Krishi Jagran Tamil
Menu Close Menu

விவசாயத்திலும் விஞ்ஞானி சாதனை

Tuesday, 18 September 2018 10:07 PM

ஒருங்கிணைந்த பண்ணையம் அமைத்து நெல், கரும்பு, பழப்பயிர்கள் மற்றும் மூலிகைப் பயிர்கள் சாகுபடி, கால்நடை வளர்ப்பு, பண்ணைக் குட்டையில் மீன் வளர்ப்பு மற்றும் கோழி வளர்ப்பு ஆகியவைகளை திறம்பட செய்து சாதனை செய்து வருகிறார் சிவகங்கை விஞ்ஞானி (ஓய்வு) கே. ரங்கராஜன்.

 

அவர் கூறியதாவது: சிவகங்கை அருகே சாலூரில் விவசாய குடும்பத்தில் பிறந்தேன். கேரள பல்கலைக் கழகத்தில் "மரைன் சயின்ஸ்'சில் முனைவர் பட்டம் பெற்றேன். கொச்சியில், இந்திய விவசாய ஆராய்ச்சி கழகத்தின் கீழ் செயல்பட்டு வரும் மத்திய கடல் மீன் ஆராய்ச்சி நிலையத்தில் (ஏ. ஆர். எஸ்.,) 1964ல் முதன்மை விஞ்ஞானியானேன். இங்கு 37 ஆண்டுகள் பணிபுரிந்து விட்டு 2000ல் ஓய்வு பெற்றேன். எனக்கு 78 வயதானாலும் விவசாயத்தை மறக்கக்கூடாது என்ற நோக்கத்தில், அதில் கவனம் செலுத்தி வருகிறேன்.

விவசாயத்திலும் சாதனை: 2001ல் நாட்டரசன்கோட்டையில் 28 ஏக்கர் தரிசு நிலத்தை வாங்கினேன். அதை பண்படுத்தி திருந்திய நெல் சாகுபடி மற்றும் கோயம்புத்தூரில் உள்ள கரும்பு இனப்பெருக்க நிலையம் கண்டறிந்துள்ள புதிய கரும்பு ரகங்களை சாகுபடி செய்து வருகிறேன். இவை அதிக சர்க்கரை சத்துடன் 8 முதல் 10 அடி உயரம் வரை வளருகின்றன. இந்த ரகங்களின் கரணைகளை உற்பத்தி செய்து கரணை போட்டு மேலக்காடு, திருவேலங்குடி மற்றும் சுற்றுப்புற விவசாயிகளுக்கு வழங்குகிறேன். இது தவிர மாம்பழ விளைச்சலும் நன்றாக உள்ளது. இங்கு 4 பண்ணைக் குட்டைகள் மூலம் மழை நீரை சேமித்து பாசனம் செய்கிறேன். பண்ணைக் குட்டையில் கட்லா, ரோகு, விறால் வகை மீன்களும் வளர்கின்றன. பால் உற்பத்தி மற்றும் முட்டை உற்பத்திக்காக பசு மாடுகள் மற்றும் கோழிகள் வளர்த்து வருகிறேன். இவ்வாறு ஒருங்கிணைந்த பண்ணையம் அமைத்து, "பன்முக விவசாயி' ஆனேன், என்றார். பணிக் காலத்தில் விஞ்ஞானியாக இருந்த நான் இப்போது விவசாயத்தில் சாதிக்கும் நோக்கத்தில் ஒருங்கிணைந்த பண்ணையம் அமைத்து "விவசாயத்திலும் விஞ்ஞானி' எனப் பெயர் எடுத்துள்ளேன் என்றார்.

கே. ரங்கராஜன்

விஞ்ஞானி (ஓய்வு)

சாலூர் ,

சிவகங்கை மாவட்டம்.

தொடர்புக்கு: 94427 22928

English Summary: Scientist achievement in agriculture

Share your comments


Krishi Jagran Tamil Magazine Subscription Online Subscription

Latest Stories

  1. கூடுதல் விலைக்கு விற்பவர்கள் மீது சட்டப்படி நடவடிக்கை எடுக்கப்படும்
  2. கூட்டுறவு விற்பனை சங்கம் சார்பில் நடமாடும் காய்கறிக் கடை
  3. கல்லாற்றில் இன்னும் இரண்டு வாரங்களில் பலாப்பழம் விற்பனை ஆரம்பம்
  4. விவசாயிகள் இடுபொருள், உரம் தடையின்றி பெற அரசு அனுமதி
  5. ஒழுங்குமுறை விற்பனை கூடங்களில் சேமித்து பயன்பெறலாம்
  6. உற்சாகத்துடன் மீண்டும் களமிறங்கிய சிறு, குறு விவசாயிகள்
  7. கொள்முதல் பணிகள் இரண்டு வாரத்திற்கு நிறுத்தம்: நுகர்பொருள் வாணிப கழகம் அறிவுப்பு
  8. 'பழங்களின் ராஜா’என்று அழைக்கப்பட்ட பழம் எது என்று தெரியுமா?
  9. விவசாயிகளுக்கு நற்செய்தி :வேளாண் சார்ந்த பணிகளுக்கு மட்டும் தடை உத்தரவிலிருந்து விலக்கு
  10. அதிக நாட்கள் வாடாமல் இருப்பதால் மக்கள் ஆர்வத்துடன் வாங்கி செல்கிறார்கள்

CopyRight - 2020 Krishi Jagran Media Group. All Rights Reserved.