்லர் கோழி இறைச்சி வீழ்ச்சி: நாட்டுக்கோழிகளுக்கே அதிக மவுசு

CopyRight - 2020 Krishi Jagran Media Group. All Rights Reserved.