மத்திய அரசின் ரூ.6000 நிதி –இந்த எண்களைத் தொடர்பு கொள்ளவும்!

Elavarse Sivakumar Updated on 24 November, 2022 4:30 PM IST

மத்திய அரசு வழங்கும் 6,000ரூபாயைப் பெற ஆதார் எண்ணை இணைப்பது கட்டாயமாக்கப்பட்டுள்ளது. அவ்வாறு இந்த இணைப்பைச் செய்யாதவர்களுக்கு அந்த நிதியுதவி கிடைக்காது என அறிவிக்கப்பட்டுள்ளது

பொருளாதார ரீதியில் நலிவடைந்த விவசாயிகளின் நிதிச்சுமையைக் குறைக்கும் வகையில், ஆண்டுக்கு ரூ.6,000 நிதியுதவி வழங்கும் திட்டத்தை மத்திய அரசு செயல்படுத்தி வருகிறது. பிரதமரின் கிசான் சம்மான் நிதி திட்டத்தின் கீழ் ஒவ்வொரு விவசாயிக்கும், தலா 6,000 ரூபாய் ஆண்டுதோறும் வழங்கப்படுகிறது.

வங்கிக்கணக்கில்

இந்த தொகை 3 தவணைகளாக தலா 2,000 ரூபாய் வீதம் பகிர்ந்து அளிக்கப்படுகிறது. இந்த தொகை,விவசாயிகளின் வங்கிக்கணக்கில் நேரடியாக அனுப்பப்படுகிறது. மத்திய அரசின் இந்த நிதியுதவியைப் பெறுவதற்கு விவசாயிகளுக்கு தகுதிகள் நிர்ணயம் செய்யப்பட்டுள்ளன. அவ்வாறு தகுதிபெற்ற விவசாயிகள், இதற்கென நிர்வகிக்கப்படும் இணையதளத்தில், தங்கள் விபரங்களைப் பூர்த்தி செய்து முன்பதிவு செய்துகொள்ளவேண்டியது கட்டாயம்.

13-வது தவணைக்காக

குறிப்பாக, அந்த முன்பதிவுடன் தங்களது ஆதார் எண்ணை இணைக்க வேண்டும் என மத்திய அரசு ஏற்கனவே அறிவுறுத்தியுள்ளது. இந்தத்திட்டத்தின் கீழ் இதுவரை, 12 தவணைகள் விடுவிக்கப்பட்டுள்ள நிலையில், 13-வது தவணைக்காக விவசாயிகள் காத்திருக்கின்றனர்.

சிக்கல்

இந்நிலையில், ஆதார் எண்ணை இதுவரை இணைக்காத 9 லட்சம் விவசாயிகளுக்கு ஆண்டுக்கு ரூ.6000 உதவித் தொகை கிடைப்பதில் சிக்கல் ஏற்பட்டுள்ளது. ஆதார் எண்ணை இணைத்தால் மட்டுமே உதவித் தொகை விவசாயிகளுக்கு கிடைக்கும் என வேளாண்துறை அதிகாரிகள் தெரிவித்துள்ளனர்.