சிலிண்டர் புக் செய்ய மிஸ்டு கால் வசதி! இண்டேன் அறிமுகம்!

பொதுவாக நாம் இப்போது சமையலுக்கு கேஸ் சிலிண்டரையே நம்பி இருக்கிறோம். பல நிறுவனங்கள் இந்த சேவையை வழங்கி வரும் நிலையில், கேஸ் புக் செய்ய புதிய வசதியை அறிமுகம் செய்துள்ளது இண்டேன் நிறுவனம். கேஸ் சிலிண்டர் புக்கிங் செய்வதற்கு மிஸ்டு கால் (Missed Call) வசதியை இண்டேன் நிறுவனம் (Indane) ஏற்பாடு செய்துள்ளது.

மிஸ்டுகால் வசதி:

சிலிண்டர் புக்கிங் (Cylinder Booking) செய்வதற்கு மற்றும் புதிய இணைப்புகள் பெறுவதற்கு 84549-55555 என்ற எண்ணிற்கு மிஸ்டு கால் கொடுக்கலாம் என இண்டேன் நிறுவனம் தெரிவித்துள்ளது. கடந்த சில மாதங்களுக்கு முன்னர் இண்டேன் நிறுவனத்தின் சிலிண்டர்களை பயன்படுத்துவோர் சிலிண்டர் புக்கிங்கிற்கு பிரத்யேக போன் நம்பர் தரப்பட்டிருந்தது. அதன் மூலம் சிலிண்டர்கள் புக்கிங் செய்யப்பட்டு ஒரிரு நாட்களில் சிலிண்டர்கள் டெலிவிரி (Delivery) செய்யப்பட்டது. இந்நிலையில் மிஸ்டுகால் வசதி தற்போது அறிமுகம் செய்யப்பட்டுள்ளது.

வாடிக்கையாளர்கள் மகிழ்ச்சி:

இண்டேன் நிறுவனம் அறிமுகப்படுத்தியுள்ள மிஸ்டு கால் சேவையால், வாடிக்கையாளர்கள் மகிழ்ச்சி அடைந்துள்ளனர். முன்பெல்லாம் IVRS கேஸ் புக்கிங் செய்து வந்த நிலையில், இப்போது இந்தச் சேவையினால், மிக எளிதில் கேஸ் புக் செய்ய முடியும். இண்டேன் கேஸ் நிறுவனத்தில் பதிவு செய்யப்பட்ட மொபைல் எண்ணிலிருந்து மிஸ்டு கால் கொடுக்க வேண்டும்.

Krishi Jagran
ரா.வ. பாலகிருஷ்ணன்

மேலும் படிக்க

செல்வமகள் சேமிப்பு திட்டத்தில் இணையவதற்கு, ரோட்டரி கிளப் இலவச உதவி! பெற்றோர்களுக்கு அழைப்பு!

ஓய்வு காலத்தில் சுகமாக வாழ சிறந்த திட்டம் எது? VPF vs PPF!

சொந்த வீடு கட்ட அரசின் மானியம்! பயனாளிகள் பட்டியலில் உங்கள் பெயர் இருக்கா, இல்லையா? செக் பன்னிகோங்க!