ஜல்லிக்கட்டு: காளைகளுக்கு உடற்தகுதி சான்றிதழ் வழங்கும் பணி தொடக்கம்

ஜல்லிக்கட்டு தமிழரின் பாரம்பரிய விளையாட்டு, தமிழரின் போராட்டத்தினால் நமக்கு கிடைத்த மாபெரும் இன்பக்கனி. இந்த விளையாட்டுக்கான பணிகள் தீவரமடைந்து வருகிறது. காளைகளுக்கு உடற்தகுதி சான்றிதழ்கள் போன்ற பணி நடைபெறுகிறது.

மதுரை: மதுரையில் பொங்கல் பண்டிகையையொட்டி ஜல்லிக்கட்டு நடத்த இன்னும் 10 நாட்களே உள்ள நிலையில், ஜல்லிக்கட்டு காளைகள் மற்றும் உரிமையாளர்களுக்கு கால்நடை மருத்துவர்கள் உடற்தகுதி சான்றிதழ் வழங்கும் பணியை தொடங்கினர். ஜல்லிக்கட்டு போட்டிகளுக்கு பதிவு செய்ய சான்றிதழ்கள் அவசியம் என்பது குறிப்பிடதக்கது.

மதுரையில் உள்ள கால்நடை மருத்துவமனைகளில் புதன்கிழமை ஏராளமான காளைகளின் உரிமையாளர்கள் காளைகளைப் பரிசோதிக்க ஆர்வத்துடன் வரிசையில் நின்றனர். "விலங்குகளின் நிலை மாறியதால், ஒவ்வொரு ஆண்டும் உடற்தகுதி சான்றிதழ்கள் வழக்கமாக வழங்கப்படுகின்றன.

"புதன் கிழமையன்று சான்றிதழ் வழங்கத் தொடங்கினோம், ஜல்லிக்கட்டு நிகழ்வுகள் தொடங்கும் வரை இது தொடரும். காளை உரிமையாளர்கள் தங்கள் காளைகளை பரிசோதித்து, அந்தந்த பகுதிகளில் உள்ள கால்நடை மருத்துவர்களிடம் உடற்தகுதி சான்றிதழை பெறுகின்றனர்,'' என கால்நடை வளர்ப்பு மண்டல இணை இயக்குனர் டாக்டர் நடராஜ் குமார் தெரிவித்தார்.

சான்றிதழ்கள் ஒரு வருட காலத்திற்கு செல்லுபடியாகும் மற்றும் ஒரு பருவத்திற்கான பல்வேறு ஜல்லிக்கட்டு நிகழ்வுகளுக்கு பதிவு செய்ய பயன்படுத்தப்படலாம், இது வழக்கமாக மே வரை நீடிக்கும் என்பது குறிப்பிடதக்கது.

இந்த ஆண்டு சான்றிதழில் காளை உரிமையாளர், உதவியாளர் புகைப்படம் மற்றும் முறைகேடுகளைத் தவிர்க்க உரிமையாளரின் ஆதார் அட்டை எண் அச்சிடப்பட்டுள்ளது.

ஜல்லிக்கட்டில் பங்கேற்க அனைத்து காளைகளும் நோய் மற்றும் காயம் இல்லாமல் இருக்க வேண்டும். காளையின் பற்கள், கண்கள், கொம்புகள், கொம்பு உள்ளிட்ட பல்வேறு பகுதிகள் தகுதி வாய்ந்த கால்நடை மருத்துவர்களால் பரிசோதிக்கப்படுகின்றன. மதுரை விளாச்சேரி கால்நடை உதவி மருத்துவர் டாக்டர் ஜி.சிவக்குமார் கூறுகையில், "காளைகளுக்கு வழக்கமான மருத்துவ பரிசோதனை செய்து சான்றிதழ்கள் வழங்குகிறோம். மாவட்டம் முழுவதும் உள்ள அனைத்து கால்நடை மருத்துவமனைகளும் இந்த சான்றிதழ்களை வழங்கலாம்.

மதுரையில் அவனியாபுரம் ஜல்லிக்கட்டு, பாலமேடு ஜல்லிக்கட்டு, அலங்காநல்லூர் ஜல்லிக்கட்டு உள்ளிட்ட புகழ்பெற்ற ஜல்லிக்கட்டு போட்டிகளுக்கான ஆன்லைன் பதிவு இன்னும் சில நாட்களில் தொடங்கும் என எதிர்பார்க்கப்படுகிறது.

மேலும் படிக்க:

புதுக்கோட்டையின் ஜல்லிக்கட்டு விதிமுறைகள்

5 மொழிகளில் தினை வகைகளின் பெயர்களை, இப் பதிவில் பார்க்கலாம்!