TNAUவில் பாதுகாப்பான மின்னணு பலகை கணிப்பொறி கல்விமுறை அறிமுகம்!

வேளாண்மை மற்றும் அதன் சார்ந்த தொழில்நுட்பப் படிப்புகளை பாதுகாப்புடன் கூடிய மின்னணு பலகை கணிப்பொறி (Secured Digital Pad) மூலம் மாணவர்களுக்கு, நேரடியாகவோ அல்லது இணையவழித் தொடர்பின் மூலமாகவோ பாடம் நடத்தும் புதிய முறை தமிழ்நாடு வேளாண்மைப் பல்கலைக்கழகத்தில் (TNAU) அறிமுகம் செய்யப்பட்டுள்ளது.

வளர்ந்து வரும் தொழில்நுட்ப புரட்சி மற்றும் தற்போது நிலவும் சூழ்நிலைகளில் வேளாண்மை மற்றும் அதன் சார்ந்த தொழில்நுட்பப் படிப்புகளை பாதுகாப்புடன் கூடிய மின்னணு பலகை வசதியுடன் கற்கவேண்டியது அவசியமாகிறது.

இதனைக் கருத்தில் கொண்டு கணிப்பொறி (Secured Digital Pad-யின் மூலம் மாணவர்களுக்கு, நேரடியாகவோ அல்லது இணையவழித் தொடர்பின் மூலமாகவோ பாடம் நடத்தவும், தேர்வுகளை நடத்தி மதிப்பீடு செய்யும் வகையிலும் தமிழ்நாடு வேளாண்மைப் பல்கலைக்கழகத்தில் மின்னணு பலகை கணிப்பொறி கல்வி முறை ) அறிமுகம் செய்யப்பட்டுள்ளது. இதற்கான ஒருநாள் பயிற்சி பல்கலைக்கழக வளாகத்தில் நடைபெற்றது.

இந்திய வேளாண் ஆராய்ச்சிக்கழகத்தின் தேசிய உயர்கல்வித் திட்டத்தின் நிதி நிறுவன வளர்ச்சித் திட்டத்தின் நிதியுதவியுடன் நடத்தப்படும் இப்பயிற்சியின் முதற்கட்டமாக பல்கலைக்கழகத்தின் பல்வேறு துறைகளைச் சார்ந்த 28 ஆசிரியர்களுக்கு பயிற்சியளிக்கப்படுகிறது.

தமிழ்நாடு வேளாண்மைப் பல்கலைக்கழகத்தின் தேர்வு கட்டுப்பாட்டு இயக்ககம் மற்றும் வேளாண் வணிக மேம்பாட்டு இயக்ககத்துடன் இணைந்து நடத்தும் இப்பயிற்சியை தமிழ்நாடு வேளாண்மைப் பல்கலைக்கழக துணைவேந்தர் பேராசிரியர் முனைவர் நீ.குமார் துவக்கி வைத்து பேசினார். அப்போது, பல்கலைக்கழகத்தில் உள்ள அனைத்து ஆசிரியர்களும் மின்னணு பலகை கணிப்பொறியை திறம்பட பயன்படுத்தி மாணவர்களுக்கு சிறப்பான மற்றும் தரமான கல்வியை வழங்க வேண்டுமென கேட்டுக்கொண்டார்.

மேலும் படிக்க... 

பட்டியலின விவசாயிகளுக்கு ஒருங்கிணைந்த களை மேலாண்மைப் பயிற்சி!

நெல் சாகுபடியில் இலைச்சுருட்டு புழுத் தாக்குதல் - கட்டுப்படுத்த எளிய வழிகள்!