Krishi Jagran Tamil
Menu Close Menu

கங்காருவைக் கைது செய்து அசத்திய போலீசார்- வாஷிங்டனில் வேடிக்கை

Sunday, 19 July 2020 08:59 AM , by: Elavarse Sivakumar

தெருவில் சுற்றித்திரிந்த கங்காருவை மடக்கிப்பிடித்துக் கைது செய்து தங்கள் திறமைக் காட்டியுள்ளனர் அமெரிக்க போலீசார்.

அமெரிக்காவின் புளோரிடா மாகாணத்தில் உள்ள ஃபோர்ட் லாடர்டேல் பகுதியில் பாலூட்டி இனத்தைச் சேர்ந்த ஆஸ்திரேலிய கங்காரு ஒன்று, தெருக்களில் அங்கும் இங்கும் துள்ளி குதித்துத் திரிவதாக போலீசாருக்கு தகவல் கிடைத்தது.

இதன் அடிப்படையில் அங்கு சென்ற போலீசார் ஜாக் என செல்லமாக அழைக்கப்படும் கங்காருவை, சுற்றி வளைத்தனர். பின்னர் லாவகமாகத் தங்களது வாகனத்தில் ஏற்றிப், போலீஸ் ஸ்டேஷனுக்கு எடுத்து சென்று ஐந்து நட்சத்திர ஓட்டல் அளவிற்கு உணவு வழங்கி உபசரித்து, சிறையில் அடைத்துள்ளனர்.

இந்த உபசரிப்பால், கைதியான கங்காரு பின்னர் போலீசாரின் புதிய நண்பனாகவும் மாறிவிட்டது.

உரிமையாளர் குற்றச்சாட்டு (Owners Blame)

இந்நிலையில், தான் வீட்டுவேலையில் மும்முரமாக ஈடுபட்டிருந்த போது, திறந்திருந்த கேட் வழியாக வீட்டை விட்டு வெளியே கங்காரு ஓடி விட்டதாக ஜாக்கின் உரிமையாளரான அந்தோணி மாகியாஸ் கூறியுள்ளார்.

ஜாக் ஓய்வெடுக்கும் நேரத்தில் போலீசார் பாதுகாப்பாக கங்காருவைக் கைது செய்து, நகரை விட்டு வெளியே உள்ள பகுதிக்கு கொண்டு சென்றுள்ளனர் என்றும் உள்ளூர் தொலைக்காட்சிக்கு அளித்த பேட்டியில் அவர் தெரிவித்தார்.

அமெரிக்காவைப் பொருத்தவரை, வெளிநாடுகளை சேர்ந்த விலங்குகளுக்கு, லாடர்டேல் நகருக்குள் வளர்ப்பது சட்டவிரோதம் என்ற சட்டம் அமலில் உள்ளது.

காப்பகத்தில் ஒப்படைப்பு

இதனைக் கருத்தில் கொண்டு, முதலில் கைது செய்த போலீசார் பின்னர், நகருக்கு வெளியே உள்ள தெற்கு புளோரிடா விலங்குகள் காப்பகத்தில், கங்காருவை போலீசார் ஒப்படைத்தனர்.

கங்காருவை சிறையில் அடைந்த போலீசாரின் செயல், வனவிலங்கு ஆர்வலர்களை முதலில் அதிர்ச்சியடைச் செய்தது. எனினும் பின்னர் காப்பகத்தில் கங்காரு ஒப்படைக்கப்பட்டது அறிந்து சற்று ஆறுதல் அடைந்தனர். இருந்தாலும், இங்கு சட்டம் தன் கடமையைத்தானே செய்துள்ளது.

மேலும் படிக்க...

நீரழிவு நோய்க்கான சில முக்கிய அறிகுறிகள்- கவனிக்கத் தவறாதீர்கள்!

ஊரடங்கால், இந்தியாவின் தேயிலை உற்பத்தி 54 சதவீதம் குறைந்தது - ஏற்றுமதி பாதிப்பு

கங்காரு கைது அமெரிக்க போலீசார் வேடிக்கை சட்டப்படி நடவடிக்கை
English Summary: Washington police arrest kangaroo

Share your comments


Krishi Jagran Tamil Magazine Subscription Online Subscription


Monsoon 2020 update on Krishi Jagran Tamil Help App

Latest Stories

  1. தமிழ்நாடு வேளாண்மைப் பல்கலைக்கழகத்தின் பஞ்சகவ்யா விற்பனைக்கு! விவசாயிகள் கவனத்திற்கு!
  2. தரமான காய்கறி விதைகள் உற்பத்திக்கு மானியம் - தோட்டக்கலைத் துறை!!
  3. PMFBY: நெல்லுக்குப் பயிர் காப்பீடு செய்ய ஆகஸ்ட் 16ம் தேதி கடைசிநாள் - வேளாண்துறை அறிவுறுத்தல்!
  4. SSY:மாதம் 3000 முதலீட்டில் 17 லட்சம் ஈட்டும் மத்திய அரசின் திட்டம்! தெரியுமா உங்களுக்கு!
  5. ''வேளாண் வல்லுநர் அமைப்பு'' வழங்கும் - பயிர்களுக்கான ''ஆப்'' தொகுப்பு!!
  6. இயற்கை முறையில் காய்கறி சாகுபடி செய்வோர் ஊக்கத்தொகை பெற விண்ணப்பிக்கலாம் - தமிழக அரசு அழைப்பு!
  7. பசுந்தீவன விதைகளுக்கு முழு மானியம் பெற விண்ணப்பங்கள் வரவேற்பு - கால்நடை துறை
  8. கொட்டித் தீர்க்கும் பருவமழையால், கிடுகிடுவென நிரம்பும் அணைகள்- கரையோர மக்களுக்கு காத்திருக்கிறது அபாயம்!
  9. UYEGP : 5% முதலீடு செய்தால் போதும்! அரசின் 25 % மானியத்துடன் நீங்களும் முதலாளி ஆகலாம்!
  10. விலங்குகளைக் காப்பாற்றுவதற்கான முயற்சிகள் எடுப்பதில் அரசு உறுதி - பிரகாஷ் ஜவடேகர்

CopyRight - 2020 Krishi Jagran Media Group. All Rights Reserved.