LIC Policy : வாழ்வை வளமாக்கும் எல்.ஐ.சி., பாலிசிகள்! 2021ல் தவறவிட வேண்டாம்!!

நாட்டின் மிகவும் நம்பகமான காப்பீட்டு நிறுவனங்களில் ஒன்றான இந்திய ஆயுள் காப்பீட்டுக் கழகம் (எல்.ஐ.சி) தனது வாடிக்கையாளர்களுக்கு தேவையான பயனுள்ள பாலிசிகளையும், விவசாய சமூகத்திற்கும் உதவும் வகையில் பல்வேறு பாலிசிகளையும் வழங்கி வருகிறது. மேலும், இந்த 2020ம் ஆண்டு விவசாயிகளுக்கும் விவசாயத் துறையினருக்கும் மிகவும் சவாலான ஆண்டாக இருந்தது. இத்தகைய இடர்பாடுகளிலும் அனைவருக்கும் பயனளித்த மற்றும் பயனளிக்கும் பாலிசிகள் குறித்து இங்கே காணலாம்.

நாளைய வாழ்க்கைக்கு நிச்சயமில்லாத இந்த உலகில் அணைவரும் வாழ்வது நம்பிக்கையை மனதில் வைத்து மட்டுமே. அந்த நம்பிக்கைக்கு மறு உத்தரவாதமாக வந்தது தான் எல்ஐசியின் வாழ்நாள் காப்பீடு, மருத்துவக் காப்பீடு, குழந்தைகள் நலன் காப்பீடு என்பன உள்ளிட்ட பல்வேறு காப்பீடு பாலிசிகள். மேலும், இந்திய ஆயுள் காப்பீட்டுக் கழகத்தில் (எல்.ஐ.சி) முதலீடு செய்வது மிகவும் நன்மை பயக்கும் என்று கருதப்படுகிறது, ஏனெனில் இது அரசாங்கத்தால் நடத்தப்படும் நிறுவனம் மற்றும் பாலிசியில் முதலீடு செய்வதன் மூலம் உங்கள் பணத்தைப் பற்றி நீங்கள் கவலைப்பட வேண்டியதில்லை.

மிக முக்கியமான மற்றும் பயனுள்ள சில எல்.ஐ.சி பாலிசிகளையும், உங்கள் வாழ்க்கையை காப்பீடு செய்ய இது எவ்வாறு உதவும் என்பதையும் அறிந்து கொள்வோம்.

எல்.ஐ.சி ஜீவன் அக்‌ஷய் பாலிசி (LIC Jeevan Akshay Policy)

எல்ஐசி நிறுவனத்தின் மிகவும் பிரபலமான திட்டங்களில் ஒன்றாக ஜீவன் அக்‌ஷய் திட்டம் கருதப்படுகிறது. மேலும், ஓய்வூதியம் கோரும் நபர்களுக்கு இது மிகவும் விருப்பமான திட்டமாகும். இந்த பாலிசி 2020 ஆகஸ்ட் 25 முதல் தொடங்கப்பட்டுள்ளது.
மேலும், இந்த ஓய்வூதியம் பாலிசிதாரருக்கு ஆயுள் முழுவதற்கும் வழங்கப்படுகிறது, இந்த திட்டத்தை எடுத்து முதலீடு செய்த உடன் ஒவ்வொரு மாதமும் நீங்கள் ஒரு நல்ல தொகையை சம்பாதிக்கலாம். இந்த திட்டத்தில் ஒரு முறை மட்டுமே முதலீடு செய்வதன் மூலம் ஆயுள் முழுதும் ஓய்வூதியம் பெறலாம்.

இந்த பாலிசியின் குறைந்தபட்ச வரம்பு ரூ .1 லட்சம், அதிகபட்ச வரம்பு இல்லை. ஆண்டுக்கு குறைந்தபட்ச ஓய்வூதியம் ரூ .12 ஆயிரம் என்ற அளவில் உள்ளது. இருப்பினும் இது பாலிசிதாரரின் மொத்த முதலீட்டைப் பொறுத்து மாறுபடும். பாலிசி எடுத்த நாளிலிருந்து 3 மாதங்களுக்கு பிறகு கடன் வசதியும் கிடைக்கிறது. .

எல்.ஐ.சி கன்யாதன் பாலிசி (LIC Kanyadan Policy)

ஒவ்வொரு பெற்றோருக்கும் மகளை நல்ல முறையில் வளர்த்தெடுத்து பின்னர் நிறைவான முறையில் திருமணம் செய்து தருவது கனவாக இருக்கும். இந்த கனவு அனைவருக்கும் எளிதில் நிறைவெறுவது இல்லை. ஏனெனில் இதற்கு பல ஆண்டுகள் சேமிப்பு தேவைப்படுகிறது. இந்த கனவை நிறைவேற்றுவதற்காக தொடங்கப்பட்டதுதான் எல்.ஐ.சி.,யின் கன்யாதன் பாலிசி. உங்கள் பெண் குழந்தைகளின் வளர் இளம் பருவத்தில் எடுக்கப்படும் இந்த திட்டமானது குறிப்பாக திருமணத்தின் போது முதிர்ச்சியடைந்து மொத்த பணத்தை வழங்குகிறது. 

ஒரே ப்ரீமியத்தில் ஓஹோன்னு வாழ்க்கை : எல்.ஐ.சி-யின் ஜீவன் அக்‌ஷய் திட்டம்

இந்தக் பாலிசியின் நன்மையை எவ்வாறு பெறுவது?

நீங்கள் அருகிலுள்ள எல்.ஐ.சி அலுவலகம் அல்லது எல்.ஐ.சி முகவரிடம் சென்று எல்.ஐ.சி கன்யாதன் பாலிசியில் முதலீடு செய்வது குறித்து கேட்டறியுங்கள். விதிமுறைகள் மற்றும் நிபந்தனைகள் பற்றி அறிந்து பின்னர் முதலீடு செய்யலாம்.

 

எல்.ஐ.சி ஜீவன் சாந்தி பாலிசி (LIC Jeevan Shanti Policy)

ஜீவன் சாந்தி திட்டத்தின் கீழ், குறைந்தபட்சம் ரூ.1.5 லட்சம் முதல் முதலீடு செய்யலாம். . அதிகபட்ச தொகைக்கு வரம்பு இல்லை. உங்கள் வசதிக்கு ஏற்ப 5 லட்சம் அல்லது 10 லட்சம் அல்லது அதற்கு மேல் கூட டெபாசிட் செய்யலாம்.

எல்.ஐ.சியின் இந்த திட்டத்தில், நீங்கள் ஒரு முறை மட்டுமே முதலீடு செய்ய வேண்டும். இதன் மூலம் உங்களின் உத்தரவாத வருமானம் வாழ்நாள் முழுவதும் தொடரும். நீங்கள் உங்கள் பெற்றோர் அல்லது உடன்பிறப்புகளுடன் கூட்டாக இந்த பாலிசியை எடுக்கலாம். இது ஒரு பிரீமியம் திட்டமாகும், அங்கு நீங்கள் முதலீடு செய்தவுடன், நீங்கள் ஓய்வூதியம் பெறத் தொடங்குவீர்கள். அது வாழ்நாள் முழுவதும் கிடைக்கப்பெறும்.

எல்.ஐ.சி.யின் மைக்ரோ பச்சாட் (LIC’s Micro Bachat)

எல்.ஐ.சி.யின் மைக்ரோ பச்சாட் திட்டம் என்பது வழக்கமான பிரீமியம் திட்டமாகும். இது ஒரு எண்டோவ்மென்ட் திட்டமாகும். இது மருத்துவ மற்றும் உயிர் பாதுகாப்பு மற்றும் சேமிப்புக்கான ஒருங்கிணைந்த அம்சத்தை வழங்குகிறது. முக்கியமாக குறைந்த வருமானம் கொண்ட தனிநபர்கள் மற்றும் குடும்பங்களுக்கு இந்த திட்டம் மிகுந்த பயனளிக்கும். உதாரணமாக, ரூ .1 லட்சம் காப்பீடு பெற வேண்டும் எனில் 35 வயதான நபர் ஆண்டுக்கு ரூ .5,220 முதலீடு செய்ய வேண்டும்.

எல்.ஐ.சி ஜீவன் பெனிஃபிட் பாலிசி (LIC Jeevan Benefit Policy)

8 முதல் 59 வயதுக்குட்பட்டவர்களால் மட்டுமே ஆயுள் நல பாசியை எடுக்க முடியும். இந்த பாலிசியின் முதிர்வு வயது 75 ஆண்டுகள். 16 முதல் 25 ஆண்டுகள் வரை பாலிசி காலத்தை எடுக்கலாம். மேலும், குறைந்தபட்சம் இரண்டு லட்சம் ரூபாயை தொகை காப்பு உறுதி என எடுக்க வேண்டும்.

இந்த திட்டத்தில் அதிகபட்ச வரம்பு இல்லை. தற்செயலான மரணம் மற்றும் மருத்துவ இழப்பீடு இந்த பாலிசியில் சேர்க்கப்பட்டுள்ளன. நீங்கள் 25 ஆண்டுகளுக்கு ரூ .1,55,328 பிரீமியம் செலவிட்டால், அதாவது மாதத்திற்கு ரூ .518, அதாவது நாளொன்றுக்கு ரூ .17, இது முதிர்ச்சியடைந்தால் போனஸுடன் சுமார் 4.04 லட்சம் ரூபாய் கிடைக்கும்.

எல்.ஐ.சி.யின் நியூ சில்ரன் மணி பேக் பிளான் (LIC’s New Children Money Back Plan)

ஒவ்வொருவரு பெற்றோரும் தங்கள் குழந்தைகளின் பாதுகாப்பான மற்றும் நல்ல எதிர்காலத்தை விரும்புகிறார்கள். எனவே, எல்.ஐ.சி அத்தகைய ஒரு திட்டத்தையும் கொண்டுள்ளது, இது குழந்தைகளின் தேவைகளையும் எதிர்காலத்தையும் மனதில் கொண்டு வடிவமைக்கப்பட்டுள்ளது.

இந்த பாலிசியை எடுப்பதற்கான குறைந்தபட்ச வயது 0 ஆண்டுகள். காப்பீடு எடுக்கும் அதிகபட்ச வயது 12 ஆண்டுகள். குறைந்தபட்ச தொகை ரூ .1,00,00. காப்பீடு செய்யப்பட்ட அதிகபட்ச தொகைக்கு வரம்பு இல்லை. பாலிசிதாரருக்கு 18, 20, மற்றும் 22 வயதில் காப்பீட்டுத் தொகையில் 20 சதவீதம் பணம் கிடைக்கும்.

 

எல்.ஐ.சி ஜீவன் ஆனந்த் பாலிசி (LIC Jeevan Anand Policy)

எல்லோரும் ஓய்வு பெற்ற பிறகு தனது வாழ்க்கையை நிதானமாகப் வாழ விரும்புகிறார்கள். வயதான காலத்தில் தங்கள் வாழ்க்கையை வசதியாக செலவிட விரும்பும் ஒவ்வொரு நபருக்கும் ஓய்வூதிய திட்டம் மிக அவசியம்.

இங்கே நீங்கள் ஒரு நாளைக்கு ரூ .80 டெபாசிட் செய்யும் போது வயதான காலத்தில் ரூ. 28,000 ஓய்வூதியம் பெறலாம். இந்த திட்டத்தில் முதலீடு செய்ய குறைந்தபட்ச வயது 28ஆக இருக்க வேண்டும். இந்த பாலிசி 25 வருட காலத்திற்குப் பிறகு உங்களுக்கான வருமானத்தை வழங்குகிறது.

ஓய்வுகால வருமானத்தைப் பெற மிகச் சிறந்த 5 முதலீட்டு திட்டங்கள்!