Krishi Jagran Tamil
Menu Close Menu

முத்ரா கடன்தாரர்களுக்கு மத்திய அரசின் சிறப்பு போனஸ் - வட்டி மானியம்!

Thursday, 25 June 2020 07:22 PM , by: KJ Staff
முத்ரா கடன் திட்டம்

Image Credit By: Finance Buddha

கொரோனா பாதிப்பைக் கருத்தில் கொண்டு முத்ரா கடன் திட்டத்தின் கீழ் வங்கிக்கடன் பெற்றவர்களுக்கு, ஓராண்டுக்கு வட்டியில் 2 சதவீதத்தை மானியமாக வழங்க மத்திய அரசு முடிவு செய்துள்ளது.

முத்ரா கடன்

குறைந்த அளவிலான முதலீட்டில் சாலையோரம் கடை வைத்திருப்பவர்கள், தள்ளுவண்டி வியாபாரிகள் உள்ளிட்ட குறு வியாபாரிகளை ஊக்குவிக்கும் வகையில், பிரதான் மந்திரி முத்ரா யோஜ்னா (Pradhan Mantri Mudra Yojana) என்னும் திட்டத்தை மத்திய அரசு செயல்படுத்தி வருகிறது. இதன்படி

  • குறு வியாபாரிகள் 50 ஆயிரம் ரூபாய் முதல் 10 லட்சம் ரூபாய் வரை வங்கிக் கடன் பெற வழிவகை செய்யப்பட்டுள்ளது.

  • சிசு கடன் என்ற பெயரில் 50 ஆயிரம் ரூபாய் வரைக்கும், கிஷோர் கடன் என்ற பெயரில் 5 லட்சம் ரூபாய் வரை

  • தருன் கடன் என்ற பெயரில், 5 முதல் 10 லட்சம் ரூபாய் வரைக்கும் என மூன்று பிரிவுகளில் கடன் வழங்கப்படுகிறது.

2 சதவீதம் மானியம் அறிவிப்பு

இந்நிலையில், நாடுமுழுவதும் வேகமாக பரவிவரும் கொரோனா நோய் தொற்றைத் தடுக்கும் விதமாக, ஊரடங்கு அமலில் உள்ளது. இதன் காரணமாகக் கடந்த சில மாதங்களாக குறு வியாபாரிகளின் வாழ்வாதாரம் பெரிதும் பாதிக்கப்பட்டுள்ளது. எனவே அவர்களின் நலன் கருதி, முத்ரா கடன் திட்டத்தின் கீழ், 50 ஆயிரம் ரூபாய் வரை சிசு கடன் (Shishu Loan) திட்டத்தில் கடன் பெற்றவர்களுக்கு ஓராண்டுக்கு, வட்டியில் 2 சதவீதம் மானியம் வழங்க மத்திய அரசு முடிவு செய்துள்ளது.

பிரதமர் நரேந்திர மோடி தலைமையில் நடைபெற்ற மத்திய அமைச்சரவைக் கூட்டத்தில் இந்த முடிவு எடுக்கப்பட்டது. இது தொடர்பாக பிரதமர் அலுவலகம் வெளியிட்டுள்ள அறிக்கையில், இந்த சிறப்பு சலுகை வரும் 12 மாதங்களுக்கு மட்டுமே பொருந்தும் எனத் தெரிவிக்கப்பட்டுள்ளது.

நிபந்தனை

  • சிசு கடன் பெற்றவர்கள், கடந்த மார்ச் மாதம் வரை தங்களது தவணைத் தொகையை தவறாமல் செலுத்தியிருக்க வேண்டியது அவசியம்.

  • கடனுக்கான தவணைத் தொகையைச் செலுத்தாமல் நிலுவையில் வைத்திருப்பவர்களும், வாராக் கடன் பட்டியலில் பெயர் சேர்க்கப்பட்டிருப்பவர்களும் இந்த சலுகையை அனுபவிக்க முடியாது

  • இந்த திட்டத்தை செயல்படுத்துவதால், மத்திய அரசுக்கு கூடுதலாக ஆயிரத்து 542 கோடி ரூபாய் செலவாகும் என மதிப்பிடப்பட்டுள்ளது

Elavarase Sivakumar
Krishi jagran

மேலும் படிக்க... 

RBI கட்டுப்பாட்டில் கூட்டுறவு வங்கிகள் - விவசாயிகளுக்கு என்ன பயன்?

Lockdown : வீட்டில் இருப்பவர்களா நீங்கள்? அப்போ இந்த தகவல் உங்களுக்கு தான்!

நுண்ணீர் பாசன திட்டத்தின் மூலம் சொட்டு நீர் பாசனம் அமைக்க விவசாயிகளுக்கு அழைப்பு!

Mudra Yojana முத்ரா கடன் Pradhan Mantri Mudra Yojana மானியம் Shishu Loan
English Summary: Small borrowers Can now get 2 percent interest subsidy under Mudra Yojana

Share your comments


Krishi Jagran Tamil Magazine Subscription Online Subscription

Monsoon 2020 update on Krishi Jagran Tamil Help App

Latest Stories

  1. சிறுதானியங்களை சீவல்-ஆக மாற்றி விற்பனையில் அசத்தும் ஈரோடு ராஜமணிக்கம்!
  2. வெட்டிவேர் விற்ற காசும் மணக்கும் - எப்படி சாகுபடி செய்யலாம்?
  3. விவசாயிகளுக்கு உதவும் மத்திய-மாநில அரசுகளின் நல திட்டங்கள்!
  4. முறையான பயிர்வாரி சாகுபடி முறைகள் & தொழிநுட்பங்கள் - பகுதி-1!
  5. வேளாண் துறையில் அதிக லாபம் பெற உதவும் சிறு தொழில்கள்!
  6. கொரோனா காலத்தில் காய்கறிகள் மற்றும் பழங்களை விடுகளில் சுத்தம் செய்வது எப்படி? அங்கீகரிக்கப்பட்ட வழிகாட்டுதல்கள்
  7. வறண்டு வருகிறது பூண்டி ஏரி- சென்னைக்குத் தண்ணீர் தட்டுப்பாடு ஏற்படும் ஆபத்து
  8. மழைக்காலத்தில் செம்மறி ஆடுகளைத் தாக்கும் நோய்கள்- பாதுகாக்கும் வழிகள்!!
  9. சென்னை, சுற்றுவட்டாரப் பகுதிகளில் வெளுத்து வாங்கிய கன மழை!!
  10. கொரோனா நெருக்கடியால் தொடரும் இலவச ரேஷன் பொருட்கள் சேவை - 6ம் தேதி முதல் டோக்கன் வினியோகம்!!

CopyRight - 2020 Krishi Jagran Media Group. All Rights Reserved.