இந்த வங்கிகளில் கணக்கு வைத்திருப்பவரா? பி.எஃப் பணத்தை எடுக்கமுடியவில்லையா.. இந்த வழியை பின்பற்றுங்கள்

வங்கிகளின் இணைப்பு காரணமாக ஐ.எஃப்.எஸ்.சி (IFSC Code) குறியீடுகள் மாறிவிட்டன. எனவே, இந்த தகவலை பி.எஃப் கணக்கில்(Provident Fund Account) புதுப்பிக்க வேண்டும்.

வங்கிகளின் இணைப்பு காரணமாக பல மாற்றங்கள் நிகழ்ந்துள்ளன. இணைக்கப்பட்ட வங்கிகளின் ஐ.எஃப்.எஸ்.சி(IFSC Code) குறியீடு இப்போது மாற்றப்பட்டுள்ளது. இதைக் கருத்தில் கொண்டு, பணியாளர் வருங்கால வைப்பு நிதி அமைப்பு (EPFO) அனைத்து பி.எஃப் கணக்கு வைத்திருப்பவர்களுக்கும் தங்கள் கணக்கைப் புதுப்பிக்க அறிவுறுத்தல்களை வழங்கியுள்ளது.

தனியார் மற்றும் அரசு நிறுவனங்களில் பணிபுரியும் ஊழியர்களின் எதிர்காலத்தை மனதில் கொண்டு, ஈ.பி.எஃப்.ஓ (EPFO) வருங்கால வைப்பு(Provident Fund Account) நிதியைக் கழிக்கிறது. அவசர தேவைகள், வேலையின்மை அல்லது ஓய்வூதியம் ஆகியவற்றில் பணியாளர் தனது பணத்தை திரும்பப் பெறலாம். EPFO இந்த பணிகளை ஆன்லைன் செய்துள்ளது. ஆனால் வங்கிகளின் ஐ.எஃப்.எஸ்.சி குறியீட்டின் மாற்றம் காரணமாக, ஆன்லைன் உரிமைகோரல்கள் ஈ.பி.எஃப்.ஓவில் சமர்ப்பிக்கப்படவில்லை. எனவே, EPFO இப்போது ஊழியர்களை தங்கள் கணக்குகளை புதுப்பிக்குமாறு கேட்டுக் கொள்கிறது.

ஈ.பி.எஃப்.ஓ, ஆந்திர வங்கி (Andhra Bank), சிண்டிகேட் வங்கி (Syndicate Bank), ஓரியண்டல் பாங்க் ஆஃப் காமர்ஸ் (Oriental Bank of Commerce), அலகாபாத் வங்கி (Allahabad Bank), யுனைடெட் பாங்க் ஆப் இந்தியா(United Bank of India), கார்ப்பரேஷன் வங்கி (Corporation Bank) . வெளியிட்டுள்ள தகவல்களின்படி, வங்கியின் ஐ.எஃப்.எஸ்.சி குறியீடு(IFSC Code) செல்லாது. இந்த வங்கிகளின் கணக்குகள் பி.எஃப் கணக்கில் இணைக்கப்பட்டிருந்தால், உறுப்பினர் ஆன்லைனில் உரிமை கோர முடியாது. ஆன்லைனில் உரிமை கோர, அவர் பிஎஃப் கணக்கில் வங்கி விவரங்களை புதுப்பிக்க வேண்டும்.

வங்கிக் கணக்கைப் புதுப்பிக்க இந்த நடைமுறையைப் பின்பற்றவும்

முதலில் EPFO இன் ஒருங்கிணைந்த உறுப்பினர் போர்ட்டலுக்குச் செல்லுங்கள் https://unifiedportalmem.epfindia.gov.in/memberinterface/ . உங்கள் UAN மற்றும் கடவுச்சொல்லை உள்ளிட்டு இங்கே உள்நுழைக. இப்போது 'நிர்வகி' தாவலைக் கிளிக் செய்க. ஒரு மெனு உங்களுக்கு முன்னால் கீழ்தோன்றும். இந்த மெனுவில் KYC ஐத் தேர்ந்தெடுக்கவும். இங்கே உங்கள் வங்கி கணக்கு எண்ணைக் காண்பீர்கள். அதைக் கிளிக் செய்து, புதிய IFSC ஐ நிரப்பி சேமிக்கவும். இந்த தகவல் அங்கீகரிக்கப்பட்ட பிறகு, உங்கள் புதுப்பிக்கப்பட்ட வங்கி விவரங்கள் அங்கீகரிக்கப்பட்ட KYC பிரிவில் தெரியும்.

அங்கீகரிக்கப்படவில்லை என்றால் இந்த செயல்முறையைச் செய்யுங்கள்.

உங்கள் வங்கி விவரங்கள் புதுப்பித்தல் கோரிக்கையை ஏற்கவில்லை என்றால், முதலில் நீங்கள் இதைப் பற்றி மனிதவளத் துறை அல்லது நிறுவனத்தின் நிர்வாகத்துடன் பேச வேண்டும். விவரங்களை அங்கீகரிக்க இன்னும் அதிக நேரம் எடுத்துக்கொண்டால், உயர் அதிகாரிகளை தொடர்பு கொள்ளுங்கள். இது இருந்தபோதிலும் நிறுவனம் எந்த நடவடிக்கையும் எடுக்கவில்லை என்றால், ஈபிஎஃப் குறைகளை புகார் செய்யுங்கள்.

மேலும் படிக்க

UAN நம்பர் இல்லாமல் PF கணக்கின் இருப்பு தொகையை சுலபமாக அறிந்து கொள்ளலாம்..!

பி.எஃப் மற்றும் ஓய்வூதியக் கணக்கைப் பிரிப்பதன் மூலம் உங்களுக்கு என்ன நன்மை கிடைக்கும் என்பதை அறிந்து கொள்ளுங்கள்

ஜூன் 1 முதல் புதிய ஆர்டர் பிஎஃப் பணத்தை பெற முக்கியமா தகவல்