ஒரே நாளில் 10, 12ம் வகுப்பு பொதுத்தேர்வு முடிவுகள் - 20ம் தேதி வெளியாகிறது!

தமிழகத்தில் 10 மற்றும் 12ம் வகுப்புகளுக்கான பொதுத்தேர்வு முடிவுகள் ஒரே நாளில் வெளியாகும் என அறிவிக்கப்பட்டுள்ளது. இதற்கு ஏற்க, ஏற்கனவே அறிவிக்கப்பட்டத் தேதி, மாற்றப்பட்டு ஜூன் 20ம் தேதி ஒரே நாளில் வெளியாகும் என பள்ளிக்கல்வித்துறை அறிவித்துள்ளது.

பொதுத் தேர்வு

தமிழகத்தில் 12ம் வகுப்பு பொதுத் தேர்வு மே 5ம் தேதி தொடங்கி மே 28ம் தேதி தேர்வு முடிவடைந்தது. இதே போல் பத்தாம் வகுப்பு பொதுத்தேர்வு மே 6ம் தேதி தொடங்கி மே 30ம் தேதி வரை நடைபெற்றது.

இதில், 10ம் வகுப்புக்கு நாளையும் (ஜூன் 17), 12ம் வகுப்புக்கு ஜூன் 23ம் தேதியும் தேர்வு முடிவுகள் வெளியாகும் என பள்ளிக்கல்வித்துறை ஏற்கனவே அறிவித்திருந்தது.

ஒரே நாளில்

இந்த நிலையில், தேர்வு முடிவுகளுக்கான தேதிகள் மாற்றப்பட்டு அறிவிக்கப்பட்டுள்ளது. அதன்படி, 10 மற்றும் 12ம் வகுப்புகளுக்கு ஜூன் 20ம் தேதி ஒரே நாளில் தேர்வு முடிவுகள் வெளியிடப்படும் என பள்ளிக்கல்வித்துறை அறிவித்துள்ளது.

இணையதள முகவரி

20ம் தேதி காலை 9:30 மணிக்கு 12ம் வகுப்பு தேர்வு முடிவுகளும், நண்பகல் 12 மணிக்கு 10ம் வகுப்பு தேர்வு முடிவுகளும் வெளியாகிறது.அரசு தேர்வுத் துறையின், tnresults.nic.in, dge1.tn.nic.in மற்றும் dge2.tn.nic.in ஆகிய இணையதளங்களில் தேர்வு முடிவுகளையும், மதிப்பெண் விபரத்தையும் மாணவர்கள் தெரிந்து கொள்ளலாம். மேலும், மாணவர்கள் மற்றும் தனித் தேர்வர்களின் மொபைல் போன் எண்களுக்கு, மதிப்பெண் விபரங்கள், குறுஞ்செய்தி யாகவும் அரசு தேர்வுத் துறையால் அனுப்பப்படும்.

இரண்டுப் பொதுத்தேர்வுக்கான முடிவுகள் ஒரே நாளில் வெளியிடப்படுவது இதுவே முதன் முறையாகும். எனவே மாணவர்கள் தங்கள் முடிவுகளைத் தெரியத் தயாராக வேண்டியது 20ம் தேதிதான். தேர்வு முடிவுகள் வெளியாகும் தேதி மாற்றப்பட்டிருப்பதை மாணவர்கள் கவனத்தில் கொள்ளுமாறு கேட்டுக்கொள்ளப்படுகிறார்கள். 

மேலும் படிக்க...

இந்தப் பள்ளியில் சேர்ந்தால் ரூ.1,000 பரிசு கிடைக்கும்!

அனைத்து சனிகிழமைகளும் விடுமுறை- பள்ளிக் கல்வித்துறை அறிவிப்பு!