முட்டை என்பது நம்மில் பலருக்கு ப்ரியமான ஒன்றாக இருக்கும். அதிலும் அசைவப் பிரியர்களைப் பொருத்தவரை, ஒரே நேரத்தில் ஒன்றுக்கும் மேற்பட்ட முட்டைகளைப் சாப்பிடுவதை வழக்கமாகக் கொண்டிருப்பர். ஒரு நாளைக்கு ஒரு முட்டை சாப்பிடுவது என்பது உண்மையில் ஒரு சூப்பர் உணவு. ஆனால் அளவுக்கு அதிகமான முட்டை நமது ஆரோகியத்துக்கு தீங்கு விளைவிக்கக்கூடும்.
பொதுவாக முட்டையில் உள்ள சத்துக்கள் சூப்பர்ஃபுட் என்று அழைக்கப்படுகின்றன. இது நமது ஆரோக்கியத்திற்கு மிகவும் நன்மை பயக்கும். அதனால்தான் பெரும்பாலான சுகாதார நிபுணர்கள் இதை தினமும் சாப்பிட பரிந்துரைக்கின்றனர். இதில் புரதம், வைட்டமின் டி, வைட்டமின் பி12 மற்றும் ஆரோக்கியமான கொழுப்புகள் போன்றவை உள்ளன. இதில் ஏராளமான சத்துக்கள் இருந்தாலும், சாப்பிடுவதில் கவனமாக இருக்க வேண்டும்.
வயிற்றுப்போக்கு
முட்டையை அளவோடு சாப்பிடுவது நல்லது. அதிக முட்டைகளை சாப்பிடுவது வயிற்றுப்போக்கு அபாயத்தை அதிகரிக்கிறது. வயிற்றுப்போக்கு ஏற்பட்டால், நம் உடல் பலவீனமடையத் தொடங்கும்.
மலச்சிக்கல்
அதிக முட்டைகளை சாப்பிடுவது நமது செரிமான அமைப்பை நேரடியாக பாதிக்கிறது. இது மலச்சிக்கல் பிரச்சனைக்கு வழிவகுக்கும். சில சந்தர்ப்பங்களில், வயிற்றில் எரிச்சல் மற்றும் வாயு பிரச்சினைகள் ஏற்படும் அபாயமும் இருக்கலாம்.
கொலஸ்ட்ரால்
முட்டையின் மஞ்சள் கருவில் ஆரோக்கியமான கொழுப்பு உள்ளது. இது நிறைவுற்ற கொழுப்பைப் போல தீங்கு விளைவிப்பதில்லை. ஆனால் ஏற்கனவே கொலஸ்ட்ரால் பிரச்சனையால் அவதிப்படுபவர்கள் முட்டைகளை குறைவாக சாப்பிட வேண்டும்.
எடை அதிகரிப்பு
முட்டையில் கொழுப்பு உள்ளது. நீங்கள் அதிக முட்டைகளை உட்கொள்ளும்போது, உங்கள் உடலால் உட்கொள்ளும் கலோரிகளை சமநிலைப்படுத்த முடியாது. இதன் காரணமாக உங்கள் எடை அதிகரிக்கத் தொடங்குகிறது. நீங்கள் அதிக முட்டைகளை உட்கொள்ளும்போது, அது உங்கள் உடல் எடையை நேரடியாக பாதிக்கிறது.
நீரிழிவு ஆபத்து
முட்டைகளை அதிகமாக உட்கொள்வது உங்கள் உடலில் நீரிழிவு நோய்க்கான வாய்ப்புகளை அதிகரிக்கிறது. முட்டை சாப்பிடுவதால், நம் உடலில் கொலஸ்ட்ரால் அதிகரிக்கும் போது, நம் உடலில் சர்க்கரையின் அளவும் அதிகரிக்கத் தொடங்குகிறது. சர்க்கரை கட்டுப்படுத்தப்படாவிட்டால், ஒரு நபர் நீரிழிவு நோயால் பாதிக்கப்படுகிறார்.
மேலும் படிக்க...
Share your comments