Krishi Jagran Tamil
Menu Close Menu

மூலிகை பயிர் சாகுபடி – கீழாநெல்லி

Monday, 15 October 2018 01:44 PM

பொருளாதார பகுதி - முழுமையான தாவரம்

பயன்கள்- ஹெபடிடிஸ் பி மற்றும் மஞ்சள் காமாலை போன்ற நோய்களை

குணப்படுத்துகிறது.

பிரதான மூலக்கூறு - பைலான்தின் (0.4-0.5%) மற்றும் ஹைப்போபைலான்தின்.

இரகங்கள்:
 நவ்யாகிரிட் - என்ற ரகமானது சாகுபடி செய்யப்படுகிறது. இது உயர் புல் வகையை சார்ந்தது.   

 மண் மற்றும் காலநிலை

வடிகால் தன்மை கொண்ட  மணல் கலந்த பசலை அல்லது களிமண் ஏற்றது. வெப்பமண்டல மற்றும் துணை வெப்பமண்டல பகுதியில் மானாவாரி பயிராக நன்கு வளரும். கார அமிலத் தன்மை- 7.5-6.5.

விதைப்பு
நிலத்தை இரண்டு அல்லது மூன்று முறை உழுது மேல் மண்ணை சமன்படுத்த வேண்டும். ஒரு எக்டருக்கு நாற்றுகளை தயாரிக்க 1 கிலோ விதை தேவைப்படும். விதைகள் ஒரு வாரத்தில் தளிர் விடும். அவற்றை 20 நாட்கள் வரை பராமரிக்க வேண்டும். முளைப்புத் திறனை அதிகரிக்க விதைப்பதற்கு முன் நல்ல தண்ணீரில் விதைகளை 20-30 நிமிடங்கள் ஊற வைக்க வேண்டும்.

நடவு மற்றும் இடைவெளி

3 முதல் நான்கு வாரம் வயதுடைய நாற்றுகளை 10 x 15 செ.மீ இடைவெளியில் நடவு செய்ய வேண்டும். எக்டருக்கு 8 லட்சம் நாற்றுகள் தேவைப்படும்.

உரமிடுதல்: 
தாவர வளர்ச்சியை ஊக்குவிக்க தொழு உரம் 10-20 டன், 50 கிலோ தழைச்சத்து, 25 கிலோ மணிச்சத்து மற்றும் 50 கிலோ சாம்பல் சத்து எக்டருக்கு அளிக்க வேண்டும். தழை மற்றும் சாம்பல் சத்து முழு அளவும் மணிச்சத்து பாதி அளவும் அடியுரமாக அளிக்க வேண்டும். மீதமுள்ள மணிச்சத்து இரு பகுதிகளாக பிரித்து பாதி அளவு நடவு செய்த 30வது நாளிலும், மீதமுள்ள அளவை நடவு செய்த 60வது நாளிலும் அளிக்க வேண்டும். 

பயிர் பாதுகாப்பு:

பொதுவாக இந்த மூலிகைக்கு பூச்சி மற்றும் நோய் மேலாண்மை முயற்சிகள் அதிகம் தேவையில்லை.

அறுவடை
பயிர் ஜூன் முதல் ஜூலை பயிரிடப்படப்பட்டால், செப்டம்பர் முதல் அக்டோபர் மாதங்களில் சாகுபடிக்கு தயாராகும். செப்டம்பர் அறுவடையானது உயர் பில்லாந்தின் உற்பத்திக்கு ஏற்றதாக உள்ளது. நடவிலிருந்து, 80 முதல் 100 நாட்களில் தாவரங்கள் அதிகபட்சமாக வளருகின்றன.
மகசூல்
எக்டருக்கு சராசரி மகசூல் புதிய மூலிகை 17.5 டன் மற்றும் உலர் மூலிகை (உலர்ந்த தாவர பொருள்) எக்டருக்கு 1750 கிகி.

Medicinal plant production Technology
English Summary: Medicinal plant Cultivation- Keelanelli

Share your comments


Krishi Jagran Tamil Magazine Subscription Online Subscription

Latest Stories

  1. செயல்பாட்டிற்கு வர காத்திருக்கும் நடமாடும் மளிகை மற்றும் காய்கறி கடைகள்
  2. ஆராய்ச்சி மையம் அமைக்க கால்நடை வளர்ப்பவர்கள் வலியுறுத்தல்
  3. கரோனாவிற்கு கபசுர குடிநீர் தீர்வாகுமா? அரசு சித்த மருத்துவமனைகளில் விநியோகிப்பது எதனால்?
  4. வேளாண் அறிவியல் நிலைய திட்ட ஒருங்கிணைப்பாளர் வழங்கும் ஆலோசனை
  5. ஜீரண கோளாறா? நம் முன்னோர்கள் கையாண்ட எளிமையான தீர்வு
  6. கரோனா காலகட்டத்தில் விவசாயிகள் கடைபிடிக்க வேண்டிய வழிமுறைகள்
  7. கூடுதல் விலைக்கு விற்பவர்கள் மீது சட்டப்படி நடவடிக்கை எடுக்கப்படும்
  8. கூட்டுறவு விற்பனை சங்கம் சார்பில் நடமாடும் காய்கறிக் கடை
  9. கல்லாற்றில் இன்னும் இரண்டு வாரங்களில் பலாப்பழம் விற்பனை ஆரம்பம்
  10. விவசாயிகள் இடுபொருள், உரம் தடையின்றி பெற அரசு அனுமதி

CopyRight - 2020 Krishi Jagran Media Group. All Rights Reserved.