Krishi Jagran Tamil
Menu Close Menu

மழைக்காலங்களில் பாம்புகளின் நடமாட்டம் அதிகரிக்கும் -விவசாயிகள் கவனத்திற்கு

Wednesday, 15 July 2020 08:52 AM , by: Elavarse Sivakumar

credit: Venom

கடந்த 20 ஆண்டுகளில், தென்மேற்கு பருவமழைக் காலத்தில், பாம்புகளின் நடமாட்டம் அதிகமாக இருந்திருப்பதும், பாம்புக்கடிக்கு 12 லட்சம் இந்தியர்கள் பரிதாபமாக பலியாகியிருப்பதும் ஆய்வில் தெரியவந்துள்ளது.

உலகளாவிய சுற்றுச்சூழலியல் தொடர்பாக இ-லைஃப் பத்திரிகை சார்பில் (e-Life Journal) அண்மையில் ஆய்வு நடத்தப்பட்டது. இதில், கடந்த 2000-வது ஆண்டு முதல் 2019ம் ஆண்டு வரையிலான காலகட்டத்தில், மொத்தம் 12 லட்சம் இந்தியர்கள் பாம்புக்கடிக்கு தங்கள் இன்னுயிரை இழந்திருப்பது கண்டு பிடிக்கப்பட்டுள்ளது.

இதில் பாதிக்கும் மேற்பட்டவர்கள் 30 முதல் 69-க்கு இடைப்பட்ட வயதுடையவர்கள். அதிலும் குறிப்பாக பாதிக்கும் மேற்பட்ட பாம்புக்கடி சம்பவங்கள், தென்மேற்கு பருவமழைக் காலமான ஜூன் முதல் செப்டர்மர் வரையிலான மாதங்களில் நிகழ்ந்துள்ளன.

பலிகொண்ட பாம்புகள் (Snake bites)

அவர்களில் பலருக்கு காலிலேயே, பாம்புக் கடித்துள்ளது. குறிப்பாக நாகப்பாம்பு, கட்டுவிரியன் போன்ற அதிக விஷம் கொண்ட பாம்புகளின் கடிக்கு ஆளாகியே இவர்கள் மரணம் அடைந்துள்ளனர்.

சிகிச்சைக் கிடைக்கவில்லை

பலியானவர்களில் பெரும்பாலானோருக்கு, முறையான சிகிச்சைக் கிடைக்கவில்லை. பாதிக்கப்பட்டவர்கள் வசித்த பகுதிகளில், ஆரம்ப சுகாதார மையங்கள் அருகில் இல்லாததும், மரணத்திற்கு மற்றுமொரு காரணமாக அமைந்திருக்கிறது.

 

credit: Researchgate

2001 முதல் 2014ம் ஆண்டு வரையிலான காலகட்டத்தில், பீகார், ஜார்க்கண்ட், மத்தியப்பிரதேசம், ஒடிசா, உத்தரப்பிரதேசம், தெலங்கானாவை உள்ளடக்கிய ஆந்திரா, ராஜஸ்தான் மற்றும் குஜராத் மாநிலங்களில் 70 சதவீத உயிரிழப்புகள் நிகழ்ந்துள்ளன.

இதையடுத்து ஆசியா, ஐரோப்பா மற்றும் லத்தீன்-அமெரிக்காவைச் சேர்ந்த 44 நாடுகளில் 162 இடங்களில் யுனெஸ்கோவின் சர்வதேச உயிரியல் பூங்காக்களை (UNESCO Global Geopark)அமைக்க யுனெனஸ்கோ செயற்குழு கூட்டத்தில் ஒப்புதல் அளிக்கப்பட்டுள்ளது.

மழைக்காலங்களில் அதிகரிப்பு (Movement Raising)

எனினும் இந்த ஆய்வில், தென்மேற்கு பருவமழை காலத்தில் அதிகபட்சமான பாம்புக்கடி மரணங்கள் நிகழ்ந்திருப்பது உறுதியாகியிருப்பதால், தற்போதைய அந்தப் பருவமழைக்காலத்தில், விவசாயிகள் சற்று கவனத்துடன் இருக்க வேண்டும்.

பாம்பின் இயல்பு (Snakes nature)

ஏனெனில் மழைக்காலங்களில் பாம்புகள் வசிக்கும் புற்றுகளுக்குள், தண்ணீர் செல்வதால், அவற்றின் வாழ்விடம் பாதிக்கப்படுகிறது.

தங்களின் இயல்புவாழ்க்கை பாதிக்கப்படுவதால், தன் வசிப்பிடத்தை விட்டு வயல்வெளிக்கு பாம்புகள் வர நேர்கிறது. எனவே இந்த காலகட்டத்தில் விவசாயிகள் கூடுதல் கவனத்துடனும், விழிப்புடனும் இருக்குமாறு ஆய்வாளர்கள் அறிவுறுத்துகிறார்கள்.

மேலும் படிக்க...

புலிகள் கணக்கெடுப்பில் நவீன யுக்தி - இந்தியா கின்னஸ் சாதனை!!

மனிதத் தோற்றத்தில் காட்சியளிக்கும் டிரிக்கர் மீன்கள்- வால்துடுப்பால் நீந்துவது அழகு!!

 

பாம்புகளின் நடமாட்டம் மழைக்காலங்களில் அதிகரிக்கும் 12 லட்சம் இந்தியர்கள் பலி பாம்புக்கடிக்கு பலி
English Summary: Increase the movement of snakes during the rainy season - Attention farmers

எங்களுக்கு ஆதரவளியுங்கள்!

அன்பான நேயர்களே, கிருஷி ஜாக்ரன் வாசகராகத் தொடர்ந்து இருப்பதற்கு நன்றி. உங்களைப் போன்ற வாசகர்களால் தான் வேளாண் பத்திரிக்கைத் துறை முன்னேறி வருகிறது. கிருஷி ஜாக்ரன் பத்திரிக்கையை உயர்ந்த தரத்தில் தொடர்ந்து வழங்குவதற்கும் கிராமப்புற இந்தியாவின் ஒவ்வொரு மூலையிலும் உள்ள விவசாயிகளையும் மக்களையும் சென்றடைய உங்களின் மேலான ஆதரவு கோருகிறோம்.

உங்களின் சிறு பங்களிப்பு கூட வேளாண் துறையை மாற்றியமைக்கும்....

பங்களிப்பு செய்யுங்கள் (Contribute Now)

Share your comments


Krishi Jagran Tamil Magazine Subscription Online Subscription


Latest Stories

  1. மத்திய அரசின் இரு விருப்பத் திட்டங்கள்! முதலாவது விருப்பத் திட்டத்தை அனைத்து மாநிலங்களும் தேர்வு செய்தன!
  2. டெல்லியில் போராடும் விவசாயிகளுக்கு இலவச சட்ட உதவி! உச்சநீதிமன்ற வழக்கறிஞர் அறிவிப்பு!
  3. நிவர் & புரெவி புயலில் சிக்கி உயிரிழந்தவர்களுக்கும், ஆடு, மாடுகளுக்கும் நிதியுதவி - முதல்வர் எடப்பாடி பழனிசாமி அறிவிப்பு!!
  4. Canara Bank Job offer: 220 ஸ்பெஷலிஸ்ட் அதிகாரி பணியிடங்களுக்கு விண்ணப்பங்கள் வரவேற்பு!!
  5. இயந்திர நடவு செய்யும் விவசாயிகளுக்கு ரூ.5000 மானியம்!!
  6. மானித்தில் கரும்பு விவசாய இயந்திரங்கள் - சர்க்கரை ஆலை அழைப்பு!
  7. TNAUவின் புதிய பயிர் வளர்ச்சி ஊக்கி தொழில்நுட்பம்- காப்புரிமை வழங்கியது மத்திய அரசு!
  8. மழைக்காலங்களில் கால்நடைகளைக் கலங்கடிக்கும் எலிக்காய்ச்சல் - கட்டுப்படுத்துவது எப்படி?
  9. ஒரு அங்குலம் மண் உருவாக எத்தனை ஆண்டுகள் ஆகும் தெரியுமா?
  10. சேலம் பழச்சந்தைக்கு கொய்யா வரத்து அதிகரிப்பு: கிலோ ரூ40 முதல் ரூ50க்கு விற்பனை!

CopyRight - 2020 Krishi Jagran Media Group. All Rights Reserved.