ஆவின் பால் விலை ரூ.3 குறைப்பு இன்று முதல் அமலுக்கு வந்தது!!

ஆவின் பால் விலை ரூ.3 குறைக்கப்படும் என்று தமிழக முதல்வரின் அறிவிப்பு இன்று முதல் நடைமுறைக்கு வந்துள்ளது.

முதல் 5 அறிவிப்புகள்

தமிழக முதலமைச்சராக பொறுப்பேற்ற மு.க ஸ்டாலின் கடந்த 7-ம் தேதி தனது முதல் 5 கோப்புகளில் கையெழுத்திட்டு புதிய அறிவிப்புகளை வெளியிட்டார். அதில் 2-வது அறிவிப்பாக ஆவின் பால் விலை குறைக்கப்படும் என்று வெளியிடப்பட்டு இருந்தது. இந்த விலை குறைப்பு மே 16-ம் தேதி முதல் நடைமுறைக்கு வரும் என்று அவர் அறிவித்தார்.

அதன் படி, தமிழக அரசு அறிவித்துள்ள ஆவின் பால் விலை குறைப்பு இன்று முதல் நடைமுறைக்கு வந்துள்ளது.

புதிய விலை பட்டியல்

ஆவின் நீல நிறம் லிட்டருக்கு ரூ.40, அரை லிட்டர் ரூ.20-க்கும், ஆவின் பச்சை நிறம் அரை லிட்டர் ரூ.22-க்கும், ஆவின் ஆரஞ்சு அரை லிட்டர் ரூ.24-க்கும், ஆவின் இளஞ்சிவப்பு நிறம் அரை லிட்டர் ரூ.18.50-க்கும், இன்று முதல் விற்பனை செய்யப்படும். டீமேட் எனப்படும் பால் லிட்டருக்கு ரூ.57-க்கு விற்கப்படுகிறது.

இதேபோல், பால் அட்டை வைத்திருப்போருக்கு லிட்டருக்கு ரூ.3 குறைக்கப்பட்டுள்ளது. ஆவின் நீல நிற பால் பாக்கெட் லிட்டருக்கு ரூ.37-க்கும், அரை லிட்டர் ரூ.18.50-க்கும் கிடைக்கும். பச்சை நிறமுள்ள அரை லிட்டர் பால் ரூ.21-க்கும், ஆரஞ்சு நிறம் ரூ.23-க்கும், இளஞ்சிவப்பு நிறம் ரூ.18-க்கும் கிடைக்கும் என்று ஆவின் நிர்வாகம் ஏற்கனவே அறிவித்து இருந்தது.

இந்த விலை குறைப்பு காரணமாக ஆண்டுக்கு ரூ.300 கோடி வரை இழப்பு ஏற்படும் என்று ஆவின் வட்டாரங்கள் தெரிவிக்கின்றன.

மேலும் படிக்க....

ரெம்டெசிவர் மருந்துகளை கள்ளச்சந்தையில் விற்றால் குண்டர் சட்டத்தில் நடவடிக்கை : முதல்வர் மு.க.ஸ்டாலின்!!

அரசு தன்னால் இயன்றவரை கொரோனா தொற்றுக்கு எதிராக போராடிவருகிறது - பிரதமர் மோடி!!

கொரோனா நிவாரண நிதி- இப்போ இல்லேன்னா 18க்குப் பிறகு!